• VGRC 2026 :  South Gujarat : સુરત બનશે ઔદ્યોગિક ક્રાંતિનું કેન્દ્ર: ‘વિકસિત ભારત@2047’ના સંકલ્પ સાથે યોજાશે વાયબ્રન્ટ ગુજરાત રિજનલ કોન્ફરન્સ
• ડાયમંડ સિટીમાં મસાલા ઉદ્યોગ અને MSMEનો મહાકુંભ: VGRC 2026 થી દક્ષિણ ગુજરાતના અર્થતંત્રને મળશે નવી પાંખો

VGRC 2026 : ગુજરાતની વિકાસયાત્રા હવે માત્ર મેટ્રો શહેરો પૂરતી સીમિત રહી નથી, પરંતુ તે છેવાડાના ઉદ્યોગસાહસિક સુધી પહોંચી છે. ‘વાયબ્રન્ટ ગુજરાત’Vibrant Gujaratના વૈશ્વિક મોડલને પ્રાદેશિક સ્તરે લાવીને રાજ્ય સરકારે વિકાસનું વિકેન્દ્રીકરણ કર્યું છે. આ શ્રેણીમાં ઉત્તર ગુજરાત અને સૌરાષ્ટ્ર-કચ્છની ભવ્ય સફળતા બાદ હવે દક્ષિણ ગુજરાતના આર્થિક પાટનગર સુરતમાં ઔદ્યોગિક મહાકુંભનું આયોજન થઈ રહ્યું છે. આ માત્ર એક સરકારી કાર્યક્રમ નથી, પરંતુ દક્ષિણ ગુજરાતના ઉદ્યોગોની અપ્રતિમ ક્ષમતાને વિશ્વ ફલક પર મૂકવાનો એક સુવ્યવસ્થિત પ્રયાસ છે.

VGRC 2026:  સુરત ખાતે VGRC અને VGRE 2026નું આયોજન

ગુજરાત સરકાર દ્વારા વાયબ્રન્ટ ગુજરાત રિજનલ કૉન્ફરન્સની ત્રીજી આવૃત્તિની જાહેરાત કરવામાં આવી છે. ગુજરાત સ્થાપના દિવસના અવસરે, 1 અને 2 મે 2026 દરમિયાન સુરતની ઑરો યુનિવર્સિટી ખાતે આ કોન્ફરન્સ યોજાશે. આ સાથે જ, 1 થી 5 મે 2026 દરમિયાન 12,000 ચોરસ મીટરના વિશાળ વિસ્તારમાં વાયબ્રન્ટ ગુજરાત રિજનલ એક્ઝિબિશન (VGRE) યોજાશે, જે સવારે 10:00 થી સાંજે 6:00 વાગ્યા સુધી મુલાકાતીઓ માટે ખુલ્લું રહેશે.

VGRC 2026 : મુખ્ય આકર્ષણો અને ઉદ્દેશ્યો

• કેન્દ્રીય ક્ષેત્રો: આ કોન્ફરન્સમાં ટેક્સટાઇલ્સ, જેમ્સ એન્ડ જ્વેલરી, એગ્રો એન્ડ ફૂડ પ્રોસેસિંગ, કેમિકલ્સ અને ટુરિઝમ જેવા હાઈ-ગ્રોથ સેક્ટર્સ પર વિશેષ ધ્યાન આપવામાં આવશે.

  Advertisement

• MSME અને સ્ટાર્ટઅપને વેગ: પ્રદર્શનમાં MSME, સ્ટાર્ટઅપ્સ અને સ્થાનિક ઉદ્યોગસાહસિકોને એક મોટું પ્લેટફોર્મ મળશે. અહીં યોજાનાર 'રિવર્સ બાયર-સેલર મીટ' અને 'વેન્ડર ડેવલપમેન્ટ પ્રોગ્રામ' સ્થાનિક ઉત્પાદનોને નવા બજારો સાથે જોડશે.

• ઐતિહાસિક પરિપ્રેક્ષ્ય: અગાઉ મહેસાણામાં 80,000 થી વધુ મુલાકાતીઓ અને રાજકોટમાં 450 થી વધુ પ્રદર્શકોની સહભાગીદારી સાથે આ મોડેલ પોતાની સફળતા સાબિત કરી ચૂક્યું છે.

મુલાકાતીઓ આ કાર્યક્રમ માટે vibrantgujarat.com/registration પર નોંધણી કરાવી શકે છે.

ગુજરાતની અસ્મિતા અને વિકાસનું નવું પ્રકરણ

1 મે - ગુજરાત સ્થાપના દિવસ એટલે આપણી અસ્મિતાનો ઉત્સવ. આ ઐતિહાસિક દિવસે સુરતમાં યોજાનારી આ કોન્ફરન્સ

રાજ્ય ના ઔદ્યોગિક અને સામાજિક માળખાને વધુ સુદ્રઢ બનાવશે. “વિક્સિત ભારત@2047” Viksit Bharat@2047 ના વિઝનને સાકાર કરવા માટે પ્રાદેશિક વિકાસ જ અનિવાર્ય શરત છે.

સુરતની આ કોન્ફરન્સ માત્ર રોકાણો જ નહીં લાવે, પણ દક્ષિણ ગુજરાતના નાના કારીગરો અને ઉદ્યોગસાહસિકોમાં એક નવો આત્મવિશ્વાસ ફૂંકશે. જ્યારે સ્થાનિક હસ્તકલા અને આધુનિક ટેકનોલોજીનો સંગમ થશે, ત્યારે ગુજરાતની આ વિકાસગાથા ખરા અર્થમાં વૈશ્વિક બનશે.

આ પણ વાંચો AAP Gujarat માં ભડકો! રાજુ કરપડા બાદ વધુ એક ખેડૂત નેતા Sagar Rabari નું રાજીનામું