Gujarat Yatradham Vikas : ગુજરાતના યાત્રાધામોનો કાયાકલ્પ: દ્વારકા, સોમનાથ, અંબાજી અને પાલીતાણાને 'ગ્રીન અને વીજ સલામત ઝોન' બનાવવા રૂ. 100 કરોડની ફાળવણી. જાણો કેવી રીતે બદલાશે પ્રવાસન ક્ષેત્રનો ચહેરો.

ગુજરાત એ તેની ભવ્ય વિરાસત, આધ્યાત્મિક વારસો અને વૈવિધ્યસભર સંસ્કૃતિ માટે વિશ્વભરમાં વિખ્યાત છે. રાજ્ય સરકાર State Governmentના દૂરંદેશી અભિગમ હેઠળ, ગુજરાતના પવિત્ર યાત્રાધામો હવે માત્ર ધાર્મિક આસ્થાના કેન્દ્રો જ નહીં, પરંતુ આધુનિક પ્રવાસન ઉદ્યોગ-Tourism industryના મજબૂત સ્તંભ તરીકે ઉભરી રહ્યા છે.

Gujarat Yatradham Vikas :પ્રવાસન ક્ષેત્રને વધુ વેગવંતો બનાવવા માટે પાયાની સુવિધાઓના સુદ્રઢીકરણ

'અતિથિ દેવો ભવ:'ની ભાવનાને સાર્થક કરતા, રાજ્ય સરકાર પ્રવાસન ક્ષેત્રને વધુ વેગવંતો બનાવવા માટે પાયાની સુવિધાઓના સુદ્રઢીકરણ પર વિશેષ ભાર મૂકી રહી છે.

વૈશ્વિક પ્રવાસીઓને આકર્ષવા અને સ્થાનિક અર્થતંત્રને ગતિ આપવા માટે યાત્રાધામોમાં વિશ્વસ્તરીય માળખાગત સુવિધાઓ, પર્યાવરણની જાળવણી અને આધુનિક ટેકનોલોજીનો સમન્વય અનિવાર્ય છે. આ જ દિશામાં એક ક્રાંતિકારી કદમ ઉઠાવતા, રાજ્ય સરકારે દ્વારકા, સોમનાથ, અંબાજી અને પાલીતાણા જેવા અગ્રણી તીર્થધામોને 'ગ્રીન અને વીજ સલામત ઝોન' તરીકે વિકસાવવાનો નિર્ધાર કર્યો છે. રૂ. ૧૦૦ કરોડની માતબર જોગવાઈ સાથેની આ યોજના પ્રવાસન ઉદ્યોગને નવી ઊંચાઈઓ પર લઈ જશે.

Gujarat Yatradham Vikas : વીજ સુરક્ષા અને આધુનિકીકરણ

યાત્રાધામોમાં આવતા લાખો શ્રદ્ધાળુઓની સુરક્ષા સરકારની સર્વોચ્ચ પ્રાથમિકતા છે. આ યોજના હેઠળ વીજ વિતરણ માળખાનું સંપૂર્ણ આધુનિકરણ કરવામાં આવશે:

• અંડરગ્રાઉન્ડ નેટવર્ક: ખુલ્લા વાયરોને બદલે અંડરગ્રાઉન્ડ કેબલિંગ સિસ્ટમ અમલી બનાવી યાત્રાધામોના સૌંદર્યમાં વધારો કરાશે.

• વિશ્વસનીય પુરવઠો: તહેવારો અને મોટા ઉત્સવો દરમિયાન કોઈપણ વિક્ષેપ વગર સતત અને ગુણવત્તાયુક્ત વીજ પુરવઠો જળવાઈ રહેશે.

• ઈન્ફ્રાસ્ટ્રક્ચર અપગ્રેડ: ટ્રાન્સફોર્મર અપગ્રેડેશન અને સઘન મેન્ટેનન્સ દ્વારા વીજ સુરક્ષાના સ્તરને વૈશ્વિક ધોરણો મુજબ લઈ જવામાં આવશે.

ગ્રીન એનર્જી અને પર્યાવરણ જાળવણી

પ્રવાસન સ્થળોને પ્રદૂષણ મુક્ત અને રક્ષિત બનાવવા માટે 'સ્વચ્છ ઊર્જા' Green Energy પર ભાર મૂકવામાં આવ્યો છે:

• સોલાર આત્મનિર્ભરતા: સરકારી અને સ્થાનિક સત્તામંડળની ઇમારતો પર 500 kW સુધીની ક્ષમતાની રૂફટોપ સોલાર સિસ્ટમ સ્થાપવામાં આવશે.

• કાર્બન ફૂટપ્રિન્ટમાં ઘટાડો: સોલાર ઊર્જાના મહત્તમ ઉપયોગથી કાર્બન ઉત્સર્જન ઘટશે, જે પર્યાવરણ લક્ષી પ્રવાસન (Eco-Tourism) ને પ્રોત્સાહન આપશે.

• સરકારી સહાય: સોલાર સિસ્ટમ સ્થાપવા માટે રાજ્ય સરકાર દ્વારા ખાસ સબસિડી સહાય પણ પૂરી પાડવામાં આવશે.

પ્રવાસન અર્થતંત્ર પર અસર

જ્યારે કોઈ યાત્રાધામ સુવિધા સંપન્ન અને સુરક્ષિત બને છે, ત્યારે ત્યાં પ્રવાસીઓનો પ્રવાહ વધે છે. અંડરગ્રાઉન્ડ વિતરણ વ્યવસ્થા અને આધુનિક સુવિધાઓથી સજ્જ મંદિરો પ્રવાસીઓ માટે વધુ આકર્ષક બનશે, જે સીધી રીતે સ્થાનિક રોજગારી અને પ્રવાસન ઉદ્યોગને વેગ આપશે.

આ પણ વાંચો : Ahmedabad માં ED ના મોટા દરોડા, અનસ ગ્રુપ પર ત્રાટકી તપાસ એજન્સી, કરોડોની રોકડ જપ્ત