મહત્વના વિભાગોમાં નવીન નિમણૂકોનો દોર
રાજ્ય સરકાર દ્વારા બહાર પાડવામાં આવેલા અલગ-અલગ બે જાહેરનામા અનુસાર, બી. કે. જોશી (B. K. Joshi, IAS) ને ગાંધીનગર ખાતે ગુજરાત ઔદ્યોગિક વિકાસ નિગમ (Gujarat Industrial Development Corporation - GIDC) ના એક્ઝિક્યુટિવ ડાયરેક્ટર તરીકે નિયુક્ત કરવામાં આવ્યા છે. જ્યારે અન્ય વરિષ્ઠ અધિકારી આર. એન. કુચરા (R. N. Kuchara) ને અરવલ્લી-મોડાસા ખાતે જિલ્લા ગ્રામ વિકાસ એજન્સી (District Rural Development Agency - DRDA) ના ડાયરેક્ટર બનાવવામાં આવ્યા છે. આ સિવાય આર. પી. પટેલ (R. P. Patel) ની મુખ્ય ચૂંટણી અધિકારીની કચેરીમાં એડિશનલ કલેક્ટર તરીકે પસંદગી કરવામાં આવી છે.
![]()
મુખ્ય સચિવાલય અને નિગમોમાં મોટા ફેરફારો
વહીવટી સુધારાના ભાગરૂપે સી. બી. ગણાત્રા (Shri C. B. Ganatra) ની સચિવાલય ખાતે રાજ્ય કક્ષાના મંત્રીના પર્સનલ સેક્રેટરી (Personal Secretary) તરીકે નિમણૂક કરવામાં આવી છે. નાગરિક પુરવઠા નિયામક કચેરીમાં જોઈન્ટ ડાયરેક્ટર તરીકે સી. એ. ગાંધી (C. A. Gandhi) કાર્યભાર સંભાળશે. તેમજ બી. એન. પટેલ ( B. N. Patel) ને ગુજરાત ગેસ લિમિટેડ (Gujarat Gas Limited) ના એક્ઝિક્યુટિવ ડાયરેક્ટરનો મહત્વનો હોદ્દો આપવામાં આવ્યો છે. ગુજરાત પંચાયત સેવા પસંદગી મંડળના સેક્રેટરી તરીકે એમ. કે. જોશી (M. K. Joshi) ની નિયુક્તિ કરાઈ છે.
રાજ્યપાલ કચેરી અને પ્રવાસન નિગમમાં બદલીઓ
ગવર્નર ઓફિસ ખાતે હાઉસહોલ્ડના કમ્પ્ટ્રોલર તરીકે એ. કે. જોશી ( A. K. Joshi) ની નિમણૂક થઈ છે. ટૂરિઝમ કોર્પોરેશન ઓફ ગુજરાત લિમિટેડ (Tourism Corporation of Gujarat Limited) ના જોઈન્ટ મેનેજિંગ ડાયરેક્ટર તરીકે કે. એસ. ઝાલા (Shri K. S. Zala) ની વરણી કરાઈ છે. વી. કે. જાદવ (V. K. Jadav) વિકસતી જાતિ કલ્યાણ વિભાગના ડાયરેક્ટર બન્યા છે. જિયોલોજી અને માઈનિંગ કમિશનરેટમાં ઓએસડી તરીકે ડી. કે. પટેલ (D. K. Patel) ની પસંદગી થઈ છે.
![]()
વડોદરા ખાતે એડિશનલ કલેક્ટર (સિંચાઈ) તરીકે બી. એચ. પટેલ (B. H. Patel) અને સ્પોર્ટ્સ ઓથોરિટી ઓફ ગુજરાત (Sports Authority of Gujarat) ના સેક્રેટરી તરીકે આઈ. આર. વાળા ( I. R. Vala) ની વરણી કરાઈ છે. વલસાડમાં રેસિડેન્ટ એડિશનલ કલેક્ટર તરીકે એમ. ડી. ચુડાસમા (M. D. Chudasama) અને વડોદરામાં એડિશનલ કલેક્ટર (નર્મદા) તરીકેબી. એસ. પ્રજાપતિ (B. S. Prajapati) ની નિયુક્તિ કરાઈ છે.
અંતે, સુરતમાં પ્રાદેશિક વિશ્લેષણ સમિતિના જોઈન્ટ કમિશનર તરીકે વી. જી. પટેલ (V. G. Patel), રાજકોટ ડીઆરડીએ (DRDA) ના ડાયરેક્ટર તરીકે એ. કે. વસ્તાણી ( A. K. Vastani) અને ગુજરાત રાજ્ય વકફ બોર્ડ (Gujarat State Waqf Board) ના સીઈઓ તરીકે પી. બી. રાઠોડ (P. B. Rathod) ની નિમણૂક કરવામાં આવી છે.
આ પણ વાંચો: Rivaba Jadeja Video: "નહીં ભણે તો સાથે લઈ જઈશ!" સાબરકાંઠા પ્રવેશોત્સવમાં મંત્રી રિવાબાની અનોખી પહેલ
