Bhavnagar: ગૌતમેશ્વર તળાવમાં યુવકનું ડૂબી જવાથી મોત, આર્થિક સંકડામણ કારણભૂત હોવાની ચર્ચા

આર્થિક સંકડામણના કારણે ભર્યું પગલું

પ્રાથમિક માહિતી અનુસાર, આર્થિક સંકડામણના કારણે યુવકે આ આત્મઘાતી પગલું ભર્યું હોવાની આશંકા સેવાઈ રહી છે. આજે વહેલી સવારે યુવક તળાવના કિનારે પહોંચ્યો હતો અને ત્યારબાદ તળાવમાં ડૂબી ગયો હોવાનું બહાર આવ્યું છે. સ્થાનિકો દ્વારા આ અંગે જાણ કરવામાં આવતા ફાયર વિભાગની ટીમ તાત્કાલિક ઘટનાસ્થળે દોડી આવી હતી. ફાયર ફાઈટરોની ટીમે ભારે જહેમત અને શોધખોળ બાદ ગૌતમેશ્વર તળાવના ઊંડા પાણીમાંથી અદનાનનો મૃતદેહ બહાર કાઢ્યો હતો.

Bhavnagar:મૃતદેહને પોસ્ટમોર્ટમ માટે ખસેડાયો

મૃતદેહને બહાર કાઢ્યા બાદ તેને તાત્કાલિક પોસ્ટમોર્ટમ માટે સિહોર સિવિલ હોસ્પિટલ ખાતે ખસેડવામાં આવ્યો હતો. આ દુઃખદ ઘટનાને લઈને પરિવારે આઘાત અનુભવ્યો છે. યુવક આર્થિક મુશ્કેલીઓનો સામનો કરી રહ્યો હતો કે અન્ય કોઈ અંગત કારણોસર આ નિર્ણય લીધો, તે અંગે પોલીસ દ્વારા વધુ તપાસ હાથ ધરવામાં આવી છે. અત્યાર સુધીની પ્રાથમિક વિગતોમાં આર્થિક તંગીની ચર્ચાઓ વહેતી થઈ છે, પરંતુ પોલીસ તપાસના અંતે જ સત્ય બહાર આવશે.

આ પણ વાંચો: Panchmahal: લગ્નેત્તર સંબંધમાં પત્ની અને દિયરે પતિની ઘાતકી હત્યા કરી લાશના ટુકડા કર્યા