Top News Gujarat : આજે 27 એપ્રિલ 2026 ના દિવસે શું થશે ગુજરાતમાં?
Top News Gujarat : ગુજરાતમાં સ્થાનિક સ્વરાજની ચૂંટણી (Local Body Election) ની પ્રક્રિયાનો મુખ્ય તબક્કો એટલે કે મતદાન રવિવારે સાંજ સુધીમાં પૂર્ણ થયો છે. મતદાન પૂર્ણ થતાની સાથે જ તમામ પોલિંગ બૂથ પરથી ઈવીએમ (EVM) મશીનોને સુરક્ષિત રીતે પેક કરીને પોલીસના ચુસ્ત બંદોબસ્ત વચ્ચે જે-તે તાલુકા અને જિલ્લા મથકોના સ્ટ્રોંગ રૂમ (Strong Room) માં ખસેડવામાં આવ્યા છે. આજેે રાજ્ય ચૂંટણી પંચ (State Election Commission) દ્વારા એક મહત્વની પ્રેસ કોન્ફરન્સ યોજાવાની શક્યતા છે, જેમાં મતદાનની આખરી ટકાવારી અને જિલ્લાવાર વિગતો સત્તાવાર રીતે જાહેર કરવામાં આવશે.
રાજકીય પક્ષોના જીતના દાવા અને આક્ષેપો
મતદાન પૂર્ણ થતાની સાથે જ રાજકીય પક્ષોમાં હલચલ તેજ થઈ ગઈ છે. ભારતીય જનતા પાર્ટી (BJP) એ ગ્રાઉન્ડ રિપોર્ટના આધારે પોતાની ભવ્ય જીતના દાવાઓ કરવાનું શરૂ કર્યું છે. ભાજપના નેતાઓનું કહેવું છે કે વિકાસના કામોને કારણે જનતાએ ફરી તેમના પર ભરોસો મૂક્યો છે. બીજી તરફ, કોંગ્રેસ (Congress) દ્વારા મતદાન દરમિયાન કેટલીક જગ્યાએ ગેરરીતિ થઈ હોવાના આક્ષેપો કરવામાં આવ્યા છે અને વહીવટી તંત્રની ભૂમિકા સામે સવાલો ઉઠાવ્યા છે. બંને પક્ષોના પ્રદેશ પ્રમુખો અને વરિષ્ઠ નેતાઓ આજેે મીડિયા સમક્ષ આવીને ચૂંટણી પ્રક્રિયા અંગે પોતપોતાનો પક્ષ રજૂ કરશે.
ઉમેદવારો હવે રિલેક્સ મોડમાં
છેલ્લા કેટલાય દિવસોથી કાળઝાળ ગરમી (Heatwave) માં દિવસ-રાત પ્રચાર કર્યા બાદ, આજે ઉમેદવારો થોડા રિલેક્સ મોડમાં જોવા મળ્યા હતા. કેટલાક ચર્ચાસ્પદ અને દિગ્ગજ ઉમેદવારો સાથે થયેલી વાતચીતમાં જાણવા મળ્યું કે, તેઓ હવે મતદાનની ટકાવારીના ગણિત માંડી રહ્યા છે. વધેલા કે ઘટેલા મતદાનથી કોને ફાયદો થશે અને કોને નુકસાન, તેની ચર્ચાઓ ચાની કીટલીઓથી લઈને પક્ષની ઓફિસો સુધી ગાજી રહી છે.
28 એપ્રિલે મહા-પરિણામ
વહીવટી તંત્ર હવે આગામી 28 એપ્રિલના રોજ યોજાનાર મતગણતરી (Counting Day) ની તૈયારીઓમાં વ્યસ્ત છે. સ્ટ્રોંગ રૂમની બહાર સ્ટેટ રિઝર્વ પોલીસ (SRP) અને સ્થાનિક પોલીસનો લોખંડી પહેરો ગોઠવી દેવામાં આવ્યો છે. સમગ્ર પરિસર સીસીટીવી (CCTV) કેમેરાની નજર હેઠળ છે. 28મીએ સવારે 8 વાગ્યાથી મતગણતરી શરૂ થશે, જેમાં બપોર સુધીમાં જ ચિત્ર સ્પષ્ટ થઈ જશે કે આગામી પાંચ વર્ષ માટે સત્તાનું સુકાન કોના હાથમાં રહેશે.
આ પણ વાંચો : Aaj Nu Rashifal : જાણો મેષથી મીન રાશિના જાતકોનું આજનું રાશિફળ; કોના પર વરસશે દેવતાઓની કૃપા?