Maharashtra માં બદલાશે વિકાસની તસવીર, અદાણી ગ્રુપે જાહેર કર્યો મોટો મેગા પ્લાન

₹6 લાખ કરોડથી વધુનું Investment Blueprint

પ્રણવ અદાણીએ જણાવ્યું કે World Economic Forum, Davos અને રાજ્ય સરકાર સાથેની ભાગીદારી દ્વારા અદાણી ગ્રુપે મહારાષ્ટ્ર માટે ₹6 લાખ કરોડથી વધુના રોકાણનું આયોજન કર્યું છે. આ પૈકી આશરે ₹2.6 લાખ કરોડના પ્રોજેક્ટ્સ પૂર્ણ થઈ ચૂક્યા છે અથવા હાલમાં અમલ હેઠળ છે. મહારાષ્ટ્રે 2030 સુધીમાં $1 ટ્રિલિયનની અર્થવ્યવસ્થા બનવાનો લક્ષ્યાંક રાખ્યો છે. આ વિકાસમાં Mumbai Metropolitan Regionની મહત્વપૂર્ણ ભૂમિકા રહેવાની છે.

Aviation અને Power Infrastructure પર ફોકસ

અદાણી ગ્રુપે મુંબઈના Chhatrapati Shivaji Maharaj International Airportના સંચાલન ઉપરાંત Navi Mumbai International Airportના વિકાસનો પણ ઉલ્લેખ કર્યો. કંપનીના જણાવ્યા મુજબ Navi Mumbai Airportને મોટા પાયે પેસેન્જર ક્ષમતા ધરાવતા Aviation Hub તરીકે વિકસાવવામાં આવી રહ્યો છે. મુંબઈમાં Adani Electricity દ્વારા 30 લાખથી વધુ ઘરો અને સંસ્થાઓને વીજળી પૂરી પાડવામાં આવે છે. ગ્રુપે Renewable Energy અને 1,000 MW HVDC Transmission Link સહિતના Power Infrastructure પર પણ ભાર મૂક્યો છે.

Dharavi Redevelopmentથી Mumbai 3.0 પર ભાર

પ્રણવ અદાણીએ Dharavi Redevelopment Projectને પણ મહારાષ્ટ્રના શહેરી પરિવર્તન સાથે જોડ્યો. તેમના જણાવ્યા મુજબ આ પ્રોજેક્ટમાં આધુનિક આવાસ, માળખાકીય સુવિધાઓ અને સ્થાનિક આર્થિક પ્રવૃત્તિઓને ધ્યાનમાં રાખવામાં આવી રહી છે. Invest Maharashtraના લોન્ચ સાથે રાજ્ય સરકારે વિવિધ ક્ષેત્રોમાં ₹8.57 લાખ કરોડના 67 MoUs પણ કર્યા છે, જેનાથી રોકાણ અને રોજગારની નવી તકો ઊભી કરવાની યોજના છે.

આ પણ વાંચો: White Revolution 2.0 : પશુપાલકો માટે ખુશીના સમાચાર, દેશભરમાં ખુલશે 75,000 નવી ડેરીઓ