Bhavnagar Medical College માં મચ્યો ખળભળાટ, એન્ટી રેગિંગ કમિટીની બેઠકમાં સ્ટિંગ ઓપરેશનનો વિવાદ

ચશ્મામાં હિડન કેમેરા હોવાનું સામે આવ્યું 

બેઠકમાં જ્યારે ગંભીર ચર્ચા ચાલી રહી હતી, ત્યારે ઓર્થોપેડિક વિભાગના HOUએ પહેરેલા ચશ્મામાં હિડન કેમેરા (Hidden Camera) હોવાનું સામે આવ્યું હતું. આ ચશ્મા દ્વારા બેઠકની ગુપ્ત કાર્યવાહી અને તેમાં થયેલી ચર્ચાઓનું ગેરકાયદેસર રેકોર્ડિંગ કરવામાં આવતું હતું. આ સમગ્ર મામલો ત્યારે પ્રકાશમાં આવ્યો જ્યારે ત્યાં હાજર કેટલાક મીડિયાકર્મીઓ અને અન્ય સભ્યોને આ શંકાસ્પદ ચશ્માં અને તેમાંથી થઈ રહેલા રેકોર્ડિંગ વિશે જાણકારી મળી.

Bhavnagar: ડીન દ્વારા કડક કાર્યવાહી

ઘટનાની ગંભીરતાને ધ્યાનમાં રાખીને વિરોધ વ્યક્ત કરવામાં આવ્યો હતો. ડીન દ્વારા આ મામલે કડક વલણ અપનાવતા તાત્કાલિક અસરથી HOUના શંકાસ્પદ ચશ્મા કબજે કરી લેવામાં આવ્યા હતા. આ ઘટનાને કારણે મેડિકલ કોલેજના શૈક્ષણિક અને વહીવટી સ્તરે ભારે રોષ જોવા મળી રહ્યો છે. હાલ આ સમગ્ર મામલે ઉચ્ચસ્તરીય તપાસની માંગ ઉઠી છે.

આ પણ વાંચો: Kutch News: કચ્છના પાનધ્રોમાં વહીવટી તંત્રનું મેગા ઓપરેશન, લાખોની સરકારી જમીન દબાણમુક્ત