ગોંડલના મેતાખંભાળિયાના સરપંચ સામે એટ્રોસિટીની ફરિયાદ નોંધાઈ

અહેવાલ - વિશ્વાસ ભોજાણી

મેતાખંભાળિયા ગામના સરપચં સામે એટ્રોસિટી એક્ટની ફરિયાદ નોંધાવવામાં આવી છે. કડિયાકામ કરતા દલિત યુવાને સરકાર તરફથી મળતા સહાયના પ્લોટ બાબતે પુછતા સરપંચે ગાળો આપી જ્ઞાતિ અંગે અપમાનજનક શબ્દો કહ્યા હતાં. આ અંગે પોલીસે યુવાનની ફરિયાદ પરથી સરપચં સામે એટ્રોસિટી એકટની કલમ હેઠળ ગુનો નોંધી કાર્યવાહી કરી હતી.

પ્રાપ્ત વિગતો મુબજ, ગોંડલ તાલુકાના મેતાખંભાળિયા ગામે રહેતા અને કડિયાકામ કરનાર ભરત દિનેશભાઇ રાઠોડ (ઉ.વ ૨૮) દ્વારા સુલતાનપુર પોલીસ મથકમાં નોંધાવવામાં આવેલી ફરિયાદમાં આરોપી તરીકે મેતાખંભાળિયા ગામના સરપચં વસતં છગનભાઇ ગોધાણીનું નામ આપ્યું છે. યુવાને પોતાની ફરિયાદમાં જણાવ્યું હતું કે, ગામમાં સરકાર તરફથી મળતા 100 વારના પ્લોટની સહાય લેવા માંગતા હોય જેથી તેમણે આ સરપંચને પ્લોટ સહાયની એકાદ માસ પૂર્વે વાત કરી હતી. જે સાંભળી સરપંચે યુવાનને જ્ઞાતિ અંગે અપમાનજનક શબ્દો કરી અહીંથી જતો રહે તેમ કહી ગાળો બોલી હતી.

સમગ્ર ઘટના બાદ ગત તા.6/10 ના રોજ સરપંચે ફરી ફોન કરી યુવાનને ફોન પર પ્લોટની સહાય બાબતે પુછી ફરી બેફામ ગાળો બોલી હતી. આ અંગે યુવાનની ફરિયાદ પરથી સુલતાનપુર પોલીસ મથકમાં મેતાખંભાળિયાના સરપચં વસતં ગોધાણી સામે આઇપીસીની કલમ ૫૦૪ અને એટ્રોસિટી એકટની કલમ હેઠળ ગુનો નોંધાયો હતો.

ગુજરાત ફર્સ્ટ તમને સમાચારોથી હંમેશા અવગત રાખશે