Bhavnagar માં BJP ઉમેદવારોએ મતદારોને રિઝવવા અપનાવ્યો અનોખો અંદાજ

• Bhavnagar ના સ્થાનિક ચૂંટણી પ્રચાર માટે નવા પ્રયોગ
• ભાજપના પ્રચારકોએ વિન્ટેજ કારમાં કર્યો ચૂંટણી પ્રચાર
• ત્રણ ઉમેદવારોએ કર્યો ચૂંટણી માટે પ્રચાર

Bhavnagar BJP: ગુજરાતમાં સ્થાનિક સ્વરાજ્યની ચૂંટણીને હવે ગણતરીના દિવસો જ બાકી રહ્યા છે. ત્યારે રાજકીય પક્ષો ચૂંટણી જીતવા અનેક કીમિયાઓ અપનાવી રહ્યા છે.  ત્યારે ભાવનગરમાં (Bhavnagar) ભાજપના ઉમેદવારોનો અનોખો અંદાજ જોવા મળ્યો છે.  આ વખતે ભાજપ (BJP)  ઉમેદવારો પરંપરાગત પ્રચાર પદ્ધતિને બાજુ પર મૂકીને આકર્ષક અને નવીન પ્રયોગ હાથ ધર્યો છે. આજે જ્યારે શહેરના માર્ગો પર જ્યારે વિન્ટેજ કાર (Vintage Car) અને ઓપન જીપનો કાફલો નીકળ્યો ત્યારે લોકોમાં ભારે કુતૂહલ જોવા મળ્યું હતું.

Bhavnagar BJP: ઓપન જીપ આકર્ષણનું કેન્દ્ર

ચૂંટણી પ્રચારના ભાગરૂપે ભાજપના પ્રચારકોએ આલીશાન વિન્ટેજ કારમાં સવાર થઈને લોકસંપર્ક (Public Contact) કર્યો હતો. ખાસ કરીને વડવા (Vadva) વિસ્તારમાં ભાજપના ત્રણ ઉમેદવારોએ (Candidates) મતદારોને રિઝવવા માટે રસ્તાઓ પર રેલી કાઢી હતી. આ પ્રચારમાં પૂર્વ સ્ટેન્ડિંગ કમિટી ચેરમેન રાજુભાઈ રાબડીયા (Rajubhai Rabadiya) ખાસ ઉપસ્થિત રહ્યા હતા અને કાર્યકરોમાં ઉત્સાહ પૂર્યો હતો. પ્રચારકો ઓપન જીપમાં (Open Jeep) સવાર થઈને હાથ હલાવી મતદારોનું અભિવાદન ઝીલતા નજરે પડ્યા હતા.

ભવ્ય બાઇક રેલીનું આયોજન

કેસરીયો માહોલ બનાવવા માટે ભાજપ દ્વારા એક વિશાળ બાઇક રેલીનું પણ આયોજન કરવામાં આવ્યું હતું. સેંકડો કાર્યકરોએ બાઇક પર સવાર થઈને પક્ષના ઝંડા સાથે સમગ્ર વિસ્તાર ગજવી મૂક્યો હતો. સ્થાનિક નેતાઓનું માનવું છે કે આ પ્રકારના પ્રયોગોથી યુવા મતદારો (Young Voters) અને સ્થાનિક નાગરિકોમાં પક્ષ પ્રત્યે આકર્ષણ વધે છે. સોશિયલ મીડિયાના યુગમાં આ પ્રકારના 'ફોટોજેનિક' પ્રચારથી ડિજિટલ પ્લેટફોર્મ (Digital Platform) પર પણ રીચ વધારવામાં મદદ મળે છે.

રાજકીય ગરમાવો

ભાવનગરની આ બેઠકો પર જીત મેળવવા માટે ભાજપે પોતાની પૂરી તાકાત લગાવી દીધી છે. રાજુભાઈ રાબડીયાના નેતૃત્વમાં વડવા વિસ્તારના પ્રચારને વધુ વેગ મળ્યો છે. મતદારો પણ ઉમેદવારોના આ નવા અંદાજને આવકારી રહ્યા છે.

આ પણ વાંચોઃRajkot માં DyCM હર્ષભાઈ સંઘવીનો પ્રચંડ પ્રચાર, રોડ શો શરૂ