Gujarat બોર્ડના વિદ્યાર્થીઓને મળશે મોટી રાહત, જાણો શું છે જિલ્લા શિક્ષણ અધિકારી કચેરીનો નિર્ણય

• Gujarat: અમદાવાદ શહેર જિલ્લા શિક્ષણ અધિકારી કચેરીનો મહત્વનો નિર્ણય છે
• બોર્ડની પરીક્ષાનો સમય નજીક આવતા નિર્ણય લેવાયો છે
• વિદ્યાર્થીઓને અભ્યાસ માટે માર્ગદર્શકરૂપ સાબિત થશે

Gujarat: અમદાવાદ શહેર જિલ્લા શિક્ષણ અધિકારી કચેરીનો મહત્વનો નિર્ણય છે. જેમાં ધોરણ 10 અને 12 બોર્ડના વિદ્યાર્થીઓ માટે પ્રશ્ન બેંક લોન્ચ થશે. બોર્ડ પરીક્ષાનો સમય નજીક આવતા નિર્ણય લેવાયો છે. ગુજરાત બોર્ડના વિદ્યાર્થીઓને મોટી રાહત મળશે. જેમાં અનુભવી શિક્ષકો દ્વારા પ્રશ્ન બેંક તૈયાર કરાઈ છે. તથા બોર્ડમાં પૂછાઈ શકે તેવા સંભવિત પ્રશ્નોનો સમાવેશ કરવામાં આવશે. તથા વિદ્યાર્થીઓને અભ્યાસ માટે માર્ગદર્શકરૂપ સાબિત થશે.

વિદ્યાર્થીઓ માટે એક મહત્વના સમાચાર સામે આવ્યા

અમદાવાદ શહેર જિલ્લા શિક્ષણ અધિકારી કચેરી દ્વારા બોર્ડની પરીક્ષાઓનો સમય નજીક છે ત્યારે ધોરણ 10 અને 12 બોર્ડના વિદ્યાર્થીઓ માટે પ્રશ્ન બેંક લોન્ચ કરવામાં આવશે. ગુજરાત બોર્ડના વિદ્યાર્થીઓ માટે પરીક્ષા અને અનુલક્ષી તૈયારીઓ સરળ બને અને મદદરૂપ થાય તે માટે અનુભવી શિક્ષકો દ્વારા આ પ્રશ્ન બેંક તૈયાર કરવામાં આવી છે. જેમાં બોર્ડની પરીક્ષામાં પુછાય તેવા સંભવિત પ્રશ્નો એમાં સમાવેશ કરવામાં આવ્યો છે. આ પ્રશ્ન બેંકમાં MCQ આધારિત બોર્ડમાં પૂછાતા હોય તેવા સંભવિત પ્રશ્નોનો સમાવેશ કરવામાં આવે છે. જેના આધારે વિદ્યાર્થીઓ બોર્ડની પરીક્ષાની તૈયારીઓ સરળ બની શકે છે.

ગુજરાતી અને અંગ્રેજી બંને માધ્યમના વિદ્યાર્થીઓ માટે પ્રશ્ન પત્રની સાથે પ્રશ્ન બેંક

પ્રશ્ન બેંકમાં ધોરણ 10, ધોરણ 12 વિજ્ઞાન પ્રવાહ અને ધોરણ 12 સામાન્ય પ્રવાહ એમ ત્રણેય પ્રવાહના કુલ 40 જેટલા વિષયોનો સમાવેશ કરવામાં આવ્યો છે. જેમાં ગુજરાતી અને અંગ્રેજી બંને માધ્યમના વિદ્યાર્થીઓ માટે પ્રશ્ન પત્રની સાથે પ્રશ્ન બેંક તૈયાર કરવામાં આવી છે. ધોરણ 10 ના મુખ્ય 6 વિષયો, વિજ્ઞાન પ્રવાહના 6 વિષયો અને સામાન્ય પ્રવાહના 8 મહત્વના વિષયોને આવરી લેવામાં આવ્યા છે. DEO કચેરી દ્વારા શાળાઓને પ્રશ્ન બેંકની લીંક મોકલવામાં આવી છે જેનાથી વિદ્યાર્થીઓ અને વાલીઓ પ્રશ્ન બેંક ડાઉનલોડ કરી શકશે.

પ્રશ્ન બેંકનું ફ્રન્ટ પેજ પણ સોશિયલ મીડિયામાં શેર કરવામાં આવ્યું

ઉપરાંત પ્રશ્ન બેંકનું ફ્રન્ટ પેજ પણ સોશિયલ મીડિયામાં શેર કરવામાં આવ્યું છે જેના પર ક્લિક કરવાથી આ પ્રશ્ન બેંક મળી રહેશે. આ પ્રશ્ન બેંકમાં સંભવિત MCQ પ્રશ્નોની સાથે 40 જેટલા આદર્શ પ્રશ્નપત્રો પણ મૂકવામાં આવ્યા છે. દરેક વિષયના 300 થી વધુ પ્રશ્નો મૂકવામાં આવ્યાં છે. તેમજ ગુજરાતમાં ડિગ્રી એન્જિનિયરિંગ અને ફાર્મસી જેવા પ્રોફેશનલ કોર્સમાં પ્રવેશ મેળવવા માંગતા વિદ્યાર્થીઓ માટે એક મહત્વના સમાચાર સામે આવ્યા છે.

Gujarat: પરીક્ષાના રજિસ્ટ્રેશનની અંતિમ તારીખ લંબાવવાનો નિર્ણય

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા 'ગુજકેટ' (GUJCET-2026) પરીક્ષાના રજિસ્ટ્રેશનની અંતિમ તારીખ લંબાવવાનો નિર્ણય લેવામાં આવ્યો છે. હવે વિદ્યાર્થીઓ 6 જાન્યુઆરી 2026 સુધી ઓનલાઈન ફોર્મ ભરી શકશે. અત્યાર સુધીમાં અંદાજે 1.25 લાખ વિદ્યાર્થીઓએ સફળતાપૂર્વક રજિસ્ટ્રેશન કરાવી લીધું છે.

અગાઉની નક્કી કરેલી ડેડલાઈન સુધીમાં અનેક વિદ્યાર્થીઓ વિવિધ કારણોસર ફોર્મ ભરવાનું ચૂકી ગયા હતા અથવા ટેકનિકલ કારણોસર પ્રક્રિયા પૂર્ણ કરી શક્યા નહોતા. વિદ્યાર્થીઓના હિતને ધ્યાનમાં રાખીને શિક્ષણ બોર્ડ દ્વારા આ નિર્ણય લેવામાં આવ્યો છે જેથી કોઈ પણ લાયક વિદ્યાર્થી પરીક્ષાથી વંચિત ન રહી જાય.

વિદ્યાર્થીઓએ 6 જાન્યુઆરીની રાહ જોયા વગર વહેલી તકે ફોર્મ ભરી લેવુ

ગુજરાતમાં સરકારી અને ખાનગી કોલેજોમાં એન્જિનિયરિંગ અને ફાર્મસીમાં એડમિશન મેળવવા માટે ગુજકેટની પરીક્ષા પાસ કરવી ફરજિયાત છે. મેરિટ લિસ્ટમાં આ પરીક્ષાના ગુણનું ભારણ નોંધપાત્ર હોય છે, તેથી સાયન્સના પ્રવાહના વિદ્યાર્થીઓ માટે આ કારકિર્દીનો મુખ્ય વળાંક ગણાય છે. છેલ્લી ઘડીની ભીડ અને સર્વરની સમસ્યાથી બચવા માટે વિદ્યાર્થીઓએ 6 જાન્યુઆરીની રાહ જોયા વગર વહેલી તકે ફોર્મ ભરી લેવુ જોઇએ.

આ પણ વાંચો: Flower Show: અમદાવાદમાં મુખ્યમંત્રીના હસ્તે કરાયું ફ્લાવર શો 2026નું ઉદ્ઘાટન