Operation Mule Hunt 2.0: સાયબર ફ્રોડ કરનારાઓ ચેતી જજો! આજથી રાજ્યમાં 'ઓપરેશન મ્યુલ હંટ 2.0' નો પ્રારંભ
Operation Mule Hunt 2.0: રાજ્યના નાગરિકોને સાયબર સુરક્ષિત રાખવા અને ડિજિટલ ફ્રોડ કરનારા ગુનેગારોની કમર તોડી નાંખવાના ઉદ્દેશ્ય સાથે ગુજરાત સરકારે મહત્વનું પગલું ભર્યું છે. રાજ્યના નાયબ મુખ્યમંત્રી હર્ષભાઈ સંઘવીની અધ્યક્ષતામાં 1 જૂનના રોજ એક મહત્વપૂર્ણ વીડિયો કોન્ફરન્સ યોજાઈ હતી, જેમાં રાજ્યભરમાં સાયબર ગુનાઓ ડામવા માટે નવી રણનીતિ ઘડવામાં આવી છે. આ બેઠકમાં સાયબર ક્રાઈમ સામે લડવા માટેની આગામી રૂપરેખા તૈયાર કરવામાં આવી છે.
'ઓપરેશન મ્યુલ હંટ 2.0' ની શરૂઆત
આ બેઠકના બાદ આજથી એટલે કે 2 જૂનથી રાજ્યભરમાં "ઓપરેશન મ્યુલ હંટ 2.0" નો પ્રારંભ કરવામાં આવ્યો છે. આ ઓપરેશનનો મુખ્ય હેતુ શંકાસ્પદ બેંકિંગ ખાતાઓ, જેનો ઉપયોગ સાયબર ગુનાઓમાં મની લોન્ડરિંગ માટે થાય છે, તેને શોધીને તેની સામે કડક કાર્યવાહી કરવાનો છે. આ ઝુંબેશ હેઠળ રાજ્યના તમામ જિલ્લાઓમાં 'મ્યુલ એકાઉન્ટ સર્જીકલ સ્ટ્રાઈક' (Mule Account Surgical Strike) કરવા માટે પોલીસ વિભાગને સ્પષ્ટ આદેશો આપવામાં આવ્યા છે.
Operation Mule Hunt 2.0: આજથી રાજ્યમાં "ઓપરેશન મ્યુલ હંટ 2.0" નો પ્રારંભ
DyCM હર્ષભાઈ સંઘવીએ પોલીસ વડાઓ સાથે વીડિયો કોન્ફરન્સથી કરી ચર્ચા
સાયબર ક્રિમિનલ્સ સામે કડક કાર્યવાહી કરવાના આદેશ
નાગરિકોને સાયબર સુરક્ષિત રાખવાનો મુખ્ય ઉદ્દેશ્ય#OperationMuleHunt #OperationMuleHunt20… pic.twitter.com/qKPFlKvj0G— Gujarat First (@GujaratFirst) June 2, 2026
પોલીસ તંત્રની સક્રિય કામગીરી
આ મહત્વપૂર્ણ વીડિયો કોન્ફરન્સમાં રાજ્યના પોલીસ વડા (DGP) ડૉ. કે.એલ.એન.રાવ (Dr. K.L.N. Rao) સહિતના ઉચ્ચ પોલીસ અધિકારીઓ ખાસ ઉપસ્થિત રહ્યા હતા. આ ઉપરાંત, રાજ્યના તમામ શહેરના પોલીસ કમિશનર અને તમામ જિલ્લાના પોલીસ વડાઓ (SP) પણ વીડિયો કોન્ફરન્સના માધ્યમથી આ બેઠકમાં જોડાયા હતા. DyCM હર્ષભાઈ સંઘવીએ તમામ અધિકારીઓને સાયબર ગુનેગારો સામે કોઈપણ પ્રકારની બાંધછોડ વગર કડક કાર્યવાહી કરવા સૂચના આપી છે.
આ પણ વાંચોઃ શું તમે કોઈને બેંક ખાતું ભાડે આપ્યું છે? Bhavnagar ના આ કિસ્સાથી સમગ્ર રાજ્યમાં હડકંપ!