મહેસૂલી તલાટી vs તલાટી કમ-મંત્રી: હવે કોણ કયું કામ કરશે? જાણો નવી જવાબદારીઓ વિશે

મહેસૂલી તલાટીને સોંપાઈ જમીન અને કાયદાકીય કામગીરી

મહેસૂલ વિભાગના નવા પરિપત્ર મુજબ, મહેસૂલી તલાટી (Revenue Talati) હવે મુખ્યત્વે જમીન મહેસૂલ (Land Revenue), જમીન રેકર્ડ (Land Records) અને મહેસૂલી કાયદાઓ (Revenue Laws) સંબંધિત કામગીરી સંભાળશે. આ ઉપરાંત સરકારી જમીન (Government Land), ગૌચર જમીન (Pasture Land), જમીનના હદનિશાન અને જમીન પર થયેલા દબાણો (Land Encroachment) હટાવવાની કામગીરી પણ તેમની સીધી જવાબદારી હેઠળ રહેશે. ખાણ-ખનિજ સંબંધિત નિયમોનું પાલન અને મહેસૂલી આકારણી જેવી બાબતો પણ મહેસૂલી તલાટી દ્વારા જ હાથ ધરવામાં આવશે.

તલાટી કમ-મંત્રી સંભાળશે પંચાયત અને ગ્રામ વિકાસના કાર્યો

બીજી તરફ, તલાટી કમ-મંત્રી ગુજરાત પંચાયત અધિનિયમ (Gujarat Panchayat Act) હેઠળ ગ્રામ પંચાયતના સચિવ (Secretary of Gram Panchayat) તરીકેની સર્વોચ્ચ વહીવટી જવાબદારી નિભાવશે. ગામડાઓમાં સરકારની વિવિધ કલ્યાણકારી યોજનાઓનું અમલીકરણ (Scheme Implementation), ગ્રામ્ય વિકાસ કાર્યો (Rural Development Projects), ગામતળ, પંચાયત હસ્તકની જમીનનું વ્યવસ્થાપન, પીવાનું શુદ્ધ પાણી, ગામની સફાઈ અને સ્વચ્છતા તેમજ સ્ટ્રીટ લાઈટ અને પ્રાથમિક શિક્ષણ જેવી તમામ ગ્રામલક્ષી સુવિધાઓની દેખરેખ તલાટી કમ-મંત્રી કરશે. સાથે જ જન્મ-મરણ નોંધણી અને ગ્રામજનોને વિવિધ સરકારી પ્રમાણપત્રો આપવાની કામગીરી પણ તેમના હસ્તક રહેશે.

 

View this post on Instagram

 

A post shared by Gujarat First (@gujaratfirst)

વહીવટી ગૂંચવણ દૂર થશે અને ગ્રામજનોને મોટો લાભ થશે

લાંબા સમયથી બંને પદોની કામગીરી એકબીજામાં ભેળસેળ થવાને કારણે અરજદારો અને વહીવટી તંત્ર વચ્ચે ઘણી મૂંઝવણ સર્જાતી હતી. હવે બંને સંવર્ગોની સત્તા અને ક્ષેત્ર સીમાંકન સ્પષ્ટ થતાં ગ્રામ્ય સ્તરે પારદર્શિતા વધશે, કામકાજ ઝડપી બનશે અને સામાન્ય નાગરિકોને પોતાની મહેસૂલી કે પંચાયતલક્ષી અરજીઓ માટે યોગ્ય અધિકારી સુધી પહોંચવું વધુ સરળ બનશે.

આ પણ વાંચો: Sabarkantha: મધ્યાહ્ન ભોજનમાં ગરોળી મામલે નવો વળાંક, શિક્ષક અને આચાર્યના બચાવમાં શૈક્ષણિક સંઘ મેદાનમાં