Gujarat Board Exam 2026: પરીક્ષામાં ગેરરીતિ રોકવા કડક તૈયારીઓ, દોષિત સાબિત થયા તો..!
- Gujarat Board Exam 2026: ગેરરીતિ રોકવા બોર્ડની કડક તૈયારી
- પ્રશ્નપત્રનું પેકેટ સમય કરતા વહેલું ખોલાશે તો આચાર્ય સામે કાર્યવાહી
- બોર્ડ દ્વારા સખત સ્ટ્રાઈક જેવી વ્યવસ્થા અમલમાં
Gujarat Board Exam 2026: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (Gujarat Secondary and Higher Secondary Education Board - GSHSEB) દ્વારા આગામી ધોરણ 10 અને 12ની પરીક્ષા (Board Examinations) ને લઈને ઐતિહાસિક અને અત્યંત કડક નિર્ણયો લેવામાં આવ્યા છે. પરીક્ષાની પારદર્શિતા (Transparency) જળવાઈ રહે અને પ્રશ્નપત્ર લીક (Paper Leak) જેવી ઘટનાઓ પર પૂર્ણવિરામ મુકાય તે માટે બોર્ડ દ્વારા 'સખત સ્ટ્રાઈક' જેવી વ્યૂહરચના અમલમાં મૂકવામાં આવી છે.
પ્રશ્નપત્રોનું લાઈવ ટ્રેકિંગ અને ટેકનોલોજીનો ઉપયોગ
આ વખતે પ્રશ્નપત્રોની સુરક્ષા માટે બોર્ડ દ્વારા લાઈવ ટ્રેકિંગ (Live Tracking) ની વ્યવસ્થા કરવામાં આવી છે. પ્રશ્નપત્રના પેકેટ્સ કલેક્ટર કચેરી કે સ્ટ્રોંગ રૂમ (Strong Room) થી પરીક્ષા કેન્દ્ર (Examination Center) સુધી પહોંચે ત્યાં સુધી તેની દરેક હિલચાલ પર ગાંધીનગરથી નજર રાખવામાં આવશે. જો કોઈ વાહન નિયત રૂટની બહાર જશે, તો તાત્કાલિક એલર્ટ જનરેટ થશે.
પેપર ખોલતી વખતે પોલીસ અને CCTVની બાજ નજર
સૌથી મહત્વનો ફેરફાર પ્રશ્નપત્ર ખોલવાની પ્રક્રિયામાં કરવામાં આવ્યો છે. જો પરીક્ષા કેન્દ્રના આચાર્ય (Principal) દ્વારા પ્રશ્નપત્રનું પેકેટ નિયત સમય કરતા વહેલું ખોલવામાં આવશે, તો તેમની સામે તાત્કાલિક કડક કાનૂની કાર્યવાહી કરવામાં આવશે. પેપર ખોલવાની સમગ્ર પ્રક્રિયા સીસીટીવી (CCTV Camera) ના લાઈવ નિરીક્ષણ હેઠળ રહેશે અને તે સમયે પોલીસ (Police) જવાનોની હાજરી પણ અનિવાર્ય બનાવવામાં આવી છે.
Gujarat Board Exams : ધોરણ 10-12ની પરીક્ષામાં ગેરરીતિ રોકવા બોર્ડની કડક તૈયારી | Gujarat First
ધોરણ 10-12ની પરીક્ષામાં ગેરરીતિ રોકવા બોર્ડની કડક તૈયારી
પ્રશ્નપત્રનું પેકેટ સમય કરતા વહેલું ખોલાશે તો આચાર્ય સામે કાર્યવાહી
બોર્ડ દ્વારા સખત સ્ટ્રાઈક જેવી વ્યવસ્થા અમલમાં
પ્રશ્નપત્રની… pic.twitter.com/gJIj9VizS8— Gujarat First (@GujaratFirst) February 12, 2026
શિક્ષકો અને નિરીક્ષકો માટે લાલબત્તી
પરીક્ષામાં ગેરરીતિ (Malpractice) આચરતા કે મદદ કરતા શિક્ષકો (Teachers) સામે બોર્ડ હવે નમ્રતા રાખવાના મૂડમાં નથી. જો કોઈ શિક્ષક ચોરી કરાવતા કે પેપર લીક કરવામાં સંડોવાયેલા જણાશે, તો તેમની સામે સીધી પોલીસ ફરિયાદ (FIR) દાખલ કરવામાં આવશે. આ ઉપરાંત, દોષિત સાબિત થનાર શિક્ષકને શિક્ષણ કાર્યમાંથી સસ્પેન્ડ (Suspension) કરવાની અને મસમોટો દંડ (Penalty) ફટકારવાની પણ જોગવાઈ કરવામાં આવી છે.
આ પણ વાંચોઃ DyCM Harshbhai Sanghavi કરશે મંત્રી મનસુખભાઇ માંડવિયા સાથે બેઠક, આ મુદ્દાઓ પર થશે ચર્ચા!
3 વર્ષ સુધી ડિબારની જોગવાઈ
બોર્ડે સ્પષ્ટ કર્યું છે કે જે કોઈ પણ સ્ટાફ સભ્ય કે આચાર્ય ગેરરીતિમાં દોષિત ઠરશે, તેમને આગામી 3 વર્ષ સુધી બોર્ડની કોઈપણ કામગીરીમાંથી ડિબાર (Debar) એટલે કે બાકાત રાખવામાં આવશે. આ કડક નિર્ણય પાછળનો હેતુ પરીક્ષા પ્રક્રિયાને સંપૂર્ણપણે ભયમુક્ત અને ન્યાયી બનાવવાનો છે, જેથી મહેનતુ વિદ્યાર્થીઓને (Students) અન્યાય ન થાય.
આ પણ વાંચોઃ GTU Convocation: ખેડા જીલ્લાની દીકરીએ શિક્ષણ જગતમાં ડંકો વગાડ્યો, Megha Dave એ GTU માં મેળવ્યો ગોલ્ડ મેડલ!