Bhavnagar : વાળુકડમાં જૂની અદાવતે લીધો યુવકનો ભોગ, છરીના ઘા મારી યુવકની કરપીણ હત્યા
- Bhavnagar ના ઘોઘાના વાળુકડ ગામમાં યુવાનની નિર્મમ હત્યા
- રવિ રબારી નામના યુવક પર જૂની અદાવતમાં થયો જીવલેણ હુમલો
- તીક્ષ્ણ છરીના ઘા ઝીંકી કરપીણ હત્યાનો લાઈવ વીડિયો થયો વાયરલ
- ઘટનાની ગંભીરતા જોઈ ASP અને DySP સહિતનો કાફલો સ્થળ પર
- મૃતદેહને પીએમ અર્થે ભાવનગર સિવિલ હોસ્પિટલ ખાતે ખસેડાયો
- ફરાર આરોપીઓને ઝડપી પાડવા પોલીસે નાકાબંધી કરી તપાસ તેજ કરી
Bhavnagar: કાયદો અને વ્યવસ્થાની સ્થિતિ સામે સવાલો ઉભા કરે તેવી એક અત્યંત ચોંકાવનારી ઘટના સામે આવી છે. ભાવનગર જિલ્લાના ઘોઘા (Ghogha) તાલુકાના વાળુકડ (Walukad) ગામમાં શનિવારે મોડી રાત્રે એક યુવકની નિર્મમ હત્યા (Brutal Murder) કરવામાં આવી છે. આ હત્યાની ઘટનાના લાઈવ ફૂટેજ સોશિયલ મીડિયા પર વાયરલ થતા સમગ્ર પંથકમાં ભય અને અરેરાટીનો માહોલ વ્યાપી ગયો છે.
Bhavnagar ના ઘોઘાના વાળુકડ ગામમાં યુવાનની નિર્મમ હત્યા | Gujarat First
શનિવારે મોડી રાત્રે રવિ રબારી નામના યુવકની કરાઈ હત્યા
જૂની અદાવતમાં યુવક પર છરીના જીવલેણ ઘા ઝીંકાયા
હત્યાની જાણ થતાં ASP અને DySP સહિત પોલીસ કાફલો દોડ્યો
યુવાનની હત્યાનો લાઈવ વીડિયો સોશિયલ મીડિયા પર વાયરલ… pic.twitter.com/WwuSObfEXu— Gujarat First (@GujaratFirst) March 29, 2026
જૂની અદાવત બની મોતનું કારણ
મળતી માહિતી મુજબ, વાળુકડ ગામના રહેવાસી રવિ રબારી (Ravi Rabari) નામના યુવક પર અજાણ્યા શખ્સોએ જૂની અદાવત રાખીને જીવલેણ હુમલો કર્યો હતો. હુમલાખોરોએ તીક્ષ્ણ છરી (Sharp Knife) વડે યુવકના શરીર પર આડેધડ ઘા ઝીંક્યા હતા. આ હુમલો એટલો ભયાનક હતો કે રવિ રબારીનું ઘટનાસ્થળે જ કમકમાટીભર્યું મોત નીપજ્યું હતું. હત્યાની આ સમગ્ર ઘટનાનો વીડિયો કોઈએ કેમેરામાં કેદ કરી લીધો હતો, જે હવે સોશિયલ મીડિયામાં વાયરલ થઈ રહ્યો છે.
Bhavnagar પોલીસનો કાફલો ઘટનાસ્થળે
હત્યાની જાણ થતાં જ ભાવનગરના ASP અને DySP સહિતનો ઉચ્ચ પોલીસ અધિકારીઓનો કાફલો તાત્કાલિક વાળુકડ ગામે દોડી ગયો હતો. પોલીસે મૃતદેહનો કબજો મેળવી તેને પોસ્ટમોર્ટમ (Post-Mortem) માટે ભાવનગરની સરકારી હોસ્પિટલ ખાતે ખસેડ્યો છે. ગામમાં કોઈ અનિચ્છનીય ઘટના ન બને તે માટે ચુસ્ત પોલીસ બંદોબસ્ત ગોઠવી દેવામાં આવ્યો છે.
આરોપીઓની શોધખોળ તેજ
ભાવનગર પોલીસે (Bhavnagar Police) આ મામલે ગુનો નોંધીને ફરાર આરોપીઓને પકડવા માટે અલગ-અલગ ટીમો બનાવી ચક્રો ગતિમાન કર્યા છે. જૂની અદાવતમાં થયેલી આ હત્યા પાછળ અન્ય કયા કારણો જવાબદાર છે અને વાયરલ વીડિયોમાં દેખાતા શખ્સો કોણ છે, તે દિશામાં ઝીણવટભરી તપાસ હાથ ધરવામાં આવી છે. આ ઘટનાથી વાળુકડ સહિત સમગ્ર ઘોઘા પંથકમાં ભારે ગમગીની છવાઈ ગઈ છે.
આ પણ વાંચો : Rajkot: ધોરાજીમાં કોળી સમાજના યુવાનની કેમ કરાઈ હત્યા? જાણો સમગ્ર મામલો