Gujarat Top News Today : આજે 1 એપ્રિલ 2026 ના દિવસે શું થશે ગુજરાતમાં?

ડિજિટલ વસ્તી ગણતરી અને ચૂંટણીનો માહોલ

1 એપ્રિલ 2026 થી શરૂ થનારી વસ્તી ગણતરી બે તબક્કામાં યોજાશે. પ્રથમ તબક્કામાં 5 એપ્રિલથી 19 મે સુધી ઘર-ઘરની ગણતરી અને મકાન યાદીકરણ (House Listing) કરવામાં આવશે. ખાસ વાત એ છે કે આ વખતે સંપૂર્ણ ગણતરી ડિજિટલ એપ (Digital App) દ્વારા કરવામાં આવશે. બીજી તરફ, ભાજપ દ્વારા ભાવનગર અને જામનગરમાં ઉમેદવારોની પસંદગી માટે સેન્સ પ્રક્રિયા (Sense Process) શરૂ કરી દેવામાં આવી છે.

અમરેલીમાં વિકાસકાર્યો અને જળસંચય મહોત્સવ

મુખ્યમંત્રી ભૂપેન્દ્રભાઈ પટેલ (CM Bhupendra Patel) આજે અમરેલી જિલ્લાની મુલાકાતે છે, જ્યાં તેઓ કરોડોના વિકાસકાર્યોનું લોકાર્પણ અને ખાતમુહૂર્ત કરશે. રાજુલાના દેવલવિદ્યાપીઠ ખાતે નવનિર્મિત છાત્રાલયનું ઉદ્ઘાટન કર્યા બાદ, તેઓ સણોસરા ગામે 85 ગામોના તળાવ ઊંડા ઉતારવાના 'જળસંચય મહોત્સવ' (Water Conservation Festival) નો પ્રારંભ કરાવશે. આ કાર્યક્રમમાં 85 હિટાચી મશીનો એકસાથે કામગીરી શરૂ કરશે.

અમદાવાદમાં ધાર્મિક અને સંગઠનલક્ષી કાર્યક્રમો

અમદાવાદમાં મુખ્યમંત્રી શ્રી હનુમાન રથયાત્રાને (Hanuman Rath Yatra) પ્રસ્થાન કરાવશે. સાથોસાથ, ભાજપ પ્રદેશ અધ્યક્ષ જગદીશભાઈ વિશ્વકર્મા અને સંગઠન મહામંત્રી રત્નાકરજીની ઉપસ્થિતિમાં ઉત્તર ઝોનના પદાધિકારીઓની મહત્વની બેઠક (BJP Meeting) યોજાશે. આ ઉપરાંત, જૂનાગઢ માર્કેટિંગ યાર્ડમાં સોરઠની પ્રખ્યાત કેસર કેરીનું (Kesar Mango) આગમન થતાં વેપારીઓમાં ખુશીનો માહોલ જોવા મળી રહ્યો છે.

આ પણ વાંચો : Rashifal 1 April 2026: આજનો દિવસ તમારા માટે કેવો રહેશે? જાણો આજના રાશિફળમાં