સ્ટાર્ટ-અપ્સ અને MSME માટે ખુલશે પ્રગતિના નવા દ્વાર

ખોરજ ખાતે આકાર પામનારા આ ખાસ સ્પેસ પાર્કમાં ઇન્ટરનેશનલ સ્ટાન્ડર્ડની અત્યાધુનિક ટેસ્ટિંગ ફેસિલીટી (Testing Facility) નું નિર્માણ કરવામાં આવશે. આ કોમન ટેકનિકલ ફેસિલીટીનો સીધો ઉપયોગ સ્પેસ સેક્ટરમાં કામ કરતા નવા સ્ટાર્ટ-અપ્સ (Startups) અને એમએસએમઈ (MSME) ઉદ્યોગો ખૂબ જ આર્થિક રાહત સાથે કરી શકશે. અવકાશ વિજ્ઞાન માટે સૌથી મહત્વપૂર્ણ ગણાતી સુવિધાઓ જેવી કે હાઈ-ટેક ક્લીન રૂમ, થર્મો વેક્યુમ ચેમ્બર અને મેગ્નેટિક ફિલ્ડ ઈન્ફ્રાસ્ટ્રક્ચરનો આ વૈશ્વિક કક્ષાના પ્રોજેક્ટમાં વિશેષ સમાવેશ કરવામાં આવ્યો છે.

કરોડોના ખર્ચે ખોરજમાં આકાર પામશે સ્પેસ પ્રોજેક્ટ

આ પ્રોજેક્ટના આર્થિક અને ભૌગોલિક પાસાં પર નજર કરીએ તો, ગુજરાત સરકારે આ કોમન ફેસિલીટીના નિર્માણ માટે શરૂઆતમાં 50 એકર જેટલી કિંમતી જમીન ફાળવી દીધી છે, જેને ભવિષ્યના વિસ્તરણને ધ્યાનમાં રાખીને 100 એકર સુધી લંબાવવામાં આવશે. આ પાર્કના ઇન્ફ્રાસ્ટ્રક્ચર માટે ઇન-સ્પેસ (IN-SPACe) સંસ્થા દ્વારા ટેકનિકલ સપોર્ટ આપવાની સાથે Rs 100 કરોડનું આર્થિક યોગદાન આપવામાં આવશે, જ્યારે પ્રોજેક્ટ પાછળ થનારો બાકીનો તમામ મોટો ખર્ચ ગુજરાત સરકાર પોતાના બજેટમાંથી વહન કરશે.

આ સ્પેસ પાર્ક આઈટી (IT) અને એરોસ્પેસ એન્જિનિયરિંગના ક્ષેત્રમાં સ્થાનિક સ્તરે હજારો યુવાનો માટે હાઈ-સ્કિલ રોજગારીની નવી તકો ઉભી કરશે. મુખ્યમંત્રી અને ઉદ્યોગ મંત્રીના સીધા માર્ગદર્શન હેઠળ આ પ્રોજેક્ટને સમયમર્યાદામાં પૂર્ણ કરવા માટે વહીવટી તંત્ર સજ્જ બન્યું છે.

આ પણ વાંચો: Government Zero Tolerance Policy: હવે લાયસન્સ રદ નહીં, સીધી થશે FIR, કૃષિ મંત્રી જીતુભાઈ વાઘાણી