Namo Shri Yojana : સહાયનું માળખું: રૂ. ૧૨,૦૦૦ની ચૂકવણી કેવી રીતે થાય છે?
આ યોજના અંતર્ગત લાભાર્થીને કુલ બે પ્રસુતિ સુધી લાભ મળે છે. સહાયની રકમ ચાર તબક્કાવાર DBT (Direct Benefit Transfer) મારફતે સીધી બેંક ખાતામાં જમા કરવામાં આવે છે.
૧. પ્રથમ પ્રસુતિ સમયે સહાય:
| તબક્કો | સમયગાળો | સહાયની રકમ | ફાળો (રાજ્ય/કેન્દ્ર) |
| ૧ લો હપ્તો | સગર્ભાવસ્થાની નોંધણી સમયે | રૂ. ૫,૦૦૦ | રાજ્ય: ૨૦૦૦ + કેન્દ્ર: ૩૦૦૦ |
| ૨ જો હપ્તો | સગર્ભાવસ્થાના ૬ માસ પૂર્ણ થયા બાદ | રૂ. ૨,૦૦૦ | રાજ્ય સરકાર |
| ૩ જો હપ્તો | સંસ્થાકીય પ્રસુતિ સમયે | રૂ. ૩,૦૦૦ | રાજ્ય સરકાર |
| ૪ થો હપ્તો | રસીકરણના ૧૪મા અઠવાડિયે | રૂ. ૨,૦૦૦ | કેન્દ્ર સરકાર |
| કુલ | | રૂ. ૧૨,૦૦૦ | |
૨. બીજી પ્રસુતિ સમયે સહાય:
બીજી પ્રસુતિમાં પણ કુલ રૂ. ૧૨,૦૦૦ની સહાય મળે છે, જેમાં નોંધણી સમયે રૂ. ૨,૦૦૦, ૬ માસ બાદ રૂ. ૩,૦૦૦, દીકરી કે દીકરાના જન્મ સમયે રૂ. ૬,૦૦૦ અને સંપૂર્ણ રસીકરણ બાદ રૂ. ૧,૦૦૦ ચૂકવાય છે.
Namo Shri Yojana : કોણ લઈ શકે છે આ યોજનાનો લાભ? (પાત્રતાની શ્રેણી)
રાજ્ય સરકાર દ્વારા કુલ ૧૧ કેટેગરીની મહિલાઓને આ યોજના હેઠળ આવરી લેવામાં આવી છે:
અનુસૂચિત જાતિ (SC) અને અનુસૂચિત જનજાતિ (ST) ની મહિલાઓ.
૪૦ ટકા કે તેથી વધુ દિવ્યાંગતા ધરાવતી મહિલાઓ.
BPL રેશન કાર્ડ ધારક મહિલાઓ.
આયુષ્માન ભારત (PMJAY) કાર્ડ ધારકો.
ઈ-શ્રમ કાર્ડ ધરાવતી મહિલાઓ.
કિસાન સન્માન નિધિનો લાભ લેતા મહિલા ખેડૂતો.
મનરેગા (MGNREGA) જોબ કાર્ડ ધારકો.
વાર્ષિક રૂ. ૮ લાખથી ઓછી કૌટુંબિક આવક ધરાવતી મહિલાઓ.
સગર્ભા/સ્તનપાન કરાવતી આંગણવાડી કાર્યકર (AWW), હેલ્પર (AWH) અને આશા (ASHA) વર્કર્સ.
NFSA (રાષ્ટ્રીય ખાદ્ય સુરક્ષા અધિનિયમ) હેઠળ રેશન કાર્ડ ધરાવતી સગર્ભા બહેનો.
કેન્દ્ર સરકાર દ્વારા નિર્ધારિત અન્ય કોઇપણ પાત્રતા ધરાવતી શ્રેણી.
નોંધણીની પ્રક્રિયા
લાભાર્થીએ સગર્ભાવસ્થાની નોંધણી નજીકના ફીમેલ હેલ્થ વર્કર (FHW) પાસે કરાવવાની રહે છે. આ નોંધણીની ખરાઈ મેડિકલ ઓફિસર અને તાલુકા હેલ્થ ઓફિસર દ્વારા કરવામાં આવે છે, જેથી પારદર્શક રીતે સહાયની રકમ પહોંચાડી શકાય.
મુખ્યમંત્રી ભુપેન્દ્ર પટેલે આ યોજના અંગે યોગ્ય જ કહ્યું છે:
"ગુજરાતની નારીશક્તિનું સ્વાસ્થ્ય અને નવજાત શિશુનું સુરક્ષિત ભવિષ્ય એ અમારી સરકારની સર્વોચ્ચ પ્રાથમિકતા છે. 'નમો શ્રી યોજના' દ્વારા અમે રાજ્યની સગર્ભા માતાઓને માત્ર આર્થિક સહાય જ નથી આપી રહ્યા, પરંતુ ગર્ભાવસ્થાના કપરા ગાળામાં એક મજબૂત ટેકો પૂરો પાડી રહ્યા છીએ. જ્યારે એક માતા સ્વસ્થ હોય છે, ત્યારે જ એક સશક્ત પેઢી અને સમૃદ્ધ રાષ્ટ્રનું નિર્માણ થાય છે. આવો, આપણે સૌ સાથે મળીને 'સ્વસ્થ માતા, સશક્ત બાળ'ના સંકલ્પ સાથે ઉન્નત ગુજરાતના નિર્માણમાં સહભાગી બનીએ."
— ભૂપેન્દ્ર પટેલ, મુખ્યમંત્રી, ગુજરાત
નમો શ્રી યોજના’ ગુજરાતની નારીશક્તિના સશક્તિકરણ અને આવનારી પેઢીના સુરક્ષિત ભવિષ્ય માટેનું એક મહત્વનું પગલું સાબિત થઈ રહી છે. વાર્ષિક રૂ. ૪૮૮.૪૦ કરોડની બજેટ જોગવાઈ સાથે સરકારનો લક્ષ્યાંક રાજ્યમાં માતા અને બાળ મૃત્યુદરમાં નોંધપાત્ર ઘટાડો લાવવાનો છે.
આ પણ વાંચો : Banaskantha માં ઠાકોર સમાજનું ઐતિહાસિક મહાસંમેલન, એવું શું થશે જે સમાજને બદલી નાખશે!
