Education Minister પ્રદ્યુમનસિંહ વાજાએ પાઠ્યપુસ્તક ગોડાઉનની લીધી મુલાકાત, કામગીરીને વેગ આપવા સૂચના

ગોડાઉનની કામગીરીનું ઝીણવટભર્યું નિરીક્ષણ

મંત્રીએ મુલાકાત દરમિયાન ગોડાઉનની કામગીરીનું ઝીણવટભર્યું નિરીક્ષણ કર્યું હતું. વૈશ્વિક સ્તરે પ્રવર્તતી આર્થિક અને તકનીકી પરિસ્થિતિઓ તેમજ અગાઉ થયેલા કેટલાક કાયદાકીય કોર્ટ કેસ (Court Cases) ના કારણે પાઠ્યપુસ્તકોના પ્રિન્ટિંગમાં અનિવાર્યપણે વિલંબ થયો હતો. જોકે, હવે આ તમામ અવરોધો દૂર થઈ ગયા હોવાનું જણાવી મંત્રીએ અધિકારીઓને યુદ્ધના ધોરણે કામગીરી કરવા સૂચના આપી છે, જેથી રાજ્યના કોઈ પણ વિદ્યાર્થીને પુસ્તકોના અભાવે ભણવામાં મુશ્કેલી ન પડે.

Education Minister: કર્મચારીઓની કામગીરીની પ્રશંસા

ગોડાઉનમાં પાઠ્યપુસ્તકોનું પેકિંગ અને ડિસ્પેચિંગનું કામ મોડી રાત સુધી ચાલી રહ્યું છે. મંત્રીએ ત્યાં હાજર કર્મચારીઓની કામગીરીને બિરદાવતા તેમની નિષ્ઠા અને મહેનતની પ્રશંસા કરી હતી. તેમણે ખાતરી આપી હતી કે વિદ્યાર્થીઓ સુધી પાઠ્યપુસ્તકો સમયસર અને ઝડપથી પહોંચાડવા માટે સરકાર તમામ પ્રકારના પ્રયાસો કરી રહી છે. આ સમીક્ષા બેઠક બાદ પાઠ્યપુસ્તક વિતરણ વ્યવસ્થામાં વધુ ગતિ આવશે તેવી અપેક્ષા સેવાઈ રહી છે.

આ પણ વાંચો: Ahmedabad: કોમર્શિયલ ડિમોલેશન, સરદારનગરમાં કોંગ્રેસ કાર્યાલય પર AMCનું બુલડોઝર ફર્યું