Hind First

Hind First (English)

› Gandhinagar › 38,000 પરિવારોને મળશે પોતાનું ઘર, PM Modi કરશે કરોડોના કાર્યોનું લોકાર્પણ-ખાતમુહૂર્ત

38,000 પરિવારોને મળશે પોતાનું ઘર, PM Modi કરશે કરોડોના કાર્યોનું લોકાર્પણ-ખાતમુહૂર્ત

વડાપ્રધાન નરેન્દ્રભાઈ મોદી 31 માર્ચ, 2026ના રોજ વાવ-થરાદથી ₹19,800 કરોડથી વધુના વિકાસકાર્યોનું લોકાર્પણ અને ખાતમુહૂર્ત કરશે. જેમાં કેન્દ્રના ઊર્જા, રેલવે અને હાઇવે પ્રોજેક્ટ્સ તેમજ ગુજરાતના શહેરી વિકાસ અને આવાસ યોજનાનો સમાવેશ થાય છે. આ મુલાકાતથી ગુજરાતના આર્થિક અને માળખાગત વિકાસને મોટો વેગ મળશે.

Mahesh OD

03:07 PM Mar 30, 2026 IST

38 000 પરિવારોને મળશે પોતાનું ઘર pm modi કરશે કરોડોના કાર્યોનું લોકાર્પણ ખાતમુહૂર્ત

આવતીકાલે વડાપ્રધાન મોદી ગુજરાતની મુલાકાતે
CM ભૂપેન્દ્રભાઈ પટેલે ગણાવી ઐતિહાસિક મુલાકાત
નવરચિત વાવ-થરાદ જિલ્લાની મુલાકાતે પધારશેઃ CM

PM Modi Gujarat Visit: વડાપ્રધાન નરેન્દ્રભાઈ મોદી (PM Modi) આગામી 31 માર્ચ, 2026ના રોજ ગુજરાત (Gujarat) ની મુલાકાતે આવી રહ્યા છે. આ પ્રવાસ દરમિયાન તેઓ વાવ-થરાદ (Vav-Tharad) ખાતેથી રાજ્યને ₹19,806.9 કરોડના વિકાસકાર્યોની ભેટ આપશે. આ કાર્યક્રમમાં ભારત સરકાર અને ગુજરાત સરકારના વિવિધ મંત્રાલયોના પ્રકલ્પોનું લોકાર્પણ અને ખાતમુહૂર્ત કરવામાં આવશે. આ પ્રસંગે ગુજરાતના મુખ્યમંત્રી ભૂપેન્દ્રભાઈ પટેલ (CM Bhupendrabhai Patel) અને નાયબ મુખ્યમંત્રી હર્ષભાઈ સંઘવી (DyCM Harsh Sanghavi) સહિતના મહાનુભાવો ઉપસ્થિત રહેશે.

PM Modi ના હસ્તે થશે વિવિધ કામોનું લાકાર્પણ-ખાતમુહૂર્ત

ભારત સરકારના ઊર્જા, માર્ગ-પરિવહન અને રેલવે મંત્રાલય હેઠળ કુલ ₹10,921 કરોડના કામોનું આયોજન કરવામાં આવ્યું છે. જેમાં ખાસ કરીને કચ્છના ખાવડા ખાતે વિશ્વના સૌથી મોટા હાઇબ્રિડ રિન્યુએબલ એનર્જી પાર્ક માટે ₹3,645 કરોડના ખર્ચે તૈયાર થયેલા 3 પ્રોજેક્ટ્સનું લોકાર્પણ કરવામાં આવશે. આ પ્રોજેક્ટ્સ ગ્રીન એનર્જીને નેશનલ ગ્રીડ સાથે જોડવામાં મહત્વની ભૂમિકા ભજવશે. પરિવહન ક્ષેત્રે, અમદાવાદ-ધોલેરા એક્સપ્રેસવેના ચાર પેકેજનું લોકાર્પણ થશે, જેની કુલ કિંમત ₹5,105 કરોડ છે. આ સાથે ઇડર-બડોલી બાયપાસ અને ધોળાવીરા-સાંતલપુર સેક્શનનું ખાતમુહૂર્ત પણ કરવામાં આવશે. રેલવે ક્ષેત્રે હિંમતનગર-ખેડબ્રહ્મા બ્રોડગેજ લાઇન અને રાજકોટ-કાનાલુસ ડબલિંગ પ્રોજેક્ટ હેઠળ જામનગર લાઇનનું લોકાર્પણ થશે.

PM Modi Gujarat Visit : આવતીકાલે વડાપ્રધાન મોદી ગુજરાતની મુલાકાતે | Gujarat First
ગાંધીનગર, અમદાવાદ, વાવ-થરાદ જિલ્લાની મુલાકાતે
સવારે 10 વાગ્યે ગાંધીનગરના કોબા પહોંચશે વડાપ્રધાન
કોબા તીર્થ ખાતે 'સમ્રાટ સંપ્રતિ સંગ્રહાલય'નું કરશે ઉદ્ધાટન
12.45 વાગ્યે સાણંદમાં 'કેન્સ સેમિકોન… pic.twitter.com/5BGx8KnJQF
— Gujarat First (@GujaratFirst) March 30, 2026

ગુજરાત સરકારના ₹8,886 કરોડના વિકાસકાર્યો

રાજ્ય સરકારના વિવિધ વિભાગો હેઠળ પણ કરોડોના વિકાસકાર્યો આકાર લેશે. જેમાં શહેરી વિકાસ વિભાગ હેઠળ સૌથી વધુ ₹5,295.5 કરોડના પ્રોજેક્ટ્સનો સમાવેશ થાય છે. અમદાવાદમાં ખારીકટ કેનાલનો વિકાસ, BRTS અને AMTS સેવાનું આધુનિકીકરણ તથા સુભાષબ્રિજના સ્થાને નવા ફોર લેન બ્રિજનું નિર્માણ જેવા મહત્વના કામો હાથ ધરાશે. ગાંધીનગરમાં ગટર લાઇન નેટવર્ક, પેથાપુર ખાતે સુવેજ ટ્રીટમેન્ટ પ્લાન્ટ અને રાંધેજામાં તળાવોના ઇન્ટરલિંકિંગના કામોનું લોકાર્પણ થશે. આ ઉપરાંત જળ સંસાધન, આરોગ્ય અને પરિવાર કલ્યાણ, અને પ્રવાસન વિભાગના પ્રકલ્પો પણ લોકાર્પિત થશે.

38,000થી વધુ પરિવારોનું ગૃહપ્રવેશ

ગ્રામીણ વિકાસ માટે એક મહત્વના પગલા તરીકે, વડાપ્રધાન પ્રધાનમંત્રી આવાસ યોજના - ગ્રામીણ (PMAY-G) હેઠળ ગુજરાતના 34 જિલ્લાઓના 38,949 આવાસોમાં નાગરિકોનો ગૃહપ્રવેશ કરાવશે. આ પગલાથી રાજ્યના હજારો ગરીબ પરિવારોનું પોતાના ઘરનું સ્વપ્ન સાકાર થશે.

આ પણ વાંચોઃ Ahmedabad: CM ભૂપેન્દ્રભાઈ પટેલે કાર્યકર્તાઓ સાથે ભોજન લીધું, સંગઠન મજબૂત કરવા મંથન

વધુ વાંચો

Tags :