Heatwave Alert Gujarat: ક્યાંક કમોસમી વરસાદ તો ક્યાંક હીટવેવની ઘાતક આગાહી
Heatwave Alert: રાજ્યમાં આગામી દિવસો માટે હવામાન વિભાગની આગાહી
આજે કેટલાક જિલ્લાઓમાં આંધી સાથે વરસાદી માહોલની આગાહી
સૌરાષ્ટ્ર અને દક્ષિણ ગુજરાતમાં હળવા વરસાદની શક્યતા
સાયક્લોનિક સર્ક્યુલેશન સાથે ટ્રફ લાઇન સિસ્ટમ સક્રિય
9 મેથી રાજ્યમાં ગરમીનો નવો રાઉન્ડ શરૂ
10 મેથી ગુજરાતમાં ગરમીનો પ્રકોપ સતત વધશે
અનેક શહેરોમાં તાપમાનનો પારો ઊંચો જવાની શક્યતા
બનાસકાંઠા અને સુરેન્દ્રનગરમાં હીટવેવની ગંભીર આગાહી
રાજકોટ અને અમરેલીમાં યેલો એલર્ટ જાહેર કરાયું
12 મે સુધી હીટવેવની અસર જોવા મળશે
Heatwave Alert Gujarat: ગુજરાતમાં હાલ બેવડી ઋતુનો અનુભવ થઈ રહ્યો છે. ભારતીય હવામાન વિભાગ (India Meteorological Department - IMD) દ્વારા રાજ્યમાં આગામી દિવસો માટે મહત્વની આગાહી કરવામાં આવી છે. હાલમાં એક તરફ સાયક્લોનિક સર્ક્યુલેશન (Cyclonic Circulation) અને ટ્રફ લાઇન (Trough Line) સિસ્ટમ સક્રિય થવાને કારણે વરસાદી માહોલ જોવા મળી રહ્યો છે, તો બીજી તરફ ગરમીના નવા રાઉન્ડ માટે પણ એલર્ટ જાહેર કરવામાં આવ્યું છે.
કમોસમી વરસાદની આગાહી
હવામાન વિભાગના જણાવ્યા અનુસાર, આજે રાજ્યના કેટલાક જિલ્લાઓમાં ભારે પવન અને આંધી સાથે વરસાદી માહોલ રહેશે. ખાસ કરીને સૌરાષ્ટ્ર (Saurashtra) અને દક્ષિણ ગુજરાત (South Gujarat) ના વિસ્તારોમાં હળવા વરસાદની શક્યતા છે. અમદાવાદ (Ahmedabad) શહેરમાં પણ વાદળછાયું વાતાવરણ રહેશે, જેના કારણે ભેજનું પ્રમાણ વધતા બફારો અનુભવાશે.
Weather Forecast | રાજ્યમાં આગામી દિવસો માટે હવામાન વિભાગની આગાહી | Gujarat First
આજે કેટલાક જિલ્લાઓમાં આંધી સાથે વરસાદી માહોલની આગાહી
સૌરાષ્ટ્ર અને દક્ષિણ ગુજરાતમાં હળવા વરસાદની શક્યતા
સાયક્લોનિક સર્ક્યુલેશન સાથે ટ્રફ લાઇન સિસ્ટમ સક્રિય
અમદાવાદમાં વાદળછાયા વાતાવરણ સાથે ગરમીનો… pic.twitter.com/XyqRtUXtvP— Gujarat First (@GujaratFirst) May 7, 2026
9 મેથી ગરમીનો પ્રકોપ અને હીટવેવ
ચિંતાજનક સમાચાર એ છે કે, 9 મેથી રાજ્યમાં ગરમીનો નવો રાઉન્ડ શરૂ થવા જઈ રહ્યો છે. હવામાન વિભાગે દ્વારકા (Dwarka) અને કચ્છ (Kutch) માં હીટવેવ (Heatwave) ની ચેતવણી સાથે 'યેલો એલર્ટ' (Yellow Alert) જાહેર કર્યું છે. 10 મેથી ગરમીનો પ્રકોપ સતત વધશે અને ઉત્તર ગુજરાત તથા સૌરાષ્ટ્રના અનેક શહેરોમાં તાપમાનનો પારો ઊંચો જશે.
આ જિલ્લાઓમાં રેડ અને યેલો એલર્ટની સ્થિતિ
હવામાન વિભાગની આગાહી મુજબ, બનાસકાંઠા (Banaskantha) અને સુરેન્દ્રનગર (Surendranagar) માં ગંભીર હીટવેવની શક્યતા છે. આ ઉપરાંત વડોદરા (Vadodara) અને સુરત (Surat) માં પણ ઉષ્ણલહેરની પૂરી શક્યતા જોવામાં આવી રહી છે. સૌરાષ્ટ્રના રાજકોટ (Rajkot) અને અમરેલી (Amreli) માં પણ યેલો એલર્ટ જાહેર કરવામાં આવ્યું છે. આ હીટવેવની અસર 12 મે સુધી યથાવત રહેશે, જેના કારણે બપોરના સમયે લોકોને કામ વગર બહાર ન નીકળવા સલાહ આપવામાં આવી છે.
આ પણ વાંચો: ગુજરાતમાં આગામી 7 દિવસ સૂકા વાતાવરણ અને હીટવેવની આગાહી