ગાંધીનગરમાં પાણી પુરીની લારી ચલાવનાર આ વૃદ્ધ દપત્તિની કહાની સાંભળી ચોંકી જશો

જીવનની આ ઢળતી ઉંમરે વૃદ્ધ દંપત્તિએ ઘરે બેસવાને બદલે દિકરાને આર્થિક મદદરૂપ થવાનું વિચાર્યું. બસ પછી વિચાર આવ્યો પાણી પુરી વેચવાનો અને ધંધો શરૂ કરી દીધો. છેલ્લા 40 વર્ષથી ગાંધીનગરમાં રહેતા હેમુભાઇ વ્યવસાયે કોન્ટ્રાક્ટર પણ આંખની તકલીફને કારણે હાલ તેઓ પત્નીને આ રીતે સહાયરૂપ થઇને દિવસ પસાર કરે છે. લોકોને પણ દાદા-દાદીની પાણીપુરી એટલી પ્રિય છે કે સોશિયલ મીડિયામાં આ વૃદ્ધ દંપત્તિની બોલબાલા છે. ગાંધીનગર સેક્ટર 2 ખાતે બપોરે 1થી રાતે 9 વાગ્યા સુધી તેઓ પાણીપુરી વેચે છે. માથે ભલે ધોળા વાળ આવી ગયા હોય પરંતુ પેટનો ખાડો પુરવા કોઇપણ કામ નાનુ નથી હોતુ. લોકો સ્વાદિષ્ટ પાણીપુરી ખાવાની સાથે સાથે દાદા-દાદીના સ્વાભિમાન અને આત્મનિર્ભરતાની આ હિંમતભરી સફરને સલામ કરવા માટે પાણી પુરી ખાવા અહીં પહોંચી રહ્યા છે. ત્યારે આટલી ઉંમરે દાદા દાદીની આ હિંમત અને મહેનતને લોકો સો સો સલામ કરી રહે છે. 

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.