Gujarat News Today : આજરોજ ગુજરાતમાં નવરાત્રીના પર્વની રંગેચંગે ઉજવણી વચ્ચે વિવિધ જિલ્લાઓમાં મહત્ત્વપૂર્ણ ઘટનાઓ અને પ્રવાહો જોવા મળી રહ્યા છે. ગાંધીનગરથી લઈને છેવાડાના ગામડાઓ સુધી વહીવટી બેઠકો, કર્મચારીઓના આંદોલનો, ખેડૂતોની મુશ્કેલીઓ અને વિકાસકીય પ્રવૃત્તિઓ ચર્ચાના કેન્દ્રમાં છે. રાજ્યમાં કાયદો-વ્યવસ્થા, કૃષિ અને તહેવારોની તૈયારીઓ અંગે વિવિધ પ્રવૃત્તિઓ ધમધમી રહી છે.
ગાંધીનગર CM ભૂપેન્દ્રભાઈ પટેલની અધ્યક્ષતામાં કેબિનેટ બેઠક
મુખ્યમંત્રી ભૂપેન્દ્રભાઈ પટેલની અધ્યક્ષતામાં આજે સવારે 10 વાગ્યે કેબિનેટ બેઠક મળશે. આ બેઠકમાં વડાપ્રધાન મોદીના ૨૫ વર્ષના શાસન સંદર્ભે આભાર પ્રસ્તાવ રજૂ કરવામાં આવશે. રાજ્યમાં ઓછા વરસાદવાળા વિસ્તારોમાં પાણી અને ઘાસચારાની સ્થિતિની સમીક્ષા કરવામાં આવશે. આ ઉપરાંત, આગામી તહેવારો દરમિયાનના કાર્યક્રમો, કૃષિ વાવેતર, ખેડૂતો દ્વારા અછતગ્રસ્ત જાહેર કરવાની માંગ, તહેવારોમાં અનાજ વિતરણ, યુસીસી (UCC) લાગુ થવાની અસરો તથા રાજ્ય સરકારના આગામી આયોજનો અને નીતિગત વિષયો પર વિસ્તૃત ચર્ચા થશે.
ગાંધીનગર મનપાની ચૂંટણીનો પ્રચાર થશે બંધ
ગાંધીનગર મનપાની ચૂંટણીમાં આજથી પ્રચાર બંધ થશે અને સાસણ ગીર અભ્યારણ્ય આજથી શરૂ થશે. વકીલો દ્વારા ગુજરાત ભાડા વિધાયકનો વિરોધ યથાવત રહેશે અને કોર્ટ કામગીરીથી અળગા રહેવાને કારણે ક્લાઈન્ટોને પડતી મુશ્કેલીઓ અંગે વિઝ્યુઅલ બાઈટ લેવામાં આવશે. મહેસૂલ વિભાગના કર્મચારીઓનું ૧૪ માંગણીઓ સાથે માસ સી.એલ. પર રહીને આંદોલન યથાવત છે. પંજાબમાં સોશિયલ મીડિયા ઇન્ફ્લુએન્સર મેડ સંધુની હત્યાના આરોપીને ઝડપી પાડનાર અમદાવાદ ક્રાઇમ બ્રાંચ આજે આ અંગે પ્રેસ કોન્ફરન્સ કરશે.
સૌરાષ્ટ્ર યુનિવર્સિટીનો 54 મો યુવક મહોત્સવ "હીરક સ્પંદન" નું ઉદ્ઘાટન
સૌરાષ્ટ્ર યુનિવર્સિટીનો 54 મો યુવક મહોત્સવ "હીરક સ્પંદન" નું ઉદ્ઘાટન આજે તા. આજ રોજ સવારે 11:00 કલાકે રાજકોટના લોકસભાના સંસદસભ્ય પરશોતમભાઈ રૂપાલાના વરદહસ્તે થશે.
મહેસાણામાં 5 ગામના ગ્રામજનો દ્વારા 'રસ્તા રોકો આંદોલન'ની ચીમકી
પેપરમિલની અસહ્ય દુર્ગંધ મુદ્દે 5 ગામના ગ્રામજનો દ્વારા 'રસ્તા રોકો આંદોલન'ની ચીમકી આપવામાં આવી છે. સામેત્રા, મરેડા, ગોકળગઢ, ખારા અને લક્ષ્મીપુરા ગામની જનતા દ્વારા પેપરમિલમાંથી આવતી દુર્ગંધ અંગે આજે વિરોધ નોંધાવવામાં આવશે, કારણ કે તંત્રની નિષ્ક્રિયતાને કારણે હજુ સુધી કોઈ ઉકેલ આવ્યો નથી.
સાસણ ગીર જંગલ સફારી વહેલી શરૂ
સાસણ ગીર જંગલ સફારી નિર્ધારિત સમય કરતાં 8 દિવસ વહેલી આજથી શરૂ થઈ ગઈ છે. ચોમાસું વહેલું પૂરું થતાં અને રસ્તા તથા કોઝવેનું કામ પૂર્ણ થતાં આ નિર્ણય લેવાયો છે. હરિયાળા જંગલમાં સિંહ જોવા માટે પ્રવાસીઓમાં ભારે ઉત્સાહ જોવા મળી રહ્યો છે. ૧૬ થી ૨૭ ઓક્ટોબર સુધીનું બુકિંગ ફૂલ થઈ ગયું છે, જોકે અચાનક પ્રારંભ થવાને કારણે માહિતીના અભાવે હાલ પ્રવાસીઓની સંખ્યા થોડી ઓછી છે પરંતુ આગામી દિવસોમાં તે વધશે. વન વિભાગ દ્વારા ઓનલાઇન બુકિંગ ઉપલબ્ધ કરાવવામાં આવ્યું છે.
થરા નગર પાલિકાની ચૂંટણીનો પ્રચારના પડઘમ શાંત થવાનો અંતિમ દિવસ
થરા નગરપાલિકાની ચૂંટણીને આડે હવે ગણતરીના દિવસો બાકી રહ્યા છે, ત્યારે આજે પ્રચારના પડઘમ શાંત થવાનો અંતિમ દિવસ છે. જેને લઈને રાજકીય પક્ષો દ્વારા અંતિમ ચરણનો પ્રચાર અને રોડ શો યોજાશે.
સાબરકાંઠામાં ખેડૂતોનું ધરણાં પ્રદર્શન
હિંમતનગર નજીક આવેલી ખાનગી કંપની સમક્ષ બટાકા ઉત્પાદક ખેડૂતો દ્વારા ધરણાં પ્રદર્શન કરવામાં આવશે. કોન્ટ્રાક્ટ ફાર્મિંગને લઈને ચાર માંગણીઓ બાબતે ચાલી રહેલા આ વિરોધમાં આસપાસના ત્રણેક જિલ્લાના ખેડૂતો પણ જોડાશે.
આ પણ વાંચો: Banaskantha : ડીસા ST ડેપોમાં રૂ.3.67 લાખની ગેરરીતિનો મામલો, કંડક્ટર સહિત ચાર કર્મચારીઓ સસ્પેન્ડ