Gujarat Top News Today : આજે 2 એપ્રિલ 2026 ના દિવસે શું થશે ગુજરાતમાં?

Gujarat Top News Today : ભાજપની સેન્સ પ્રક્રિયા અને ચૂંટણી વ્યૂહરચના

ગાંધીનગર જિલ્લા પંચાયત, તાલુકા પંચાયત તેમજ કલોલ અને દહેગામ નગરપાલિકા માટે ભાજપના નિરીક્ષકો દ્વારા દાવેદારોને સાંભળવામાં આવશે. અમદાવાદ, રાજકોટ અને પાટણ જેવા મોટા શહેરોમાં પણ ઉમેદવારોનો રાફડો ફાટવાની શક્યતા છે. રાજકોટ મહાનગરપાલિકાના બાકી રહેલા 6 વોર્ડ અને જિલ્લા પંચાયતની તમામ બેઠકો માટે પ્રદેશમાંથી આવેલી ખાસ ટીમો સેન્સ લેશે. પાટણ જિલ્લામાં પણ 9 તાલુકા પંચાયતો માટે ભાજપ કાર્યાલય (BJP Office) ખાતે દાવેદારોની લાઈનો લાગશે.

હનુમાન જયંતી: ભક્તિ અને કોમી એકતાના દ્રશ્યો

આજે હનુમાન જયંતી નિમિત્તે રાજ્યના સુપ્રસિદ્ધ મંદિરોમાં વિશેષ આયોજનો કરવામાં આવ્યા છે. જૂનાગઢના ભવનાથ તળેટીમાં આવેલા લંબે હનુમાન મંદિરે 21 હજાર લાડુનો ભોગ ધરાવવામાં આવશે. ખેડાના મહેમદાવાદમાં કોમી એકતાની અનોખી મિસાલ જોવા મળશે, જ્યાં મુસ્લિમ સમાજ દ્વારા હનુમાનજીની શોભાયાત્રાનું ભવ્ય સ્વાગત કરવામાં આવશે.

અરવલ્લીમાં સુતેલા હનુમાનજી અને શક્તિપીઠ અંબાજી

અરવલ્લીના સાકરિયા ગામે ભારતમાં માત્ર બે જગ્યાએ જોવા મળતી 'સુતેલા હનુમાનજી' ની પ્રતિમા આવેલી છે, જ્યાં હજારો ભક્તો ઉમટશે. સાથે જ યાત્રાધામ શામળાજી અને શક્તિપીઠ અંબાજી (Ambaji Temple) ખાતે ચૈત્ર પૂનમ નિમિત્તે ભક્તોનો ઘોડાપૂર ઉમટશે. અંબાજી મંદિરને રંગબેરંગી ફૂલોથી શણગારવામાં આવ્યું છે અને વહેલી સવારે મંગળા આરતી સાથે ભક્તો દર્શન કરી ધન્યતા અનુભવી છે.

આ પણ વાંચો : Rashifal 2 April 2026: આજનો દિવસ તમારા માટે કેવો રહેશે? જાણો આજના રાશિફળમાં