Amit Shah Gujarat Visit: વિશ્વ યોગ દિવસે અમિતભાઇ શાહ આપશે હાજરી, તંત્ર એલર્ટ

કેન્દ્રીય ગૃહમંત્રી અમિત શાહ આવશે ગુજરાત

ગૃહમંત્રી અમિતભાઇ શાહ 21 જૂનના રોજ સવારે અમદાવાદ ખાતે આયોજિત યોગ દિવસના વિશેષ કાર્યક્રમમાં મુખ્ય અતિથિ તરીકે હાજર રહેશે અને નાગરિકો સાથે યોગાભ્યાસ કરશે. ઉલ્લેખનીય છે કે, કેન્દ્રીય મંત્રી દર વર્ષે યોગ દિવસની ઉજવણી ખૂબ જ ઉત્સાહભેર કરે છે. ગત વર્ષે પણ તેમણે પોતાના ગાંધીનગર સંસદીય ક્ષેત્ર (Gandhinagar Parliamentary Constituency) ના અંતર્ગત આવતા વિસ્તારોમાં સ્થાનિક લોકોની વચ્ચે રહીને યોગ દિવસની ઉજવણી કરી હતી.

પોતાના સંસદીય ક્ષેત્રમાં કરશે યોગ

આ વર્ષે પણ તેઓ અમદાવાદ (Ahmedabad) માં પોતાના મતવિસ્તારના નાગરિકો સાથે સહભાગી થઈને ફિટનેસ અને સ્વાસ્થ્યનો મજબૂત સંદેશ આપશે. ગૃહમંત્રીના આગમનને પગલે અમદાવાદ શહેર પોલીસ (Ahmedabad City Police) અને વહીવટી તંત્ર દ્વારા સુરક્ષાના ચુસ્ત બંદોબસ્તની તૈયારીઓ કરી લેવામાં આવી છે. યોગ દિવસના કાર્યક્રમ બાદ ગૃહમંત્રી સ્થાનિક પદાધિકારીઓ સાથે મહત્વની બેઠક પણ યોજી શકે છે.

આ પણ વાંચો: Gujarat Monsoon: ગુજરાતમાં મેઘરાજાની ધમાકેદાર એન્ટ્રી! ખેડાના ગળતેશ્વરમાં ખાબક્યો 3 ઈંચ વરસાદ