Bhavnagar ACB નો સપાટો, ફાયર ઓફિસર 2 લાખની લાંચ લેતા પકડાયો

• Bhavnagar માં ACBની સફળ ટ્રેપ: ફાયર વિભાગનો અધિકારી લાંચ કેસમાં ઝડપાયો
• ડેપ્યુટી રીજનલ ફાયર ઓફિસર મહેશકુમાર પટેલે માંગી હતી 5 લાખની લાંચ
• ફાયર સેફ્ટી પ્લાન અને સર્ટિફિકેટ મંજૂર કરવાના બદલે કરી હતી માંગણી
• એસીબીએ છટકું ગોઠવી 2 લાખની રોકડ રકમ સાથે વચેટિયાને દબોચ્યો
• મુખ્ય આરોપી અધિકારી મહેશકુમાર પટેલની પોતાની જ કચેરીમાંથી કરાઈ ધરપકડ
• ભ્રષ્ટાચાર વિરોધી વિભાગે લાંચની રકમ કબજે કરી વધુ તપાસનો ધમધમાટ શરૂ કર્યો

Bhavnagar: ભ્રષ્ટાચાર વિરોધી વિભાગ (Anti-Corruption Bureau - ACB) એ ભાવનગરમાં એક મોટી કાર્યવાહી કરી છે. શહેરના ફાયર વિભાગમાં (Fire Department) ફરજ બજાવતા ઉચ્ચ અધિકારી લાંચ લેતા રંગેહાથ ઝડપાતા સરકારી તંત્રમાં ફફડાટ વ્યાપી ગયો છે. ડેપ્યુટી રીજનલ ફાયર ઓફિસર (Deputy Regional Fire Officer) મહેશકુમાર પટેલ સામે લાંચનો ગુનો નોંધી તેમની અટકાયત કરવામાં આવી છે.

Bhavnagar: 5 લાખની માંગી હતી લાંચ

મળતી વિગતો અનુસાર, આ સમગ્ર મામલો ફાયર સેફ્ટી પ્લાન અને સર્ટિફિકેટ એપ્રુવલ (Fire Safety Certificate Approval) સાથે જોડાયેલો છે. એક જાગૃત નાગરિકના કામ માટે આ અધિકારીએ કુલ 5 લાખ રૂપિયાની લાંચની માંગણી કરી હતી. ઘણી રકઝક બાદ, પ્રથમ હપ્તા તરીકે આજે 2 લાખ રૂપિયા આપવાનું નક્કી થયું હતું. જોકે, ફરિયાદી લાંચ આપવા માંગતા ન હોવાથી તેમણે તુરંત જ એસીબીનો સંપર્ક સાધ્યો હતો.

ACB એ છટકુ ગોઠવી કાર્યવાહી કરી

એસીબીની ટીમે આયોજનબદ્ધ રીતે છટકું (ACB Trap) ગોઠવ્યું હતું. આ ટ્રેપ દરમિયાન મહેશકુમાર પટેલ વતી પ્રકાશ ચૌહાણ નામના શખ્સે 2 લાખ રૂપિયાની લાંચ સ્વીકારી હતી. જેવી રકમ સ્વીકારવામાં આવી કે તરત જ એસીબીના જવાનોએ ત્રાટકીને લાંચની રકમ કબજે કરી હતી. મુખ્ય સૂત્રધાર મહેશકુમાર પટેલને તેની કચેરીમાંથી જ કસ્ટડીમાં લેવામાં આવ્યા છે. એસીબીએ હાલમાં ભ્રષ્ટાચાર નિવારણ અધિનિયમ હેઠળ ગુનો નોંધી અધિકારીની મિલકતો અને અન્ય સંડોવણી અંગે તપાસના ચક્રો ગતિમાન કર્યા છે.

આ પણ વાંચો: Gandhinagar: ગિફ્ટ સિટીમાં આકાર પામશે દેશની ખ્યાતનામ લીલાવતી હોસ્પિટલ, જાણો કેવી હશે સુવિધાઓ?