DRI : મુન્દ્રા બંદરે વિદેશી સિગારેટ ભરેલું કન્ટેનર જપ્ત કરાયું

ડીઆરઆઈએ ઓપરેશન સિગારમાં મુન્દ્રા બંદરે વિદેશી સિગારેટ ભરેલું કન્ટેનર જપ્ત કર્યું છે.

ચોક્કસ બાતમીના આધારે, DRI અમદાવાદના અધિકારીઓએ મુંદ્રા બંદર પર આયાત માલસામાનને અટકાવ્યો હતો.  કન્સાઇનમેન્ટને "ઓટો એર ફ્રેશનર" તરીકે જાહેર કરવામાં આવ્યું હતું અને તેને જેબેલ અલી પોર્ટ પરથી મોકલવામાં આવ્યું હતું.

માલસામાનની વિગતવાર તપાસ દરમિયાન, અધિકારીઓએ નોધ્યુ કે કન્ટેનરમાં પ્રથમ પંક્તિના પેકેજો ઘોષિત માલના હતા એટલે કે "ઓટો એર ફ્રેશનર" હતું જ્યારે તેની પાછળ તમામ પેકેજોમાં વિદેશી મૂળની સિગારેટ "ગોલ્ડ ફ્લેક્સ" હતી.  આમાંની મોટાભાગની વિદેશી મૂળની સિગારેટ પર "મેડ ઈન તુર્કી"ના નિશાન હતા.  જપ્ત કરાયેલી સિગારેટની કિંમત અંદાજે રૂ.  6.5 કરોડ છે.

એવું પણ જોવામાં આવ્યું હતું કે સિગારેટના કેટલાક પેકેટો પર “મેડ ઈન ઈન્ડિયા” લખેલું હતું. જે નકલી હોવાનું જણાઇ રહ્યું છે. આ જપ્તી DRI માટે મોટી સફળતા છે અને ભારતમાં વિદેશી સિગારેટની દાણચોરી પર તેની નોંધપાત્ર અસર પડશે. મામલાની વધુ તપાસ ચાલુ છે.