Gujarat News Today: આજે 25 મે 2026 ના દિવસે શું થશે ગુજરાતમાં?
Gujarat News Today: ગુજરાતભર (Gujarat) માં આજે રાજકીય, સામાજિક અને શૈક્ષણિક ક્ષેત્રે અનેક મહત્વની ગતિવિધિઓ જોવા મળશે. એક તરફ નર્મદા (Narmada) જિલ્લા પંચાયતમાં ઐતિહાસિક જીત મેળવ્યા બાદ આમ આદમી પાર્ટી (AAP) આજે ભવ્ય વિજય યાત્રા કાઢવા જઈ રહી છે, તો બીજી તરફ રાજ્યની 17 જિલ્લા પંચાયતો અને નડિયાદ (Nadiad) મહાનગરપાલિકામાં નવા સુકાનીઓની વરણી માટે સામાન્ય સભાઓ મળશે. આ સાથે જ ચોમાસાની આગાહીને લઈને જૂનાગઢ (Junagadh) માં વર્ષા વિજ્ઞાન કોન્ફરન્સ અને ધોરણ 10-12ના વિદ્યાર્થીઓ માટે અમદાવાદ (Ahmedabad) માં ખાસ કારકિર્દી વિશેષાંકનું લોન્ચિંગ થવાનું છે.
નર્મદા (Narmada)
ગુજરાતમાં પ્રથમ વખત આમ આદમી પાર્ટી (AAP) એ નર્મદા (Narmada) જિલ્લા પંચાયતમાં ભવ્ય વિજય મેળવીને ઈતિહાસ રચ્યો છે. આ ઐતિહાસિક જીતની ઉજવણીના ભાગરૂપે આજે રાજપીપલા (Rajpipla) ખાતે સાંજે 4:00 વાગ્યે એક ભવ્ય “વિજય યાત્રા” નીકળશે. આ વિજય યાત્રામાં આમ આદમી પાર્ટીના રાષ્ટ્રીય સંયોજક અરવિંદ કેજરીવાલ (Arvind Kejriwal), ગુજરાત પ્રદેશ પ્રમુખ ઈસુદાન ગઢવી (Isudan Gadhvi) તથા સ્થાનીય ધારાસભ્ય ચૈતર વસાવા (Chaitar Vasava) વિશેષ રૂપે ઉપસ્થિત રહેશે. આ રેલીમાં મોટી સંખ્યામાં પદાધિકારીઓ, કાર્યકર્તાઓ અને સ્થાનિક જનતા જોડાશે.
ગાંધીનગર (Gandhinagar)
રાજ્યના રાજકારણમાં આજે પંચાયત સ્તરે મોટો ફેરબદલ જોવા મળશે. આજે રાજ્યના 17 જિલ્લાઓમાં જિલ્લા પંચાયત (District Panchayat) પ્રમુખની વરણી માટે સામાન્ય સભા મળશે, જેમાં પ્રમુખ, ઉપપ્રમુખ, કારોબારી ચેરમેન, દંડક અને પક્ષના નેતાના નામોની સત્તાવાર જાહેરાત થશે. જો કે, શાસક પક્ષ ભાજપે (BJP) નામો પહેલેથી જ નિશ્ચિત કરી લીધા હોવાથી આ પ્રક્રિયા માત્ર ઔપચારિકતા પૂરતી રહેશે. આ અંતર્ગત આજે ગાંધીનગર (Gandhinagar) જિલ્લા પંચાયતની સામાન્ય સભા પણ મળશે, જેમાં પ્રમુખ તરીકે રાજેશ પટેલ (Rajesh Patel), ઉપપ્રમુખ તરીકે ભરત ચૌધરી (Bharat Chaudhary) અને કારોબારી ચેરમેન તરીકે દિલીપસિંહ સોલંકી (Dilipsinh Solanki) ની વરણી કરવામાં આવશે.
જૂનાગઢ (Junagadh)
જૂનાગઢ કૃષિ યુનિવર્સિટી (Junagadh Agricultural University) ખાતે દર વર્ષની પરંપરા મુજબ આજે 'વર્ષા વિજ્ઞાન કોન્ફરન્સ' (Varsha Vigyan Conference) નું આયોજન કરવામાં આવ્યું છે. આ કોન્ફરન્સમાં ગુજરાત તેમજ ગુજરાત બહારના જાણીતા આગાહીકારો અને જ્યોતિષીઓ એકત્રિત થઈને આગામી ચોમાસું કેવું રહેશે તે અંગે પોતાના વર્ષા વિજ્ઞાન અને પરંપરાગત અભ્યાસના આધારે વરતારો (আગાહી) જાહેર કરશે. ખેડૂતો માટે આ કોન્ફરન્સ ખૂબ મહત્વની સાબિત થશે.
અમદાવાદ (Ahmedabad)
અમદાવાદ (Ahmedabad) શહેર જિલ્લા શિક્ષણ અધિકારી (DEO) ની કચેરી ખાતે આજે સવારે 11:00 કલાકે “કારકિર્દીના પંથે” કાર્યક્રમ અંતર્ગત “ડિજિટલ કારકિર્દી વિશેષાંક – 2026” (Digital Career Visheshank - 2026) લોન્ચ કરવામાં આવશે. સતત ચોથા વર્ષે પ્રકાશિત થઈ રહેલો આ વિશેષાંક સંપૂર્ણપણે નિઃશુલ્ક છે અને ડિજિટલ માધ્યમથી સમગ્ર ગુજરાતના ધોરણ 10 અને 12 ના વિદ્યાર્થીઓ સુધી પહોંચાડવામાં આવશે. તેમાં ITI, ડિપ્લોમા (Diploma), ડિગ્રી (Degree), મેડિકલ (Medical), પેરામેડિકલ (Paramedical) કોર્સની માહિતી, ગત વર્ષનું મેરિટ અને સરકારી શિષ્યવૃત્તિઓ (Scholarships) તેમજ સ્પર્ધાત્મક પરીક્ષાઓ અંગેનું સચોટ માર્ગદર્શન સમાવવામાં આવ્યું છે.
ગીર સોમનાથ (Gir Somnath)
સોમનાથ (Somnath) ના પવિત્ર ત્રિવેણી સંગમ (Triveni Sangam) ખાતે આજે જ્યેષ્ઠ શુક્લા દશમી એટલે કે 'ગંગા દશેરા' (Ganga Dussehra) ના પવિત્ર અવસરે ગંગા અવતરણ પૂજા અને મહા આરતીનું આયોજન કરાયું છે. શાસ્ત્રોક્ત માન્યતા અનુસાર આજના દિવસે જ માતા ગંગાનું પૃથ્વી પર અવતરણ થયું હતું. આ નિમિત્તે આજે સોમનાથમાં શિવજીની વિધિવત પૂજા-અર્ચના, અભિષેક અને ગંગા લહેરી સ્તોત્ર (Ganga Lahiri Stotra) ના પઠન સાથે ભગવાન શિવની જટા પર ગંગાજલનો વિશેષ અભિષેક કરવામાં આવશે.
ખેડા (Kheda)
ખેડા (Kheda) જિલ્લાના નડિયાદ મહાનગરપાલિકા (Nadiad Municipality) ખાતે આજે એક મહત્વની બેઠક યોજાવા જઈ રહી છે. આ બેઠકમાં મહાનગરપાલિકાના નવા મેયર (Mayor), ડેપ્યુટી મેયર (Deputy Mayor) સહિતના મહત્વના હોદ્દાઓ માટે પક્ષ તરફથી મેન્ડેટ (Mandate) આપવામાં આવશે અને સત્તાવાર ફોર્મ ભરવાની પ્રક્રિયા હાથ ધરવામાં આવશે.
ભાવનગર (Bhavnagar)
ભાવનગર (Bhavnagar) જિલ્લા પંચાયતમાં ભાજપ (BJP) નું શાસન છે, જ્યાં પ્રથમ અઢી વર્ષની ટર્મ માટે સામાન્ય પુરુષ ઉમેદવારની પ્રમુખ અને ઉપપ્રમુખ તરીકે વરણી થવાની છે. આજે ભાવનગર જિલ્લા પંચાયતના નવા સુકાનીઓના નામોની સત્તાવાર જાહેરાત કરવામાં આવશે, જેઓ આગામી સમયમાં જિલ્લા પંચાયતનું સુકાન સંભાળશે.
મહેસાણા (Mehsana)
મહેસાણા (Mehsana) તાલુકા પંચાયતના પ્રમુખ અને ઉપપ્રમુખ પદ માટે આજે બપોરે 3:00 કલાકે તાલુકા પંચાયત (Taluka Panchayat) ભવન ખાતે ચૂંટણી યોજાશે. આ ચૂંટણી પ્રક્રિયા સ્થાનીય ચૂંટણી અધિકારી (Election Officer) ની અધ્યક્ષતામાં યોજવામાં આવશે, જેમાં નવા હોદ્દેદારોની પસંદગી થશે.
જામનગર (Jamnagar)
જામનગર (Jamnagar) માં આહીર મહિલા મંડળ (Ahir Mahila Mandal) દ્વારા આજે એક વિરોધ પ્રદર્શનનું આયોજન કરવામાં આવ્યું છે. તાજેતરમાં જામનગરમાં એક વૃદ્ધ દંપતીના મકાન પર તંત્ર દ્વારા બર્બરતાપૂર્વક ડિમોલિશન (Demolition) ની જે કાર્યવાહી કરવામાં આવી હતી, તેના વિરોધમાં મહિલા મંડળ આજે રસ્તા પર ઉતરીને પોતાનો રોષ વ્યક્ત કરશે.
ગાંધીનગર
ગુજરાત સરકારના ગૃહ વિભાગ (Home Department) નિયંત્રિત 'ગુજરાત ઇન્ડસ્ટ્રીયલ સુરક્ષા દળ' - જીઆઈએસએફ (GISF - Gujarat Industrial Security Force) ના જવાનો આજે તેમની પડતર માંગણીઓ સંદર્ભે આગામી આંદોલન કે રણનીતિની જાહેરાત કરશે. આ જવાનો નવા-જૂના સચિવાલય (Secretariat), વિધાનસભા (Vidhan Sabha), રાજ્યની મોટી હોસ્પિટલો, મહાનગરપાલિકાઓ અને સરકારી ગોડાઉનોમાં સુરક્ષા ગાર્ડ તરીકે તૈનાત છે. છેલ્લા એક વર્ષથી રજૂઆતો કરવા છતાં સરકાર તરફથી કોઈ હકારાત્મક નિર્ણય ન આવતા, આજે ભારતીય મજદૂર સંઘ - બીએમએસ (BMS - Bhartiya Mazdoor Sangh) સંલગ્ન સંગઠનના પ્રદેશ અધ્યક્ષ અને મહામંત્રીની ઉપસ્થિતિમાં જવાનો પોતાની આગામી લડતની જાહેરાત કરશે.
આ પણ વાંચો: Rashifal 25 May 2026: સોમવારે તિથિ અને નક્ષત્રનો સોનેરી સમન્વય ,જાણો કઈ રાશિઓનું ભાગ્ય ચમકશે?