સુરત પૂર પીડિતો માટે ખુશખબર: સરકારે નુકસાની સહાયનો પરિપત્ર કર્યો જાહેર

અરજી સાથે ફોટો-વીડિયો અને આધાર પુરાવા આપવાના રહેશે

સરકારી પરિપત્ર મુજબ, પૂરના કારણે થયેલા નુકસાનની સહાય મેળવવા માટે અરજદારે નિયત સહાય ફોર્મ સાથે નુકસાની દર્શાવતા ફોટો અથવા વીડિયો પુરાવા તરીકે રજૂ કરવાના રહેશે. તૈયાર કરેલી અરજી સંબંધિત જિલ્લા ઉદ્યોગ કેન્દ્ર (District Industries Centre - DIC) ખાતે મોકલવાની રહેશે. રોકડ સહાય મેળવવા માટે જે તે વિસ્તારના મામલતદાર (Mamlatdar) અથવા મ્યુનિસિપલ કમિશનર (Municipal Commissioner) ને સંબોધીને અરજી કરવાની રહેશે.
જો વેપારી કે ઉદ્યોગકારે લોન લીધી હોય અને વ્યાજ સહાય યોજનાનો લાભ મેળવવો હોય, તો લોન મેળવેલા તમામ જરૂરી પુરાવા અને દસ્તાવેજો રજૂ કરવાના રહેશે.

અરજી કરવા માટે 6 માસની સમયમર્યાદા

ઉદ્યોગ અને ખાણ વિભાગ દ્વારા સ્પષ્ટ કરવામાં આવ્યું છે કે નુકસાની સહાય મેળવવા માટેની અરજી કરવાની સમયમર્યાદા 6 માસની રાખવામાં આવી છે. સમયસર અરજીઓનો નિકાલ કરીને પૂરપીડિત વેપારીઓ અને ઉદ્યોગકારોને ઝડપથી આર્થિક રાહત પહોંચાડવામાં આવે તે માટે તંત્ર દ્વારા કલેક્ટર કચેરી અને જિલ્લા ઉદ્યોગ કેન્દ્રને જરૂરી સૂચનાઓ આપી દેવામાં આવી છે.

આ પણ વાંચો: Surat News: સુરતમાં મેદાને ઉતર્યા મ્યુનિસિપલ કમિશનર, વરસાદી પાણી ભરાતા કરી સ્થળ મુલાકાત