Gujarat Rain Deficiency: વરસાદની અછતની સ્થિતિને અંગે સરકારની સમીક્ષા, રાજ્ય કૃષિ વિભાગે બોલાવી મહત્વની બેઠક

વરસાદની સ્થિતિ અંગે સરકારની સમીક્ષા

મળતી માહિતી મુજબ, બેઠકમાં રાજ્યના વિવિધ વિસ્તારોમાં વરસાદની સ્થિતિ, વરસાદની અછતથી ઉભી થતી ખેતી સંબંધિત મુશ્કેલીઓ અને ખેડૂતોની સ્થિતિ અંગે ચર્ચા કરવામાં આવી રહી છે. ખાસ કરીને જ્યાં પૂરતો વરસાદ થયો નથી તેવા વિસ્તારો અંગે સરકારનું ધ્યાન કેન્દ્રિત થયું છે.

બેઠકમાં કૃષિ મંત્રી જીતુભાઈ વાઘાણી ઉપરાંત મંત્રી કૌશિકભાઈ વેકરીયા, પ્રવીણભાઈ માળી, અર્જુનભાઈ મોઢવાડિયા અને ઈશ્વરસિંહ પટેલ હાજર રહ્યા હતા. રાજ્યમાં વર્તમાન પરિસ્થિતિને ધ્યાનમાં રાખીને ખેડૂતોને જરૂરી સહાય કેવી રીતે મળી શકે તે મુદ્દો પણ મહત્વનો બની રહ્યો છે.

કિસાન સંઘની દુષ્કાળગ્રસ્ત જાહેર કરવાની માગ

બીજી તરફ વરસાદની અછતને લઈને કિસાન સંઘ દ્વારા સરકાર સમક્ષ મહત્વની માગ કરવામાં આવી છે. કિસાન સંઘનું કહેવું છે કે જે વિસ્તારોમાં પૂરતો વરસાદ થયો નથી, તે વિસ્તારોને દુષ્કાળગ્રસ્ત જાહેર કરવામાં આવે.કિસાન સંઘે સરકાર પાસે એવી પણ માગ કરી છે કે જે ખેડૂતોને ખરેખર જરૂરિયાત છે તેમને સરકારી મદદ આપવામાં આવે. વરસાદની અછતના કારણે ખેડૂતોને ખેતીમાં મુશ્કેલી ન પડે અને જરૂરી રાહત મળી રહે તે માટે સરકાર યોગ્ય પગલાં ભરે તેવી રજૂઆત કરવામાં આવી છે.હાલ કૃષિ વિભાગની બેઠકમાં રાજ્યની વરસાદી સ્થિતિની સમીક્ષા ચાલી રહી છે. બેઠક બાદ સરકાર તરફથી ખેડૂતો અને વરસાદની અછતવાળા વિસ્તારો માટે કોઈ રાહતલક્ષી નિર્ણય લેવામાં આવે છે કે નહીં તેના પર સૌની નજર રહેશે.

આ પણ વાંચો: LPG Booking Rule : LPG ગેસ બુકિંગના નિયમોમાં થયો ફેરફાર, સરકારે ગ્રામજનોને મોટી રાહત આપી