Lions on Gir Somnath Highway: ગીર સોમનાથ (Gir Somnath) જિલ્લામાં સતત વરસી રહેલા ધોધમાર વરસાદ (Heavy Rain) વચ્ચે વન્યજીવો વન વિસ્તાર છોડીને માનવ વસ્તી તરફ આવી રહ્યા છે. કોડીનાર (Kodinar) તાલુકાના દેવળી (Devli) ગામે ફોરટ્રેક હાઈવે (Four-lane Highway) પર અચાનક 4 સિંહોનો (Lions) પરિવાર આવી ચડ્યો હતો. ભારે વરસાદની વચ્ચે સિંહ પરિવારે હાઈવે પર શાહી સવારી કરી હતી, જેના કારણે વાહનવ્યવહાર સંપૂર્ણપણે ખોરવાઈ ગયો હતો.
વાહનોના પૈડા થંભી ગયા, વીડિયો વાયરલ
હાઈવે પર અચાનક એશિયાટિક સિંહો (Asiatic Lions) આવી જતાં વાહનચાલકોમાં ભારે કુતૂહલ સાથે ભયનો માહોલ જોવા મળ્યો હતો. સિંહો રસ્તો ઓળંગતા હોવાથી હાઈવે પર વાહનોના પૈડાં થંભી ગયા હતા. કેટલાક સ્થાનિક લોકો અને વાહનચાલકોએ આ અદભુત દ્રશ્યો પોતાના મોબાઈલ કેમેરામાં (Mobile Camera) કેદ કર્યા હતા, જેનો વીડિયો હાલ સોશિયલ મીડિયા પર ભારે વાયરલ (Viral Video) થઈ રહ્યો છે.
તળાજાના મેથળા ગામે સિંહોના આંટાફેરાથી ફફડાટ
બીજી તરફ, ભાવનગર જિલ્લાના તળાજા (Talaja) તાલુકામાં આવેલા મેથળા (Methala) ગામે પણ સિંહોની હાજરી જોવા મળી છે. મેથળા ગામે રાત્રિના સમયે 2 સિંહો અચાનક ગામની અંદર ઘૂસી આવ્યા હતા. રહેણાંક વિસ્તારમાં સિંહોના મુક્તપણે આંટાફેરાના કારણે સ્થાનિક ગ્રામજનોમાં ભારે ફફડાટ અને ભયનો માહોલ વ્યાપી ગયો છે.
વન વિભાગ સતર્ક, સીસીટીવી ફૂટેજ આવ્યા સામે
ગામમાં સિંહ આવ્યા હોવાની પુષ્ટિ રાત્રિના સમયે લેવાયેલા સીસીટીવી ફૂટેજ (CCTV Footage) પરથી થઈ છે. આ ઘટના અંગે વન વિભાગને (Forest Department) જાણ કરાતા જ તંત્ર તુરંત જ એક્શનમાં આવ્યું છે. વન વિભાગની ટીમ (Forest Team) સિંહોના લોકેશન (Location) પર પહોંચીને સતર્ક થઈ ગઈ છે અને વનકર્મીઓ દ્વારા સિંહોની હિલચાલ પર સતત નજર રાખવામાં (Monitoring) આવી રહી છે જેથી કોઈ અનિચ્છનીય ઘટના ન ઘટે.
આ પણ વાંચો: Saputara Landslide: સાપુતારામાં ભારે વરસાદ બાદ લેન્ડસ્લાઇડ, રસ્તો બંધ થતાં તંત્રની અપીલ, મુસાફરી કરતા પહેલાં આ વાંચી લેજો
