AHMEDABAD PLANE CRASH : 1 વર્ષ પૂર્વે પુત્ર અને હવે માતા-પિતાનું પ્લેન ક્રેશમાં મોત

જલ્દી જવાનું માંડી વાળ્યું

સમગ્ર મામલે પ્રાપ્ત વિગતો અનુસાર, જામનગરના પંચવટી વિસ્તારમાં રહેતા હરિહરભાઇ બક્ષીને પ્રોસ્ટેટનું કેન્સર થતા તેમની લંડનમાં રહેતી પુત્રી નેહલ અને જમાઇ શૈલેષભાઇ પરમાર તેમની ખબર કાઢવા માટે આવ્યા હતા. પુત્રી ગત માસની અંતિમ તારીખે પરત લંડન જવાની હતી. તેમના પતિ શૈલેષભાઇ પરમાર સસરાની ખબર કાઢવા માટે આવ્યા હોવાથી તેમણે જલ્દી જવાનું માંડી વાળ્યું હતું, અને પતિ જોડે જવા માટેની ટિકિટ બુક કરાવી દીધી હતી.

દંપતી પુત્ર ગુમાવ્યાના સદમામાંથી માંડ બહાર આવ્યું હતું

ગુરૂવારે દંપતી એકસાથે અમદાવાદથી લંડન જવા માટે એર ઇન્ડિયાની ફ્લાઇટમાં બેઠા હતા. ફ્લાઇટ ઉડાન ભરતાની સાથે જ ક્રેશ થઇ જતા બંને દંપતીએ જોડે જ અંતિમ શ્વાસ લીધા હતા. બંનેના પ્રેમ લગ્ન થયા હોવાનું જાણવા મળી રહ્યું છે. સુત્રોના જણાવ્યા પ્રમાણે, દંપતીએ એક વર્ષ પહેલા જ પોતાના કોમર્શિયલ પાયલોટ પુત્ર હિતને પ્લેન ક્રેશમાં ગુમાવ્યો હતો. દંપતી પુત્ર ગુમાવ્યાના સદમામાંથી માંડ બહાર આવ્યું હતું. તેવામાં બંને પતિ-પત્ની અનંતની યાત્રાના સફરે જોડે જ નીકળ્યા હતા. નેહલ બેને ફ્લાઇટમાં બેસતા પહેલા સોશિયલ મીડિયામાં એક મેસેજ મુક્યો હતો. જેમાં તેમણે લખ્યું કે, તમારા બધાના પ્રેમ માટે હરિનો ખૂબ આભાર, સાદાય આશીર્વાદ રાખજો અને જલદી પાછા મળીશું. હરિ તમને બધાને ખૂબ ખૂબ ખુશ રાખે.

આ પણ વાંચો --- AHMEDABAD PLANE CRASH : બહેન સાથેનો આખરી સંવાદ યાદ કરીને ભાઇના આંસુ સુકાતા નથી