રાહુલ ગાંધી પર પૂનમ માડમનો પલટવાર: "બે રાષ્ટ્રના વડાઓ વિશે નિવેદન અત્યંત નિંદનીય"

રાષ્ટ્રના નેતાને ન છાજે તેવું વર્તન

સાંસદ પૂનમ માડમે જણાવ્યું હતું કે, કોઈ પણ રાષ્ટ્રીય સ્તરના નેતા પાસેથી જવાબદાર અને ગરિમાપૂર્ણ ભાષાની અપેક્ષા રાખવામાં આવતી હોય છે. રાહુલ ગાંધી જે પ્રકારના નિવેદનો આપી રહ્યા છે તે એક જવાબદાર નેતાને ક્યારેય છાજે નહીં. તેમના આ નિવેદનો તેમની છીછરી અને સંકુચિત માનસિકતા દર્શાવે છે. આંતરરાષ્ટ્રીય સંબંધો અને બે દેશોના નેતાઓ સાથે જોડાયેલી બાબતો પર આ રીતે હલકી ટિપ્પણી કરવી દેશની છબીને પણ નુકસાન પહોંચાડે છે.

ભારતીય સંસ્કૃતિ અને પરંપરા વિરુદ્ધ નિવેદન

પૂનમ માડમે ભારપૂર્વક ઉમેર્યું હતું કે ભારતીય સંસ્કૃતિ હંમેશા સૌહાર્દ, સન્માન અને મર્યાદા શીખવે છે. રાહુલ ગાંધીના વાણી-વિલાસથી આપણી ગૌરવશાળી સંસ્કૃતિ અને સંસ્કારોનું અપમાન થાય છે. તેમણે કહ્યું કે લોકશાહીમાં વિપક્ષનો અધિકાર છે કે તે સરકારની નીતિઓનો વિરોધ કરે, પરંતુ તે વિરોધ તથ્યો અને તંદુરસ્ત ચર્ચાના આધારે થવો જોઈએ, નહીં કે વ્યક્તિગત કે નિમ્ન સ્તરના આરોપો લગાવીને.

છીછરી માનસિકતાથી દેશનું રાજકારણ ન થઈ શકે

અંતમાં સાંસદ પૂનમ માડમે જણાવ્યું કે વિપક્ષના વરિષ્ઠ નેતા પાસેથી આવા નિમ્ન સ્તરના રાજકારણ (Low-Level Politics) ની કોઈને આશા નહોતી. માત્ર રાજકીય રોટલા શેકવા માટે રાષ્ટ્રીય હિતો અને ગરિમાને દાવ પર લગાવી શકાય નહીં. તેમણે વિપક્ષને સલાહ આપી હતી કે સંસદ અને જાહેર મંચો પર સકારાત્મક અને વિકાસલક્ષી ચર્ચાઓ દ્વારા વિરોધ નોંધાવવો જોઈએ જેથી દેશના લોકતંત્રની ગરિમા જળવાઈ રહે.

આ પણ વાંચો: PM મોદીનું મોટું નિવેદન: "સોમનાથની ગાથા વિનાશની નહીં, અડગ આસ્થા અને પુનર્નિર્માણની છે!"