Sujalam Sufalam Jal Abhiyan:ચોમાસા પહેલા જળ ક્રાંતિની તૈયારી
Sujalam Sufalam Jal Abhiyan : ગુજરાત રાજ્ય હંમેશા જળ વ્યવસ્થાપન(Water management) અને પર્યાવરણ જાળવણીમાં દેશભરમાં અગ્રેસર રહ્યું છે. વધતા જતા ઉનાળા અને પાણીની અછતનો સામનો કરવા માટે રાજ્ય સરકાર દ્વારા દર વર્ષે ચોમાસા પૂર્વે જળ સંગ્રહની ક્ષમતા વધારવા માટે વિશેષ અભિયાન ચલાવવામાં આવે છે. આ વર્ષે પણ મુખ્યમંત્રી ભૂપેન્દ્રભાઈ પટેલ(CM Bhupendra Patel)ના નેતૃત્વમાં અને વડાપ્રધાન નરેન્દ્રભાઈ મોદી(PM Narendra Modi)ના વિઝન મુજબ, રાજ્યભરમાં "સુજલામ સુફલામ જળ અભિયાન"Sujalam Sufalam Jal Abhiyan હાથ ધરવાનો મહત્વનો નિર્ણય લેવામાં આવ્યો છે. આ અભિયાનનો હેતુ રાજ્યમાં ભૂગર્ભ જળ સ્તર ઉંચા લાવવા અને વરસાદી પાણીનો મહત્તમ સંગ્રહ કરવાનો છે.
Sujalam Sufalam Jal Abhiyan : અભિયાનનો વહેલો પ્રારંભ: ૨૧ ફેબ્રુઆરીથી થશે શ્રીગણેશ
રાજ્ય મંત્રીમંડળની તાજેતરની બેઠક બાદ વિગતો આપતા પ્રવક્તા મંત્રી શ્રી જીતુભાઈ વાઘાણીએ જણાવ્યું હતું કે, ચાલુ વર્ષે ચોમાસા પૂર્વે જળ સંચયના કામો ઝડપથી પૂર્ણ થાય તે હેતુથી આ અભિયાન ફેબ્રુઆરી માસથી જ શરૂ કરવામાં આવશે. આગામી ૨૧ ફેબ્રુઆરીથી રાજ્યભરમાં આ જળ અભિયાનનો વિધિવત પ્રારંભ થશે.
વહેલી શરૂઆત પાછળના મુખ્ય કારણો
મંત્રીશ્રીએ આ વર્ષે અભિયાન વહેલું શરૂ કરવા પાછળ બે મહત્વના કારણો દર્શાવ્યા છે: ૧. મહત્તમ સંગ્રહ: જો વરસાદ વહેલો આવે તો તે પહેલાં તળાવો ઊંડા કરવાની અને ચેકડેમો રિપેર કરવાની કામગીરી પૂર્ણ થઈ જાય, જેથી પાણીનો વધુ સંગ્રહ થઈ શકે. ૨. શ્રમિકોની ઉપલબ્ધતા: ૩ માર્ચના રોજ હોળીનો તહેવાર હોવાથી શ્રમિકો પોતાના વતન જતા હોય છે. કામગીરીમાં કોઈ વિલંબ ન થાય તે માટે આ વર્ષે સમય મર્યાદા વહેલી નક્કી કરવામાં આવી છે.
છેલ્લા ૮ વર્ષની સિદ્ધિઓ પર એક નજર
વર્ષ ૨૦૧૮થી શરૂ થયેલા આ અભિયાનના પરિણામો અત્યંત પ્રોત્સાહક રહ્યા છે. મંત્રીશ્રીએ આંકડાકીય વિગતો આપતા જણાવ્યું કે:
જળ સંગ્રહ: છેલ્લા ૮ વર્ષમાં રાજ્યમાં અંદાજે ૧૩,૯૯૪ મિલિયન ઘનફૂટ પાણીના સંગ્રહની વધારાની ક્ષમતા ઊભી કરવામાં આવી છે.
રોજગારી: આ અભિયાન માત્ર જળ સંગ્રહ જ નહીં, પણ ગ્રામીણ અર્થતંત્ર માટે પણ આશીર્વાદરૂપ બન્યું છે. ૨૬૦ લાખથી વધુ માનવદિનની રોજગારી શ્રમિકોને પૂરી પાડવામાં આવી છે.
સુજલામ સુફલામ જળ અભિયાન એ માત્ર સરકારી કાર્યક્રમ નથી, પરંતુ ગુજરાતના ઉજ્જવળ અને જળ-સમૃદ્ધ ભવિષ્ય માટેનું લોક-અભિયાન છે. તળાવો ઊંડા કરવા, નહેરોની સફાઈ અને જળ સ્ત્રોતોના પુનઃજીવીકરણ દ્વારા રાજ્ય સરકાર ખેડૂતો અને નાગરિકોને પાણીની સુરક્ષા પૂરી પાડવા કટિબદ્ધ છે. ૨૧ ફેબ્રુઆરીથી શરૂ થનાર આ અભિયાન આગામી વર્ષોમાં ગુજરાતને જળ ક્ષેત્રે વધુ 'આત્મનિર્ભર' બનાવશે તેમાં કોઈ શંકા નથી.
આ પણ વાંચો : Gujarat Revenue Department: હવે દસ્તાવેજ દીઠ આટલો લાગશે ચાર્જ?