Anand: પાલિકાએ શહેરના અનેક વિસ્તારોના કાચા પાકા દબાણો દૂર કર્યાં, વેપારીઓમાં મચી દોડદામ
Anand Municipality: આણંદ પાલિકા દ્વારા શહેરના પોસ્ટ ઓફીસ રોડથી ટૂંકી ગલી સુધીના કાચા પાક દબાણોને દૂર કરવામા આવ્યાં હતાં
Advertisement
- દબાણો મામલે અનેક વખત નોટિસો આપવામાં આવી હતી
- પાલિકાએ બિનઅધિકૃત દબાણોને દૂર કરી કાર્યવાહી હાથ ધરી
- દબાણો દૂર કરતા રાહદારીઓએ જાણે રાહતનો શ્વાસ લીધો
Anand: આણંદ પાલિકા દ્વારા શહેરના પોસ્ટ ઓફીસ રોડથી ટૂંકી ગલી સુધીના કાચા પાકા દબાણોને દૂર કરવામા આવ્યાં હતાં. આ કાર્યવાહીમાં પોલીસ બંદોબસ્ત સાથે રાખીને શહેરના મુખ્ય બજારમાં કામગીરી કરવામાં આવી હતી. જેના કારણે વેપારીઓમાં ભાગદોડ મચી ગઈ હતી. આણંદ શહેરમાં છેલ્લા કેટલાય સમયથી વધી જતી ટ્રાફિક અને મુખ્ય બજારના જાહેર રસ્તાઓ પર અનઅધિકૃત રીતે ખડકી દેવાયેલા દબાણો માથાના દુખાવા જેવા બની ગયા હતા. અવારનવાર તંત્રને મૌખિક અને લેખિત રાજીઆતો છતાં ન સુધરતા દબાણકારોને હવે તંત્રના કાગળને બદલે જાણે કે તંત્રનું બુલડોઝર સમજાવી રહ્યું હોય તેવી સ્થિતિ સર્જાઈ રહેલી નજરે પડી રહી છે.