બજેટ રજૂ કર્યા બાદ નાણામંત્રી Kanubhai Desai ની પ્રતિક્રિયા: ગુજરાત બનશે વૈશ્વિક લીડર!
નાણામંત્રી કનુભાઈ દેસાઈએ બજેટને ગુજરાતની સમૃદ્ધિનું સક્ષમ દ્વાર ગણાવ્યું છે. ભારત ચોથી મોટી અર્થવ્યવસ્થા બન્યાની ખુશી સાથે, તેમણે કોમનવેલ્થ ગેમ્સની યજમાનીથી લઈને આદિવાસીઓના પાયાના વિકાસ સુધીની અનેક વાતો કરી છે. માથાદીઠ આવક વધારવી અને છેવાડાના માનવીને મુખ્યધારામાં લાવવા માટેનું સરકારનું આયોજન કેવું છે? જાણો કનુભાઈ દેસાઈના શબ્દોમાં બજેટનો અસલી સાર.
Advertisement
- ભારત ચોથી મોટી અર્થવ્યવસ્થા, ગુજરાત બનશે ગ્લોબલ હબ (Kanubhai Desai Budget Reaction)
- નાણામંત્રીએ બજેટ રજૂ કર્યા બાદ વડાપ્રધાન મોદીને પાઠવ્યા અભિનંદન
- કોમનવેલ્થ ગેમ્સની યજમાની માટે ગુજરાત સજ્જ હોવાની કરી ગર્જના
- આદિજાતિ કલ્યાણ માટે આગામી 5 વર્ષમાં 2 લાખ કરોડનું મોટું આયોજન
- રોજગારી અને માથાદીઠ આવક વધારી જનતાને સમૃદ્ધ બનાવવાનું લક્ષ્ય
Kanubhai Desai Budget Reaction: ગુજરાતના નાણામંત્રી કનુભાઈ દેસાઈએ (Kanu Desai) વર્ષ 2026-27 માટેનું 4.08 લાખ કરોડનું ઐતિહાસિક બજેટ રજૂ કર્યા બાદ પોતાની મહત્વની પ્રતિક્રિયા આપી છે. તેમણે આ બજેટને માત્ર આંકડાઓનો દસ્તાવેજ નહીં, પરંતુ વડાપ્રધાનભાઈ નરેન્દ્ર મોદીના (Narendra Modi) 'વિકસિત ભારત' (Viksit Bharat) ના સંકલ્પને સાકાર કરનારું બ્લુપ્રિન્ટ ગણાવ્યું છે.