Ahmedabad News: અમદાવાદ શહેરમાં ચોમાસા દરમિયાન ભૂવા પડવાનો સિલસિલો અટકવાનું નામ નથી લઈ રહ્યો. આજે વહેલી સવારે શહેરના પોશ વિસ્તાર ગણાતા પકવાન ચાર રસ્તા પાસે અચાનક મોટો ભૂવો પડ્યો હતો. રસ્તા વચ્ચે પડેલા આ મસમોટા ભૂવાને કારણે એસ.જી. હાઈવે પર ટ્રાફિકની ગંભીર સમસ્યા સર્જાઈ હતી.
અમદાવાદમાં પકવાન ચાર રસ્તા પાસે મસમોટો ભૂવો પડ્યો
ભૂવાને કારણે આશરે 4 કિલોમીટર સુધી વાહનોની લાંબી કતારો લાગી ગઈ હતી, જેના કારણે છેલ્લા 3 કલાકથી વાહનચાલકો ભારે મુશ્કેલીમાં મુકાયા છે. લોકો ઓફિસ સમય હોવા છતાં ટ્રાફિકમાં અટવાઈ પડ્યા હતા.
કોર્પોરેશન દ્વારા ભૂવામાં કામચલાઉ બુરાણ કરવામાં આવ્યું
ઘટનાની જાણ થતા જ મ્યુનિસિપલ કોર્પોરેશનનું તંત્ર દોડતું થયું હતું અને કામચલાઉ ધોરણે ભૂવામાં બુરાણ (માટી/પથ્થર ભરી) કરીને રસ્તો પૂર્વવત કરવાનો પ્રયાસ હાથ ધર્યો હતો. જોકે, વારંવાર પડતા ભૂવાને લઈને સ્થાનિકોમાં કોર્પોરેશનની કામગીરી સામે રોષ જોવા મળી રહ્યો છે.
ભારે ટ્રાફિકના કારણે વાહન ચાલકો મુશ્કેલીમાં મુકાયા
રાહદારી ધવલભાઈએ જણાવ્યું હતું કે, "ખરેખર આ બહુ મોટી સમસ્યા છે. રોજ સવારે ઓફિસે જવાનું હોય ત્યારે આ ટ્રાફિકમાં અટવાવું પડે છે. કોર્પોરેશન માત્ર કામચલાઉ બુરાણ કરે છે, કાયમી ઉકેલ લાવતું નથી.
આ પણ વાંચો: Gujarat weather forecast: સાવધાન! ગુજરાતના આ જિલ્લાઓમાં ભારે વરસાદની આગાહી, હવામાન વિભાગનું નાઉકાસ્ટ બુલેટિન
