Ahmedabad Plane Crash : માધાપરના બ્રિટિશ સિટીઝનશીપ ધરાવતા હિરાણી રમેશ હિરજીનું કરુણ મૃત્યુ નીપજ્યું

મૃતક બ્રિટિશ સિટીઝનશીપ ધરાવતા હતા

અમદાવાદમાં ગોઝારા ગુરુવારે ગમખ્વાર વિમાન દુર્ઘટના સર્જાઈ હતી. જેમાં વિમાનમાં સવાર 241 લોકો સહિત કુલ 265 લોકોએ જીવ ખોયો હતો. આ મૃતકોમાં કચ્છના માધાપરના હિરાણી રમેશ હિરજી (Hirani Ramesh Hirji) નું પણ દુઃખદ નિધન થયું હતું. માધાપરના Hirani Ramesh Hirji બ્રિટિશ નાગરિકતા ધરાવતા હતા. તેમના અકાળે નિધનથી સમગ્ર માધાપરમાં શોકની કાલીમા છવાઈ ગઈ છે. હિરાણી રમેશ તેમના અંગત કામે લંડનથી માધાપર આવ્યા હતા.

વિમાન દુર્ઘટનામાં ભુજના માધાપર ગામના યુવાનનું મોત
યુવાનના મોતને પગલે માધાપર ગામમાં શોક છવાયો
હિરાણી રમેશ હિરજી મૂળ બ્રિટિશ સીટીઝન ધરાવે છે
યુવાન પોતાના કામ અર્થે માધાપર આવ્યો હતો
દુર્ઘટનાને લઈ પરિવારજનો લંડનથી અમદાવાદ પહોંચ્યા#gujarat #kutch #MadhaparTragedy… pic.twitter.com/1D5g0aPXxh

— Gujarat First (@GujaratFirst) June 13, 2025

આ પણ વાંચોઃ Ahmedabad Plane Crash : 16મી જૂને પતિના જન્મદિવસની ઉજવણીમાં ભાગ લેવા લંડન જઈ રહી હતી હરપ્રીત કોર

પરિવારજનો લંડનથી અમદાવાદ પહોંચ્યા

12મી જૂને એર ઈન્ડિયાની અમદાવાદથી લંડન જતી A-171 ફ્લાઈટ ટેકઓફ બાદ ગણતરીની સેકન્ડોમાં જ દુર્ઘટનાગ્રસ્ત થઈ હતી. આ ફ્લાઈટમાં સવાર 242 મુસાફરોમાંથી 241ના ઘટનાસ્થળે જ કરુણ મૃત્યુ થયા હતા. આ મૃતક મુસાફરોમાં કચ્છના માધાપરના હિરાણી રમેશ હિરજીનો પણ સમાવેશ થાય છે. હિરાણી રમેશ બ્રિટિશ સિટીઝનશીપ ધરાવતા હતા. હિરાણી રમેશના પરિવારજનો લંડનમાં સ્થાયી થયેલા છે. હિરાણી રમેશના મૃત્યુના સમાચાર મળતાં જ તેમના પરિવારજનો લંડનથી અમદાવાદ આવી પહોંચ્યા છે. Gujarat First ની ટીમ માધાપર પહોંચી હતી. અહીં માધાપરમાં હિરાણી રમેશના અકાળે અવસાનથી શોકની કાલીમા પથરાઈ ગઈ છે. માધાપરના લેઉવા પટેલ સમાજના આગેવાન જયંત માધાપરિયા (Jayant Madhapariya) એ કચ્છના માધાપરના હિરાણી રમેશ હિરજીના કરુણ મૃત્યુ પર શોક વ્યકત કર્યો છે.

આ પણ વાંચોઃ  Ahmedabad Plane Crash : ઈંગ્લેન્ડના 2 મૃતકોએ જૂનાગઢમાં કર્યો હતો યોગાભ્યાસ, સ્થાનિક ટેટૂ આર્ટિસ્ટે આપી શ્રદ્ધાંજલિ