ધારાસભ્ય અમુલ ભટ્ટ (Amul Bhatt) નો પ્રશ્ન અને સરકારનો જવાબ

અમદાવાદ (Ahmedabad) ના મણિનગર (Maninagar) વિસ્તારના ધારાસભ્ય અમુલ ભટ્ટ (Amul Bhatt) દ્વારા વિધાનસભામાં સાયબર ક્રાઇમ અને બેંક એકાઉન્ટ ફ્રીઝ થવા બાબતે પ્રશ્ન પૂછવામાં આવ્યો હતો. આ પ્રશ્નના લેખિત જવાબમાં સરકાર દ્વારા જણાવવામાં આવ્યું હતું કે, સાયબર ફ્રોડમાં સંડોવાયેલા હોવાની શંકાના આધારે અનેક એકાઉન્ટ્સ પર પ્રતિબંધ મુકવામાં આવ્યો હતો. જોકે, તપાસ દરમિયાન જે નાગરિકો નિર્દોષ જણાયા છે, તેમના 2,84,779 જેટલા બેંક એકાઉન્ટ્સને છેલ્લા 2 વર્ષમાં મુક્ત કરી દેવામાં આવ્યા છે.

ગુજરાતમાં છેલ્લા 2 વર્ષમાં 2,84,779 ફ્રીઝ એકાઉન્ટ અનફ્રીઝ થયા
સાઇબર અપરાધમાં નિર્દોષ નાગરિકોના બેન્ક એકાઉન્ટ છૂટા કરાયા
મણિનગર ધારાસભ્ય અમુલ ભટ્ટના સવાલ પર સરકારે જવાબ આપ્યો
સાઇબર ક્રાઇમ કેસમાં ફ્રીઝ થયેલા 2.84 લાખ એકાઉન્ટ અનફ્રીઝ થયા
નિર્દોષ લોકોના બેન્ક એકાઉન્ટ છૂટા કરવામાં… pic.twitter.com/YAzJk6zDNz

— Gujarat First (@GujaratFirst) March 9, 2026

નિર્દોષ નાગરિકોને મોટી રાહત

ઘણીવાર સાયબર ઠગો દ્વારા છેતરપિંડીના નાણાં અલગ-અલગ સ્તરે ટ્રાન્સફર કરવામાં આવતા હોય છે, જેને કારણે તે સાંકળમાં આવતા નિર્દોષ લોકોના ખાતા પણ ફ્રીઝ થઈ જતા હોય છે. અગાઉ આખું બેંક એકાઉન્ટ ફ્રીઝ કરી દેવાતું હતું, જેના કારણે સામાન્ય માણસ પોતાની મહેનતની કમાણી વાપરી શકતો નહોતો. સરકાર અને ગુજરાત પોલીસ (Gujarat Police) દ્વારા હવે એવી નીતિ અપનાવવામાં આવી છે કે તપાસમાં સહકાર આપતા અને નિર્દોષ સાબિત થતા લોકોના ખાતા વહેલી તકે છૂટા કરી દેવામાં આવે.

નવી પોલિસીથી પારદર્શકતા વધી

ગૃહ રાજ્ય મંત્રી હર્ષભાઇ સંઘવી (Harshbhai Sanghavi) એ અગાઉ પણ સંકેત આપ્યા હતા કે સરકાર સાયબર સેફ્ટી અને નાગરિકોની સુવિધા વચ્ચે સંતુલન જાળવવા કટિબદ્ધ છે. હવે માત્ર શંકાસ્પદ વ્યવહાર જેટલી જ રકમ લિયન (Lien) પર રાખવાની અને બાકીનું એકાઉન્ટ ચાલુ રાખવાની દિશામાં પણ કામગીરી થઈ રહી છે. સરકારની આ કામગીરીથી લાખો પરિવારો જેઓ આર્થિક સંકડામણ અનુભવતા હતા તેમને મોટી સફળતા સાંપડી છે.

આ પણ વાંચો: ગુજરાત સરકારની નવી Health Policy: સરકારી હોસ્પિટલોમાં હવે 150 નવી દવાઓ મળશે મફત!