Viksit Gujarat 2047 : મુખ્યમંત્રી ભૂપેન્દ્ર પટેલે (CM Bhupendra Patel) 'વિકસિત ગુજરાત 2047' ના વિઝન હેઠળ સુરત ઈકોનોમિક રિજિયન (SER) માટે 1185 કરોડ રૂપિયાના રોડ ઇન્ફ્રાસ્ટ્રક્ચર પ્રોજેક્ટ્સને મંજૂરી આપી છે. જાણો કેવી રીતે આ 383 કિમીના 24 કામો દક્ષિણ ગુજરાતના ઉદ્યોગો, કૃષિ અને પ્રવાસનને વેગ આપશે 

વડાપ્રધાન નરેન્દ્રભાઈ મોદી(PM Narendra Modi)ના “અમૃતકાલ” વિઝન અને “વિકસિત ભારત 2047” ના સંકલ્પને સાકાર કરવા ગુજરાત સરકારે એક ઐતિહાસિક વ્યૂહરચના અમલી બનાવી છે. મુખ્યમંત્રી  ભૂપેન્દ્ર પટેલે ગુજરાત રાજ્ય ઈન્સ્ટિટ્યુશન ફોર ટ્રાન્સફોર્મેશન (GRIT) દ્વારા ઓળખાયેલા 6 ગ્રોથ હબ પૈકીના અગ્રણી એવા સુરત ઈકોનોમિક રિજિયન (SER) ના રોડ ઇન્ફ્રાસ્ટ્રક્ચર અપગ્રેડેશન માટે 1185 કરોડ ના વિકાસકામોને મંજૂરી આપી છે. આ પગલું દક્ષિણ ગુજરાતને વૈશ્વિક કક્ષાનું લોજિસ્ટિક્સ હબ બનાવી રાજ્યની અર્થવ્યવસ્થાને 3.5 ટ્રિલિયન ડોલર સુધી લઈ જવાના લક્ષ્યમાં પાયારૂપ બનશે.

Viksit Gujarat 2047-પ્રોજેક્ટની રૂપરેખા અને વ્યૂહાત્મક અમલીકરણ

મુખ્યમંત્રીશ્રીના માર્ગદર્શન હેઠળ તૈયાર કરાયેલા રિજનલ ઈકોનોમિક માસ્ટર પ્લાન -Regional Economic Master Plan મુજબ, આ પ્રોજેક્ટ માત્ર માર્ગ નિર્માણ નથી પરંતુ પ્રદેશની આર્થિક ભૂમિતિ બદલવાનું આયોજન છે:

• કુલ વ્યાપ: 5 જિલ્લાઓમાં ફેલાયેલા 383 કિલોમીટર લંબાઈના કુલ 24 મુખ્ય રોડ પ્રોજેક્ટ્સ.

• મુખ્ય જિલ્લાઓ: સુરત, ભરૂચ, નવસારી, વલસાડ, તાપી અને ડાંગ.

• આર્થિક પ્રભાવ: આ પ્રદેશ હાલમાં જ રાજ્યના કુલ GSDP માં 35% થી વધુ ફાળો આપે છે, જેને આ પ્રોજેક્ટ્સ દ્વારા નવી ઊંચાઈ મળશે.

Viksit Gujarat 2047 : મુખ્ય ૨૪ કામો

મુખ્ય ૨૪ કામો અને વિસ્તરણ પામનાર માર્ગોની યાદીઆ 1185 કરોડ રૂપિયાના રોકાણ હેઠળ નીચે મુજબના મહત્વના રૂટ અને સેક્શનનું આધુનિકીકરણ હાથ ધરાશે:

૧. ઔદ્યોગિક અને પોર્ટ કનેક્ટિવિટી (સુરત - ભરૂચ)

• હજીરા પોર્ટ લિંક: હજીરા ઇન્ડસ્ટ્રીયલ બેલ્ટને જોડતા મુખ્ય માર્ગોનું ફોર-લેનિંગ કરવામાં આવશે.

• સુરત-ઓલપાડ-અંકલેશ્વર રોડ: ટેક્સટાઇલ અને કેમિકલ હબ વચ્ચે ટ્રાફિકનું ભારણ ઘટાડવા વ્યૂહાત્મક અપગ્રેડેશન.

• સાયણ-કિમ-કોસંબા સેક્શન: જી.આઇ.ડી.સી. વિસ્તારો અને સુગર ફેક્ટરીઓ માટે લોજિસ્ટિક્સ સુવિધા મજબૂત કરાશે.

૨. એગ્રી-ટુરીઝમ અને ટ્રાઇબલ બેલ્ટ (નવસારી - વલસાડ - તાપી)

• બીલીમોરા-ચીખલી-વાંસદા રોડ: દક્ષિણ ગુજરાતના કૃષિ પરિવહન અને પ્રવાસન માટે આ માર્ગનું વિસ્તરણ.

• વલસાડ-ધરમપુર-કપરાડા રોડ: પહાડી વિસ્તારો અને આંતરરાજ્ય સીમા પર પરિવહન સરળ બનાવવા માટેનું કામ.

• વ્યારા-ઉચ્છલ-નિઝર: તાપી જિલ્લાના ખેત ઉત્પાદનોને માર્કેટ યાર્ડ સુધી પહોંચાડવા કનેક્ટિવિટી સુધારાશે.

૩. પ્રવાસન અને હેરિટેજ કોરિડોર (ડાંગ - નવસારી)

• વધઈ-સાપુતારા લિંક રોડ: સાપુતારા અને ઇકો-ટુરીઝમ સ્થળોએ પ્રવાસીઓની અવરજવર માટે ઘાટ સેક્શનનું સુધારણા કાર્ય.

• સંજાણ-ઉદવાડા કોરિડોર: પારસી હેરિટેજ અને ધાર્મિક સ્થળોને જોડતા માર્ગોનું સુદ્રઢીકરણ.

બહુઆયામી અસરો: 'અર્નિંગ વેલ - લિવિંગ વેલ'

મુખ્યમંત્રી  ભૂપેન્દ્ર પટેલે “જે કહેવું તે કરવું” ના મંત્રને સાર્થક કરતા આ પ્રોજેક્ટ્સને તાત્કાલિક મંજૂરી આપી છે. SER હવે રાજ્યના આર્થિક વિકાસના 'સ્ટ્રેટેજિક ગ્રોથ એન્જિન' 'Strategic Growth Engine' તરીકે ઉભરી આવશે, જે ભારતને 2047 સુધીમાં વિકસિત રાષ્ટ્ર બનાવવાની દિશામાં ગુજરાતનું સૌથી મોટું યોગદાન હશે.