Summer Vacation 2026: મામાનું ટેન્શન વધારે અને બાળકોને મજા પડે એવા સમાચાર, ઉનાળુ વેકેશનની જાહેરાત
રાજ્યની શાળાઓમાં 35 દિવસનું Summer Vacation
4 મેથી સત્તાવાર રીતે ઉનાળુ વેકેશન શરૂ થશે
7 જૂન સુધી શાળાઓમાં ઉનાળુ વેકેશન રહેશે
8 જૂનથી નવું શૈક્ષણિક સત્ર શરૂ કરવામાં આવશે
ગુજરાત શિક્ષણ બોર્ડ દ્વારા મહત્વનો પરિપત્ર જાહેર
શિક્ષણ વિભાગે વેકેશનની તારીખો અંગે સૂચના આપી
ઉનાળાની રજાઓને લઈ વિદ્યાર્થીઓમાં ભારે ઉત્સાહ છવાયો
જૂન મહિનાથી ફરી શાળાઓમાં શૈક્ષણિક કાર્ય ધમધમશે
Gujarat School Summer Vacation 2026: ગુજરાત રાજ્યના શિક્ષણ વિભાગ (Education Department) દ્વારા રાજ્યની તમામ પ્રાથમિક અને માધ્યમિક શાળાઓ માટે ઉનાળુ વેકેશન (Summer Vacation) જાહેર કરવામાં આવ્યું છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા બહાર પાડવામાં આવેલા સત્તાવાર પરિપત્ર મુજબ, આ વર્ષે વિદ્યાર્થીઓને કુલ 35 દિવસનું વેકેશન મળશે. રાજ્યભરની શાળાઓમાં આગામી 4 મે (May 4) થી સત્તાવાર રીતે રજાઓનો અમલ શરૂ થશે, જે 7 જૂન (June 7) સુધી ચાલશે.
શિક્ષણ બોર્ડનો મોટો નિર્ણય
શિક્ષણ વિભાગના આ નિર્ણયથી લાખો વિદ્યાર્થીઓમાં ભારે ઉત્સાહ જોવા મળી રહ્યો છે. ખાસ કરીને કાળઝાળ ગરમી (Heat Wave) અને વાર્ષિક પરીક્ષાઓના થાક બાદ આ લાંબી રજાઓ બાળકો માટે તાજગી લાવનારી સાબિત થશે. સરકાર દ્વારા જાહેર કરવામાં આવેલી માર્ગદર્શિકા મુજબ, રજાઓ દરમિયાન શાળાઓએ શૈક્ષણિક પ્રવૃત્તિઓ બંધ રાખવાની રહેશે, જોકે વહીવટી કાર્યો ચાલુ રહી શકે છે.
Gujarat School Vacation: વિદ્યાર્થીઓ માટે ખુશીના સમાચાર
રાજ્યની શાળાઓમાં ઉનાળુ વેકેશનને લઈને શિક્ષણ વિભાગે પરિપત્ર જાહેર કર્યો
4 મે થી ઉનાળુ વેકેશન શરૂ થશે
કુલ 35 દિવસનું વેકેશન રહેશે અને 7 જૂન સુધી ચાલશે
8 જૂનથી નવું શૈક્ષણિક સત્ર શરૂ થશે
વિદ્યાર્થીઓને લાંબી રજાનો લાભ મળશે… pic.twitter.com/hz0ULLOy3K— Gujarat First (@GujaratFirst) April 30, 2026
4 મે થી વેકેશન, 8 જૂનથી નવું શૈક્ષણિક સત્ર શરૂ
ઉનાળુ વેકેશન પૂર્ણ થયા બાદ, 8 જૂન (June 8) થી રાજ્યની શાળાઓમાં નવા શૈક્ષણિક સત્ર (Academic Session) નો પ્રારંભ કરવામાં આવશે. નવા સત્રના પ્રારંભ સાથે જ શાળાઓમાં ફરી એકવાર શૈક્ષણિક કાર્ય ધમધમતું થશે. શિક્ષણ બોર્ડ દ્વારા તમામ જિલ્લા શિક્ષણાધિકારીઓને (DEO) આ અંગેની જાણ કરી દેવામાં આવી છે અને વેકેશનના નિયમોનું ચુસ્ત પાલન કરવા સૂચના આપવામાં આવી છે.
વિદ્યાર્થીઓ તૈયાર થઈ જાવ!
ગાંધીનગર (Gandhinagar) ખાતેથી જાહેર થયેલા આ પરિપત્રમાં એ બાબત પણ સ્પષ્ટ કરવામાં આવી છે કે વેકેશનના સમયગાળામાં કોઈ ફેરફાર કરવામાં આવશે નહીં. પ્રખર ઉનાળાને ધ્યાનમાં રાખીને લેવાયેલો આ નિર્ણય વિદ્યાર્થીઓના સ્વાસ્થ્ય માટે પણ હિતકારક છે. વાલીઓ પણ હવે વેકેશનના પ્લાનિંગ (Vacation Planning) માટે સજ્જ થયા છે. જૂન મહિનાના બીજા અઠવાડિયાથી રાજ્યની ગલીઓ ફરી સ્કૂલ બસ અને ગણવેશમાં સજ્જ બાળકોથી ગુંજી ઉઠશે.
આ પણ વાંચો: Gujarat School Time Change : આકરા ઉનાળામાં બાળકોને મળશે રાહત? શાળાઓ સવારની કરવા ઉઠી માંગ