Bhavnagar: LCB નો સપાટો, નારી ગામ નજીકથી રૂ. 8.61 લાખનો દારૂ ઝડપાયો

Bhavnagar: કારમાં વિદેશી દારૂનો જથ્થો હતો

ઘટનાની વિગત મુજબ, પોલીસને ચોક્કસ બાતમી મળી હતી કે એક હ્યુન્ડાઈ ક્રેટા (Hyundai Creta) કારમાં વિદેશી દારૂનો જથ્થો ભરીને પસાર થવાનો છે. આ માહિતીના આધારે એલસીબીની ટીમે નારી ગામ નજીક વોચ ગોઠવી હતી. પોલીસને જોઈને આરોપીઓએ કાર સ્થળ પર જ મૂકી દીધી હતી અને અંધારાનો લાભ લઈને નાસી છૂટવામાં સફળ રહ્યા હતા. પોલીસે કારની તપાસ કરતા તેમાંથી મોટી સંખ્યામાં વિદેશી દારૂની બોટલો મળી આવી હતી.

રૂ.1.61 લાખનો મુદ્દામાલ જપ્ત

પોલીસે ગણતરી કરતા કુલ 2,016 વિદેશી દારૂની બોટલો (Liquor Bottles) મળી આવી હતી, જેની કિંમત રૂ. 1.61 લાખ અંદાજવામાં આવી છે. આ ઉપરાંત જે કારમાં દારૂની હેરાફેરી થતી હતી, તે રૂ. 7 લાખની કિંમતની હોવાથી કુલ રૂ. 8.61 લાખનો મુદ્દામાલ પોલીસે સીઝ (Seized) કર્યો છે. આ કેસમાં કિશન લાલજીભાઈ ચૌહાણ (Kishan Laljibhai Chauhan) સહિત કુલ ચાર વ્યક્તિઓ સામે વરતેજ પોલીસ મથકે (Vartej Police Station) ગુનો નોંધવામાં આવ્યો છે.

હાલમાં ચારેય આરોપીઓ ફરાર

હાલમાં ચારેય આરોપીઓ ફરાર હોવાથી એલસીબી અને વરતેજ પોલીસ દ્વારા તેમની શોધખોળ માટે અલગ-અલગ ટીમો બનાવી તપાસ તેજ કરવામાં આવી છે. આરોપીઓ કોની પાસેથી દારૂ લાવ્યા હતા અને કયા વિસ્તારમાં સપ્લાય કરવાના હતા, તે દિશામાં પણ પોલીસે ઊંડી તપાસ શરૂ કરી છે. એલસીબીની આ સફળ કાર્યવાહીને પગલે નશાના વેપારીઓમાં ફફડાટ જોવા મળી રહ્યો છે. પોલીસની આ કામગીરીથી દારૂબંધીના અમલીકરણમાં મોટું પ્રોત્સાહન મળ્યું છે.

આ પણ વાંચો: PM Modi 12 years: PM મોદીના નેતૃત્વમાં 12 વર્ષ પૂર્ણ, ચિરાગ પાસવાને પાઠવ્યા ખાસ અભિનંદન