Mukhyamantri SWAGAT karyakram : CM Bhupendra Patel ના અધ્યક્ષસ્થાને યોજાયેલ 'સ્વાગત' ઓનલાઈન જન ફરિયાદ નિવારણ કાર્યક્રમ (May 2026). ખેડૂતો અને સામાન્ય નાગરિકોની રજૂઆતોના ત્વરિત નિકાલ માટે લેવાયા મહત્વપૂર્ણ નિર્ણયો.

લોકશાહીમાં પ્રજાના પ્રશ્નોનું ત્વરિત અને યોગ્ય નિરાકરણ એ સુશાસનનો પાયો છે. આ દિશામાં ગુજરાત સરકારનો 'સ્વાગત' (State-wide attention on grievances by application of technology) ઓનલાઈન જન ફરિયાદ નિવારણ કાર્યક્રમ એક મહત્વપૂર્ણ કડી સાબિત થયો છે. સામાન્ય નાગરિકોની રજૂઆતોને સીધી રીતે સાંભળીને વહીવટી તંત્રને સંવેદનશીલ અને જવાબદાર બનાવવાના ઉદ્દેશ્યથી, મુખ્યમંત્રી  ભૂપેન્દ્ર પટેલના નેતૃત્વમાં મે-2026 માસના રાજ્યકક્ષાના 'સ્વાગત' SWAGAT કાર્યક્રમનું આયોજન કરવામાં આવ્યું હતું. આ કાર્યક્રમમાં મુખ્યમંત્રીએ પ્રજાના પ્રશ્નો પ્રત્યે Pro-People Governance નો અભિગમ દાખવી, વહીવટી તંત્રને સ્પષ્ટ દિશાનિર્દેશો આપ્યા હતા.

Mukhyamantri SWAGAT karyakram : મુખ્યમંત્રી  ભૂપેન્દ્ર પટેલના સ્પષ્ટ દિશા-નિર્દેશ 

પ્રજાનો સરકાર પ્રત્યેનો વિશ્વાસ સંગીન બનાવવા રજૂઆતોનું સમયમર્યાદામાં ન્યાયિક અને સરળ નિરાકરણ લાવો.

• ત્વરિત નિવારણ: ખેડૂતો અને સામાન્ય નાગરિકોની રજૂઆતો સંવેદનાપૂર્વક સાંભળીને ત્વરિત ઉકેલ માટે સૂચનાઓ. મુખ્યમંત્રીનો સ્પષ્ટ અભિગમ: "જો કામ નિયમાનુસાર થવા પાત્ર હોય તો તાત્કાલિક પૂર્ણ કરો. ન થઈ શકે તેમ હોય તો સ્પષ્ટ જવાબ આપો, અરજદારને ધક્કા ન ખવડાવો."

• કુલ અરજીઓ: રાજ્ય, જિલ્લા અને તાલુકા કક્ષાએ કુલ 4020 રજૂઆતો (રાજ્ય કક્ષાએ215+, જિલ્લા કક્ષાએ 1531, તાલુકા કક્ષાએ 2274) સંબંધિત વિભાગોને કાર્યવાહી માટે મોકલાઈ. (નોંધ: સામાન્ય રીતે ચોથા ગુરુવારે યોજાતો કાર્યક્રમ જાહેર રજાને કારણે આ વખતે શનિવારે યોજાયો હતો).

• કડક કાર્યવાહી: જાહેર રસ્તાઓ પર દબાણ કરી ખેડૂતોને પરેશાન કરતા અસામાજિક તત્વો સામે કડકાઈથી પેશ આવવા પોલીસ તંત્રને આદેશ.

Mukhyamantri SWAGAT karyakram :સ્થળ પર લેવાયેલા મહત્વના નિર્ણયો અને દિશા-નિર્દેશો

રસ્તાના દબાણો દૂર કરવા (જુનાગઢ, ભાવનગર, ગીર સોમનાથ): ખેતરોમાં જવા-આવવાના રસ્તા પરના દબાણો તાત્કાલિક હટાવવા અને ખેડૂતોની સલામતી માટે રસ્તા ખુલ્લા રાખવા તાકીદ.

સ્ટેમ્પ ડ્યુટીના બોજમાંથી મુક્તિ (બોટાદ): અગાઉની વહીવટી ભૂલના કારણે હક દાખલ કરવામાં અરજદાર પર સ્ટેમ્પ ડ્યુટીનો બોજ ન પડે તે માટે લોકાભિમુખ અભિગમ દાખવી ઉકેલ લાવવા સૂચના.

૩૭/૧૨ પાનિયું સુધારણા (અમદાવાદ): રિ-સર્વે બાદ બંધ થયેલું પાનિયું જનરેટ કરવાનો હુકમ અપાયો. ચૂકથી પડેલી નોંધો સુધારવા અને આવા નાના પ્રશ્નો સ્થાનિક કક્ષાએ ઝડપથી ઉકેલવા ભાર મૂક્યો.

પ્રમાણિત નકલની માન્યતા (વડોદરા): સરકારી કચેરીમાં રેકોર્ડ ઉપલબ્ધ ન હોય પરંતુ અરજદાર પાસે પ્રમાણિત નકલ હોય, તો તેની ચકાસણી કરી માન્ય ગણીને કાર્યવાહી કરવા કલેક્ટરને સૂચના.

બાંધકામ રજાચિઠ્ઠી (અરવલ્લી): ગામનો નગરપાલિકામાં સમાવેશ થયા બાદ અટકેલી બાંધકામ રજાચિઠ્ઠીની પ્રક્રિયા નગરપાલિકા દ્વારા તાત્કાલિક શરૂ કરવા આદેશ.

નક્કર પરિણામલક્ષી વહીવટનું ઉત્તમ ઉદાહરણ

મે-2026 નો આ 'સ્વાગત' કાર્યક્રમ માત્ર ફરિયાદો સાંભળવાનું પ્લેટફોર્મ ન રહેતાં, નક્કર પરિણામલક્ષી વહીવટનું ઉત્તમ ઉદાહરણ બની રહ્યો. મુખ્યમંત્રી ભૂપેન્દ્ર પટેલે નાનામાં નાના અરજદારના પ્રશ્નોને ગંભીરતાથી લઈને, સ્થાનિક કક્ષાએ જ તેના ઝડપી અને ન્યાયિક નિકાલ પર ભાર મૂક્યો હતો. ખેડૂતોના રસ્તાના પ્રશ્નો હોય કે જમીન રેકોર્ડના સુધારા, સરકારનો લોકાભિમુખ અને સંવેદનશીલ અભિગમ આ કાર્યક્રમમાં સ્પષ્ટપણે જોવા મળ્યો. આ પ્રયાસોથી નિઃશંકપણે રાજ્યના નાગરિકોનો વહીવટી તંત્ર અને સરકાર પ્રત્યેનો વિશ્વાસ વધુ મજબૂત બનશે.

આ પણ વાંચો Tribal Development Workshop : મિશન આદિજાતિ વિકાસ: વડોદરામાં મહામંથન