Samant Gadhvi Resignation news: AAP છોડ્યા બાદ Samant Gadhvi ભાજપમાં જોડાશે? જાણો અંદરની વાત
- આમ આદમી પાર્ટી (AAP) ને વધુ એક ઝટકો
- AAP નેતા સામંત ગઢવી (Samant Gadhvi) એ આપ્યું રાજીનામું
- સોશિયલ મીડિયામાં પોસ્ટ કરી આપ્યું રાજીનામું
- પાર્ટીના સભ્યપદ અને હોદ્દા પરથી આપ્યું રાજીનામું
Samant Gadhvi Resignation news: ગુજરાતમાં આમ આદમી પાર્ટી (AAP Gujarat) માટે મુશ્કેલીઓનો દોર યથાવત હોય તેમ લાગી રહ્યું છે. તાજેતરમાં જ પક્ષના એક જાણીતા ચહેરા અને સક્રિય નેતા સામંત ગઢવી (Samant Gadhvi) એ આમ આદમી પાર્ટીમાં (AAP)થી રાજીનામું આપીને રાજકીય વર્તુળોમાં ચર્ચા જગાવી છે. આ સાથે જ પક્ષની આંતરિક સ્થિતિ અને નેતૃત્વ અંગે પણ અનેક તર્ક-વિતર્ક શરૂ થયા છે.
Samant Gadhvi એ આપ્યું રાજીનામું
સામંત ગઢવીએ પોતાની સત્તાવાર સોશિયલ મીડિયા પોસ્ટ દ્વારા પક્ષ છોડવાનો નિર્ણય જાહેર કર્યો છે. તેમણે તારીખ 23-05-2026 ના રોજથી આમ આદમી પાર્ટી સાથેની પોતાની સફર પૂર્ણ કરી હોવાનું સ્પષ્ટ કર્યું છે. આ પોસ્ટમાં તેમણે પક્ષના સભ્યપદ, તમામ હોદ્દાઓ અને મળેલી જવાબદારીઓમાંથી મુક્ત થવાની જાહેરાત કરી છે.
સાથીદારોનો માન્યો આભાર
પોતાના રાજીનામાની જાહેરાત સાથે તેમણે એક ભાવુક સંદેશ પણ આપ્યો છે. તેમણે લખ્યું છે કે, પક્ષમાં રહેલા તમામ સાથીઓએ જે સાથ અને સહકાર આપ્યો છે, તે બદલ તેઓ તમામનો હૃદયપૂર્વક આભાર વ્યક્ત કરે છે. આ ઉપરાંત, કાર્યકાળ દરમિયાન જાણીતા કે અજાણતા કોઈ ભૂલ થઈ હોય તો તે બદલ તેમણે સૌની ક્ષમા પણ માંગી છે. તેમણે સ્પષ્ટતા કરી છે કે પક્ષ છોડ્યા બાદ પણ વ્યક્તિગત સંબંધો અને મિત્રતા હંમેશા ગૌરવભેર જળવાઈ રહેશે.
સામાજિક ક્ષેત્રે 'ક્રાંતિ' લાવવાનો સંકલ્પ
રાજકીય પક્ષ છોડ્યા બાદ સામંત ગઢવીએ પોતાની ભવિષ્યની દિશા વિશે પણ સંકેત આપ્યા છે. તેમણે જણાવ્યું હતું કે, અત્યાર સુધી રાજકીય ક્ષેત્રમાં જે સમય ફાળવવામાં આવતો હતો, તે હવે બચશે. આ સમયનો ઉપયોગ તેઓ ઈશ્વરની કૃપા અને પોતાની શક્તિ મુજબ સામાજિક ક્ષેત્રમાં "ક્રાંતિ લાવવા" માટે કરશે અને જરૂરિયાત મુજબ સમાજને યોગદાન આપશે.
— Samat Gadhavi Official (@AngelAcademy1) May 23, 2026
શું હવે સામંત ગઢવી ભાજપમાં જોડાશે?
આમ આદમી પાર્ટીના નેતા દ્વારા રાજીનામું આપવાની આ ઘટના બાદ આગામી સમયમાં પક્ષ પર શું અસર પડશે અને સામંત ગઢવીનું આગામી સામાજિક કે રાજકીય પગલું શું હશે, તે જોવું રસપ્રદ રહેશે.
ગુજરાત આમ આદમી પાર્ટી માટે મુશ્કેલીઓનો દોર યથાવત હોય તેમ લાગી રહ્યું છે.
રાજ્યમાં પક્ષના એક જાણીતા ચહેરા અને નેતા સામંત ગઢવીએ પક્ષમાંથી રાજીનામું આપીને પાર્ટીની આંતરિક સ્થિતિ પર સવાલો ઉભા કરી દીધા છે.@AAPGujarat #Gujarat #AAP #SamantGadhvi #Resignation #GujaratPolitics… pic.twitter.com/g5TG7bwmwO— Gujarat First (@GujaratFirst) May 23, 2026
આ પણ વાંચો: Gujarat News Today: આજે 24 મે 2026 ના દિવસે શું થશે ગુજરાતમાં?