Gujarat Top News Today : આજે 04 એપ્રિલ 2026 ના દિવસે શું થશે ગુજરાતમાં?
Gujarat Top News Today : ગુજરાતમાં આજે એટલે કે 4 એપ્રિલ 2026 ના રોજ રાજકીય અને શૈક્ષણિક ક્ષેત્રે મહત્વની ઘટનાઓ આકાર લઈ રહી છે. રાજ્યમાં સ્થાનિક સ્વરાજની ચૂંટણી (Local Body Election) ના પડઘમ વાગી રહ્યા છે ત્યારે ભાજપ અને કોંગ્રેસ બંને પક્ષો એક્શન મોડમાં છે.
ચૂંટણીલક્ષી ગરમાવો
ગાંધીનગર જિલ્લા પંચાયત અને તાલુકા પંચાયતની ચૂંટણી માટે કોંગ્રેસે પોતાનો ગઢ પરત મેળવવા ઉમેદવાર પસંદગી (Candidate Selection) ની પ્રક્રિયા શરૂ કરી છે. વલસાડ જિલ્લામાં પણ વાપી મહાનગરપાલિકા માટે ભાજપની સેન્સ પ્રક્રિયા બાદ હવે કોંગ્રેસ જીતી શકે તેવા ચહેરાઓની શોધમાં છે. બીજી તરફ, પંચમહાલ જિલ્લા કોંગ્રેસ દ્વારા આજે નિરીક્ષકોની હાજરીમાં કારોબારી બેઠક અને સેન્સ પ્રક્રિયા (Sense Process) હાથ ધરવામાં આવશે.
ઉમરેઠમાં ભાજપનું શક્તિપ્રદર્શન
આજે 111-ઉમરેઠ વિધાનસભા પેટાચૂંટણી માટે ભાજપના ઉમેદવાર હર્ષદ પરમાર ફોર્મ ભરશે. આ પ્રસંગે મુખ્યમંત્રી ભૂપેન્દ્રભાઈ પટેલ (CM Bhupendra Patel) ખાસ ઉપસ્થિત રહેશે. સિકોતર માતાજીના દર્શન કરી વિજય વિશ્વાસ સભા સંબોધ્યા બાદ નામાંકન પત્ર (Nomination Paper) ભરવામાં આવશે. ત્યારબાદ મુખ્યમંત્રી ઈડરના મુડેટી ખાતે નૂતન સંકુલના ઉદ્ધાટન સમારોહમાં પણ હાજરી આપશે.
શિક્ષણ અને શ્રદ્ધાનો સંગમ
આજે રાજ્યભરમાં 'મુખ્યમંત્રી જ્ઞાન સાધના યોજના' (Gyan Sadhana Scholarship Scheme) હેઠળ પરીક્ષા યોજાશે. સવારે 11 થી 12 વાગ્યા સુધી યોજાનારી આ પરીક્ષામાં ધોરણ 8 ના તેજસ્વી વિદ્યાર્થીઓ ભાગ લઈ રહ્યા છે. મેરીટમાં આવનાર વિદ્યાર્થીઓને ધોરણ 9 થી 12 સુધી વાર્ષિક ₹20,000 થી ₹25,000 ની સહાય મળવાપાત્ર છે. આ ઉપરાંત, શક્તિપીઠ અંબાજી (Ambaji Temple) માં આજે 1200 કન્યાઓનું પૂજન કરવામાં આવશે, જ્યાં માઈ ભક્તો દ્વારા કન્યાઓને ભેટ અર્પણ કરવામાં આવશે.
આ પણ વાંચો : Rashifal 4 April 2026 : શનિવારના દિવસે કેવું રહેશે તમારું નસીબ? જાણો મેષથી મીન સુધીની તમામ 12 રાશિઓનું ભાગ્ય