વિકાસના સતત નવા કીર્તિમાનો સ્થાપીને ભારતીય ઐતિહાસિક અને ધાર્મિક વિરાસતોની જાળવણી અને સંવર્ધન કરવાના **‘વિકાસ ભી, વિરાસત ભી’**ના મંત્ર સાથે બહુમુખી વિકાસની એક આગવી પેટર્ન વડાપ્રધાન શ્રી નરેન્દ્રભાઈ મોદીના માર્ગદર્શનમાં ગુજરાત સહિત ભારતભરમાં અવિરતપણે વિકસી રહી છે.

આ મંત્રને સાકાર કરવા માટે ગુજરાતમાં પણ મુખ્યમંત્રી શ્રી ભૂપેન્દ્ર પટેલના માર્ગદર્શનમાં અને નાયબ મુખ્યમંત્રી શ્રી હર્ષ સંઘવીના નેતૃત્વ હેઠળ, રાજ્યના પવિત્ર-પ્રસિદ્ધ યાત્રાધામો જેવા કે:

• અંબાજી

• દ્વારકા

• પાવાગઢ

• બહુચરાજી

વગેરે આધ્યાત્મિક તીર્થ સ્થળોનો ભારતભરમાંથી આવતા ભક્તો અને યાત્રાળુઓ માટે ૩૬૦ ડિગ્રીથી સર્વાંગી વિકાસ કરવામાં આવી રહ્યો છે.

પોરબંદરના માધવપુર ઘેડ ખાતે શ્રી કૃષ્ણ-રૂક્ષ્મણી યાત્રાધામનો વિકાસ

આ આધ્યાત્મિક તીર્થ સ્થળોની વિકાસ યાત્રાને સતત આગળ વધારતાં, પોરબંદર જિલ્લાના માધવપુર ઘેડ ખાતે આવેલા શ્રી કૃષ્ણ-રૂક્ષ્મણી યાત્રાધામના વિકાસ માટે અંદાજે કુલ ₹ ૯૧ કરોડથી વધુના ખર્ચે વિકાસ કામો હાથ ધરવામાં આવી રહ્યા છે.

શ્રી કૃષ્ણ - રૂક્ષ્મણી માતા યાત્રાધામના માસ્ટર પ્લાનમાં માધવપુર ગામમાં એકબીજાથી આશરે એક કિ.મી. જેટલા અંતરે આવેલા વિવિધ સ્થળોને આવરી લઈને તેનો સર્વાંગી વિકાસ કરવામાં આવશે, જેના પરિણામે આ યાત્રાધામની મુલાકાત લેતા યાત્રાળુઓને અનેકવિધ નવીન સુવિધાઓ ઉપલબ્ધ થશે.

પ્રથમ તબક્કાનું લોકાર્પણ (અંદાજે ₹ ૪૮ કરોડ)

મુખ્યમંત્રીશ્રીના હસ્તે પ્રથમ તબક્કામાં અંદાજે ₹ ૪૮ કરોડના ખર્ચે નીચે મુજબના વિકાસકાર્યોનું લોકાર્પણ કરવામાં આવ્યું હતું:

• શ્રી રૂક્ષ્મણી માતા મંદિર

• ચૉરી માયરાની જગ્યા

• માધવરાયજી મંદિર જતાં રસ્તા પર બીચ ડેવલોપમેન્ટ

• બ્રહ્મ કુંડ

• મેળા ગ્રાઉન્ડ

બીજા તબક્કાના વિકાસ કામો (અંદાજે ₹ ૪૩.૭૨ કરોડ)

બીજા તબક્કામાં અંદાજે ₹ ૪૩.૭૨ કરોડના ખર્ચે નીચે મુજબના મુખ્ય કાર્યો હાથ ધરવામાં આવશે:

• શ્રી માધવરાયજી મંદિરનું પુનઃનિર્માણ.

• મંદિર પાસે ૩૦૦ મીટર બીચ ડેવલપમેન્ટ અને પાર્કિંગ માટે પરિસરનો વિકાસ.

• અન્ય પાયાની સુવિધાઓનું નિર્માણ.

અન્ય સ્થળોના વિકાસનો સમાવેશ

• કાચબા ઉછેર કેન્દ્રથી માધવરાયજીના મંદિર સુધીનો રસ્તો ૦૯ મીટર પહોળો કરવો.

• બીચ એરિયામાં ફૂડ કિઓસ્ક અને શૌચાલય વગેરેની સુવિધા.

• પાર્કિંગ અને ફૂડ કોર્ટ.

• જુદા-જુદા પ્રકારના સ્કલ્પચર, સાઇનેજીસ, ફાઉન્ટેન, સેલ્ફી પોઇન્ટ સહિત લેન્ડસ્કેપિંગ.

ગુજરાત યાત્રાધામ વિકાસ બોર્ડ દ્વારા જણાવાયા મુજબ, આ વિકાસકાર્યો થકી માધવપુરનો સર્વાંગી વિકાસ થશે અને દૂર-દૂરથી આવતા પ્રવાસીઓ-શ્રદ્ધાળુઓની સુવિધામાં અનેકગણો વધારો થશે, જેના પરિણામે ગુજરાત આધ્યાત્મિક પ્રવાસન ક્ષેત્રે વધુ સિદ્ધિઓ સર કરશે.

આ પણ વાંચો : Ahmedabad : વિરમગામ-ધોળકાનાં દર્દીઓનાં પરિવારોએ સ્વજનનું અંગદાન કરી જનસેવાની જ્યોત પ્રજ્વલિત રાખી