પાકિસ્તાન સામે ભારતની ભવ્ય જીત પર મુખ્યમંત્રી ભૂપેન્દ્રભાઇ પટેલે ટીમને પાઠવ્યા અભિનંદન
- CM ભૂપેન્દ્રભાઇ પટેલે ભારતીય ટીમને જીતના પાઠવ્યા અભિનંદન (Bhupendrabhai Patel Congratulates Team India)
- મુખ્યમંત્રીએ ભારતીય ખેલાડીઓના ભરપૂર કર્યા વખાણ
- ભારતીય ટીમને આગામી મેચો માટે આપી ખાસ શુભેચ્છાઓ
આઈસીસી ટી-20 વર્લ્ડ કપ 2026 (T20 World Cup 2026) માં કટ્ટર હરીફ પાકિસ્તાન સામે ભારતે મેળવેલી ધમાકેદાર જીતથી સમગ્ર દેશમાં ઉત્સાહનું મોજું ફરી વળ્યું છે. આ ખાસ પ્રસંગે ગુજરાતના મુખ્યમંત્રી ભૂપેન્દ્રભાઇ પટેલે (Bhupendra Patel) સોશિયલ મીડિયા પ્લેટફોર્મ 'X' ના માધ્યમથી ભારતીય ટીમને (Team India) હાર્દિક અભિનંદન પાઠવ્યા છે. તેમણે ટીમની એકતા અને મેદાન પરના અદભૂત કૌશલ્યની મુક્તમણે પ્રશંસા કરી છે.
Heartiest congratulations to Team India on a commanding victory over Pakistan.
Brilliant teamwork, skill, and spirit on display.
Best wishes to our champions for the upcoming matches at #T20WorldCup2026. pic.twitter.com/0VdUHYWMe3
— Bhupendra Patel (@Bhupendrapbjp) February 15, 2026
Bhupendrabhai Patel Congratulates Team India : CMએ પાઠવ્યા અભિનંદન
મુખ્યમંત્રીએ પોતાની પોસ્ટમાં ભારતીય ખેલાડીઓના પ્રદર્શનને બિરદાવતા જણાવ્યું હતું કે, પાકિસ્તાન પર શાનદાર વિજય મેળવવા બદલ ટીમ ઈન્ડિયાને ખૂબ ખૂબ અભિનંદન. આ મેચમાં ખેલાડીઓ વચ્ચેનું ઉત્કૃષ્ટ ટીમ વર્ક અને રમત પ્રત્યેનો અનોખો જુસ્સો જોવા મળ્યો હતો. સીએમએ આગામી રાઉન્ડની મેચો માટે પણ ભારતીય ટીમને ખાસ શુભેચ્છાઓ પાઠવી છે.
CMએ ખેલાડીઓના ફોટા શેર કર્યા
મુખ્યમંત્રી દ્વારા શેર કરવામાં આવેલી તસવીરોમાં હાર્દિક પંડ્યા (Hardik Pandya) અને જસપ્રીત બુમરાહ (Jasprit Bumrah) જેવા સ્ટાર ખેલાડીઓ વિજયનો જશ્ન મનાવતા જોવા મળી રહ્યા છે. આ તસવીરો સોશિયલ મીડિયા પર ભારે વાયરલ થઈ રહી છે, જેમાં તિલક વર્મા (Tilak Varma) સહિતના અન્ય ખેલાડીઓ પણ જીતની ખુશી વ્યક્ત કરી રહ્યા છે. ગુજરાતના સીએમની આ પોસ્ટને હજારો યુઝર્સે લાઈક અને શેર કરીને ભારતની જીત પર ગર્વ વ્યક્ત કર્યો છે.
નોંધનીય છે કે પ્રથમ બેટિંગ કરતા ભારતે 20 ઓવરમાં 7 વિકેટના નુકસાન પર 175 રન બનાવ્યા હતા. ભારત તરફથી વિકેટકીપર-બેટ્સમેન ઈશાન કિશને (Ishan Kishan) માત્ર 40 બોલમાં 10 ચોગ્ગા અને 3 છગ્ગાની મદદથી 77 રનની તોફાની ઈનિંગ રમી હતી, જેના માટે તેને 'પ્લેયર ઓફ ધ મેચ' જાહેર કરાયો હતો. પાકિસ્તાનની ટીમ માત્ર 114 રનમાં ઓલઆઉટ થઇ ગઇ હતી.
આ પણ વાંચો : T20 વર્લ્ડ કપમાં પાકિસ્તાન સામે ભારતની ભવ્ય જીત પર ગૃહમંત્રી અમિતભાઇ શાહે ટીમને અભિનંદન પાઠવ્યા,પાક.પર કસ્યો તંજ