Surendranagar: રૂ.1500 કરોડના કૌભાંડમાં નાયબ મામલતદારની ધરપકડ, મોટા ખુલાસા થવાની સંભાવના
- Surendranagar: EDની ટીમે નાયબ મામલતદાર ચંદ્રસિંહ મોરીની કરી ધરપકડ
- જમીન સંપાદનમાં મોટા ગોટાળા કરી કૌભાંડ મુદ્દે કાર્યવાહી
- ચંદ્રસિંહ મોરીને લઇને EDની ટીમ દ્વારા વિશેષ કોર્ટમાં કરાયો રજૂ
Surendranagar: રૂ.1500 કરોડના કૌભાંડમાં નાયબ મામલતદારની ધરપકડ, મોટા ખુલાસા થવાની સંભાવના છે. ઉલ્લેખનીય છે કે EDની ટીમે નાયબ મામલતદાર ચંદ્રસિંહ મોરીની ધરપકડ કરી છે. જમીન સંપાદનમાં મોટા ગોટાળા કરી કૌભાંડ મુદ્દે કાર્યવાહી થઇ છે. તેમાં ચંદ્રસિંહ મોરીને લઇ EDની ટીમ દ્વારા વિશેષ કોર્ટમાં રજૂ કરાયો છે. તથા ચંદ્રસિંહ મોરીને રજૂ કરાતા EDની ટીમને વિશેષ કોર્ટ દ્વારા ટકોર કરાઇ છે કે શા માટે નજીકની મેજિસ્ટ્રેટ કોર્ટ સમક્ષ આરોપીને રજૂ ના કર્યો?
સુરેન્દ્રનગર કલેક્ટર કચેરી પ્રકરણમાં વધુ એક મોટા સમાચાર
સુરેન્દ્રનગર કલેક્ટર કચેરી પ્રકરણમાં વધુ એક મોટા સમાચાર સામે આવ્યા છે. EDની સમાંતર ACBએ પણ તપાસ હાથ ધરી છે. ACBના નાયબ નિયામક સમગ્ર તપાસનું સુપરવિઝન કરશે. તથા સુરેન્દ્રનગર ACBમાં ગુનો નોંધાયો છે તેથી તપાસનો ધમધમાટ શરૂ થયો છે. ACBના સૌરાષ્ટ્ર DySP હસ્તક તપાસના ચક્રો ગતિમાન થયા છે. પ્રકરણમાં માત્ર નાયબ મામલતદાર કે બીજા મોટા માથા? સાંજ સુધીમાં વધુ કેટલાંક મોટા ખુલાસા થવાની સંભાવના છે.
Surendranagar કલેક્ટર કચેરી પ્રકરણમાં વધુ એક મોટા સમાચાર | Gujarat First @CollectorSRN @dir_ed #Surendranagar #EDRaid #EDAction #LandScam #LandAcquisitionScam #CorruptionCase #MoneyLaundering #AhmedabadCourt #BigBreaking #gujaratfirst pic.twitter.com/UJi0nBbcke
— Gujarat First (@GujaratFirst) December 24, 2025
વિશેષ કોર્ટે EDને આરોપીની અટકાયત અંગે પ્રશ્નો પૂછાયા
ED એ જણાવ્યું છે કે કેસની ગંભીરતાને જોતા આરોપીને વિશેષ કોર્ટમાં લાવ્યા છે. વિશેષ કોર્ટે EDને આરોપીની અટકાયત અંગે પ્રશ્નો પૂછાયા છે. ખંડણીની ફરિયાદમાં આરોપી સામે વાંધાજનક મટીરિયલ મળ્યું છે તેમ EDએ જણાવ્યું છે. સુરેન્દ્રનગર જિલ્લામાં 23 ડિસેમ્બર 2025ના રોજ વહેલી સવારથી એન્ફોર્સમેન્ટ ડિરેક્ટોરેટ (ED)ની ટીમોએ મોટી કાર્યવાહી હાથ ધરી હતી. ગાંધીનગરથી આવેલી EDની અલગ-અલગ ટીમોએ જિલ્લા કલેક્ટર ડૉ. રાજેન્દ્રકુમાર પટેલના નિવાસસ્થાન તેમજ વઢવાણના રાવળવાસ વિસ્તારમાં નાયબ મામલતદાર ચંદ્રસિંહ મોરીના ઘરે સર્ચ ઓપરેશન શરૂ કર્યું હતુ. આ ઉપરાંત અન્ય કેટલાક સ્થળો પર પણ તપાસ ચાલી રહી છે તેવા અહેવાલો છે.
EDએ Surendranagar નાયબ મામલતદારની કરી ધરપકડ | Gujarat First #Surendranagar #EDRaid #EDAction #LandScam #LandAcquisitionScam #CorruptionCase #MoneyLaundering #AhmedabadCourt #BigBreaking #gujaratfirst pic.twitter.com/SpY9vj7xbg
— Gujarat First (@GujaratFirst) December 24, 2025
Surendranagar: પોલીસનો ચુસ્ત બંદોબસ્ત વચ્ચે રેડ
આ તપાસમાં 8થી વધુ વાહનો અને પોલીસનો ચુસ્ત બંદોબસ્ત જોવા મળ્યો છે. સ્થાનિક મીડિયા અને સોશિયલ મીડિયા પરથી મળતી માહિતી અનુસાર, આ કાર્યવાહી મની લોન્ડરિંગ અને બેનામી સંપત્તિ સંબંધિત આરોપોને લઈને હાથ ધરવામાં આવી છે. કેટલાક અહેવાલોમાં જમીન સંબંધિત અનિયમિતતાઓનો પણ ઉલ્લેખ છે. જોકે, ED તરફથી હજુ સુધી કોઈ સત્તાવાર નિવેદન જાહેર કરવામાં આવ્યું નથી અને તપાસના મુદ્દા અંગેની વિગતો ગુપ્ત રાખવામાં આવી છે. જિલ્લા કલેક્ટર ડૉ. રાજેન્દ્રકુમાર પટેલ 2015 બેચના IAS અધિકારી છે અને વર્તમાનમાં સુરેન્દ્રનગરના જિલ્લા વહીવટકર્તા તરીકે ફરજ બજાવે છે. નાયબ મામલતદાર ચંદ્રસિંહ મોરી પણ કલેક્ટર કચેરી સાથે સંકળાયેલા છે. આ કાર્યવાહીથી જિલ્લામાં ચકચાર મચી ગઈ છે અને લોકોમાં અનેક પ્રકારની ચર્ચાઓ ચાલી રહી છે.
પહેલા પણ થયા હતા આરોપ
આ પહેલા પણ સુરેન્દ્રનગરમાં આવા પ્રકરણો સામે આવ્યા છે, જેમ કે પૂર્વ કલેક્ટરના કેસમાં અનિયમિતતાઓના આરોપો થયા હતા. હાલ તપાસ ચાલુ છે અને વધુ વિગતો મળે તેમ જાણવા મળશે કે આ કાર્યવાહી કયા ચોક્કસ કેસ સાથે જોડાયેલી છે. આવી તપાસથી સરકારી તંત્રમાં પારદર્શિતા અને જવાબદારી વધે તેવી અપેક્ષા રાખવામાં આવે છે.
આ પણ વાંચો: Entertainment: જબરદસ્ત રિયાલિટી શો The 50, સેલિબ્રિટીના નામ જાહેર!