રાજ્ય સરકારે ST બસના ભાડામાં કર્યો વધારો,જાણો નવો ભાવ

• ગુજરાત એસટી બસના ભાડામાં વધારો 
• ગુજરાત રાજ્ય માર્ગ વાહન વ્યવહાર દ્વારા કરાયો નિર્ણય
• પ્રતિ કિલોમીટરે બસના ભાડામાં કરાયો વધારો
• ST બસના ભાડામાં 25 ટકાનો વધારો
• લોકલ ST બસનું ભાડું 0.64 થી વધારી 0.80 પૈસા કરાયું
• એક્સપ્રેસ ST બસનું ભાડું 0.68 થી વધારી 0.85 પૈસા કરાયું
• નોન એસી સ્લિપરનું ભાડું 0.62 થી વધારી 0.77 પૈસા કરાયું
• 2014 બાદ પ્રથમવાર ST બસના ભાડામાં કરાયો વધારો

સામાન્ય નાગરિકો માટે એક મહત્વના સમાચાર સામે આવ્યા છે. રાજ્ય સરકારની એસ.ટી નિગમ વિભાગની બસના ભાડામાં 10 વર્ષ પછી વધારો કરવામાં આવ્યો છે. જેમાં 2014 બાદ આજ દિન સુધી વિવિધ કારણોસર કોઈ પણ વધારો કરવામાં આવ્યો ન હતો. જેમાં હવે અંદાજિત 25 ટકા જેટલો વધારો કરવામાં આવ્યો છે. નોંધનીય છે કે, આજે મધરાતથી એસટી બસ ભાડાંનો વધારો લાગુ પડશે.

લોકલ બસમાં પ્રતિ કિલોમીટર 64 પૈસાની જગ્યાએ 80 પૈસા કરવામાં આવ્યા છે. એક્સપ્રેસ બસમાં 68 પૈસાના બદલે 85 પૈસા કરવામાં આવ્યા છે. નોનએસી અને સ્લિપર કોચમાં 62 પૈસાથી વધારીને 77 પૈસા કરવામાં આવ્યા છે.

ભાડા વધારા બાબતે પ્રેસનોટ જાહેર

રાજ્ય સરકારે 10 વર્ષ બાદ ભાડામાં વધારો કરતાં મુસાફરોના ખિસ્સાં ખાલી થાય તેવી શક્યતા છે. સરકાર બચાવ કરી રહી છે કે વર્ષ 2014 બાદ અલગ-અલગ કારણોસર નિગમનું આર્થિક ભારણ ખુબ જ વધ્યું છે. જેને પગલે ગુજરાતમાં પણ બસની ટિકિટના ભાવમાં વધારો કરાયો છે. સરકારે નવા દરો પણ જાહેર કર્યા છે.

ગુજરાતમાં આશરે 10 વર્ષ પછી ભાડામાં વધારો થયો

જો બીજા રાજ્યના ભાડા જોવામાં આવે તો લોકલ બસમાં 1.45 રૂ પ્રતિ કિમી છે, જ્યારે એક્સપ્રેસ બસનું ભાડું 1.45 રૂ.પ્રતિ કિમી છે. તો નોન એસી સ્લીપરનું ભાડું 1.98 રૂ. પ્રતિ કિમી છે. જેની સામે ગુજરાતમાં આશરે 10 વર્ષ પછી ભાડામાં વધારો થયો છે.

આ પણ  વાંચો-પ્રેમ લગ્ન મુદ્દે મુખ્યમંત્રીના નિવેદને નીતિન પટેલે આપ્યું સમર્થન