• Shramyogi Kalyan : ગુજરાત સરકારની અંત્યેષ્ઠિ સહાય યોજના (Antyesti Sahay Yojana) વિશે સંપૂર્ણ માહિતી મેળવો. અસંગઠિત શ્રમયોગીઓના વારસદારોને મળતી રૂ.10000 ની સહાય અને અરજી પ્રક્રિયા વિષે જાણો 

Shramyogi Kalyan: ગુજરાત સરકાર(Government of Gujarat) રાજ્યના અસંગઠિત ક્ષેત્રના શ્રમયોગીઓના સામાજિક અને આર્થિક ઉત્થાન માટે કટિબદ્ધ છે. મુખ્યમંત્રી  ભૂપેન્દ્ર પટેલ (CM Bhupendra Patel)ના માર્ગદર્શન અને શ્રમ-રોજગાર મંત્રી  કુંવરજીભાઈ બાવાળીયા(Kunwarjibhai Bawaliya)ના નેતૃત્વ હેઠળ, શ્રમયોગીઓના પરિવાર પર આવી પડતી આકસ્મિક દુઃખદ ઘટનાઓ સમયે સરકાર તેમની પડખે ઊભી રહી છે. અસંગઠિત ક્ષેત્રના શ્રમયોગીઓના અવસાન બાદ તેમની અંત્યેષ્ઠિ ક્રિયા માટે આર્થિક સહાય આપવાના ઉદ્દેશ્યથી વર્ષ 2011 માં શરૂ કરવામાં આવેલી 'અંત્યેષ્ઠિ સહાય યોજના' (Antyesti Sahay Yojana) શ્રમયોગી પરિવારો માટે ખૂબ જ ઉપયોગી સાબિત થઈ છે.

Shramyogi Kalyan: સરકાર અસંગઠિત ક્ષેત્રના શ્રમયોગીઓના સામાજિક અને આર્થિક ઉત્થાન માટે કટિબદ્ધ

વર્તમાન વર્ષની સિદ્ધિ

• ચૂકવાયેલી સહાય: ચાલુ નાણાકીય વર્ષ 2025-26 માં રાજ્ય સરકાર દ્વારા રેકોર્ડબ્રેક રૂ. 7.14 કરોડથી વધુની સહાય ચૂકવવામાં આવી છે.

  Advertisement

• લાભાર્થીઓ: કુલ 7145  વારસદારો આ સહાયનો લાભ મેળવી ચૂક્યા છે, જે અત્યાર સુધીનો સૌથી મોટો આંકડો છે.

દિશા-સૂચક આંકડા (છેલ્લા 10 વર્ષ)

• છેલ્લા ૧૦ વર્ષમાં કુલ 26657 વારસદારોને આ યોજના હેઠળ લાભ આપવામાં આવ્યો છે.

• આ સમયગાળા દરમિયાન કુલ રૂ. 13.73 કરોડથી વધુની સહાય ચૂકવવામાં આવી છે.

Shramyogi Kalyan: યોજનાની પાત્રતા અને સહાયની રકમ

• સહાયની રકમ: અગાઉ આ યોજના હેઠળ રૂ. 5000 ની સહાય મળવાપાત્ર હતી, જે વધારીને રૂ. 10000 કરવામાં આવી છે.

• પાત્રતાના ધોરણો:

  • મૃતક શ્રમયોગી અસંગઠિત ક્ષેત્રના ઈ-શ્રમ કાર્ડ ધારક હોવા જોઈએ.

  • મૃત્યુ સમયે શ્રમયોગીની ઉંમર 16 થી 70 વર્ષની વચ્ચે હોવી જોઈએ.

  • વારસદારની વાર્ષિક આવક ગ્રામીણ વિસ્તાર માટે રૂ. 1.20 લાખ અને શહેરી વિસ્તાર માટે રૂ. 1.50 લાખ સુધીની હોવી જોઈએ.

• સમયમર્યાદા: શ્રમયોગીના અવસાનની તારીખથી ૩ માસની સમયમર્યાદામાં અરજી કરવાની રહેશે.

• ફોર્મ અને દસ્તાવેજો: અરજદારે 'પરિશિષ્ટ-૧' મુજબના નિયત નમૂનામાં અરજી કરવાની રહેશે. ફોર્મ અને ઠરાવની નકલ ગુજરાત ગ્રામ શ્રમયોગી કલ્યાણ બોર્ડની સત્તાવાર વેબસાઈટ https://grwwb.gujarat.gov.in/  પરથી ડાઉનલોડ કરી શકાશે.

• જ્યાં અરજી જમા કરાવવી: મદદનીશ સરકારી શ્રમ અધિકારી, સરકારી શ્રમ અધિકારી, મદદનીશ શ્રમ આયુક્ત અથવા નાયબ શ્રમ આયુક્તની કચેરી ખાતે અરજી આપવાની રહેશે.

અન્ય મહત્વની જોગવાઈઓ

• આ યોજનાનો લાભ બાંધકામ શ્રમયોગીઓ, ઈ-નિર્માણ કાર્ડ ધારકો કે અનુસૂચિત જાતિના વ્યક્તિઓને મળવાપાત્ર નથી.

• અન્ય યોજનાઓ: * અનુસૂચિત જાતિના શ્રમયોગીઓ માટે સામાજિક ન્યાય અને અધિકારીતા વિભાગ દ્વારા "સત્યવાદી રાજા હરિશચંદ્ર મરણોત્તર સહાય યોજના" અમલમાં છે.

  • ઈ-નિર્માણ કાર્ડ ધારકો માટે ગુજરાત મકાન અને અન્ય બાંધકામ શ્રમયોગી કલ્યાણ બોર્ડની યોજનાઓ કાર્યરત છે.

શ્રમયોગી કલ્યાણની સફળતા

ગુજરાત સરકાર દ્વારા શ્રમયોગીઓની આર્થિક સુરક્ષા અને કલ્યાણ માટેના સતત પ્રયાસો ખૂબ જ પ્રશંસનીય છે. 'અંત્યેષ્ઠિ સહાય યોજના' જેવી લોકકલ્યાણકારી યોજનાઓ માત્ર નાણાકીય સહાય પૂરી પાડવા પૂરતી સીમિત નથી, પરંતુ તે દુઃખદ પરિસ્થિતિમાં શ્રમયોગી પરિવારોને સામાજિક સુરક્ષા અને હૂંફ પ્રદાન કરે છે. ચાલુ વર્ષે 7145 વારસદારો સુધી રૂ. 7.41 કરોડ પહોંચાડવાની આ સિદ્ધિ સરકારની સંવેદનશીલતા અને શ્રમયોગીઓના ઉત્થાન પ્રત્યેની તેમની કટિબદ્ધતાને સ્પષ્ટ કરે છે.

આ [અન વાંચો : ગુજરાત ફર્સ્ટના અહેવાલની ધારદાર અસર, Rajkot Civil Hospital માં સફાઈ કર્મચારીઓની હડતાળ સમેટાઈ