Gyan Sahayak Yojana 2026: ટેટ-ટાટ પાસ ઉમેદવારો માટે ખુશખબર: ધોરણ 9 થી 12 માં કરાર આધારિત ભરતી શરૂ

ધોરણ 9 થી 12 માં કરાર આધારિત ભરતી પ્રક્રિયાને લીલી ઝંડી

નવા જાહેર કરાયેલા પરિપત્ર અનુસાર, રાજ્યની સરકારી અને ગ્રાન્ટેડ શાળાઓમાં ધોરણ 9 થી ધોરણ 12 સુધીના વિદ્યાર્થીઓ માટે શિક્ષકોની અછત પૂરી કરવામાં આવશે. આ અંતર્ગત મોટા પાયે કરાર આધારિત શિક્ષકોની ભરતી (Contractual Teachers Recruitment) પ્રક્રિયા હાથ ધરવામાં આવશે. આ ભરતી અગિયાર માસના કરારના ધોરણે કરવામાં આવશે, જેથી માધ્યમિક અને ઉચ્ચતર માધ્યમિક વિભાગમાં શિક્ષણનું સ્તર વધુ સુદ્રઢ બનાવી શકાય.

ફિક્સ માનદ વેતનની જાહેરાત: જાણી લો કેટલો મળશે પગાર

શિક્ષણ વિભાગે આ ભરતીમાં જોડાનારા જ્ઞાન સહાયકો માટે આકર્ષક માનદ વેતન (Honorarium) પણ નક્કી કર્યું છે. પરિપત્રની જોગવાઈ મુજબ, માધ્યમિક વિભાગ એટલે કે ધોરણ 9 અને 10 માં જોડાનારા શિક્ષકોને પ્રતિ માસ 24,000 રૂપિયા ફિક્સ વેતન આપવામાં આવશે. જ્યારે ઉચ્ચતર માધ્યમિક વિભાગ એટલે કે ધોરણ 11 અને 12 ના શિક્ષકોને પ્રતિ માસ 26,000 રૂપિયા માનદ વેતન ચૂકવવામાં આવશે.

આ પણ વાંચો: Gujarat Latest News : વહેલી સવારથી જ સુરત શહેરમાં ધોધમાર વરસાદ, શાળાઓમાં રજા જાહેર